Apocalipsis 8:10 - Chayahuita (Shahui)

¹⁰ Ina quëran aꞌna anquënintaꞌ pihuiantahuachina, panca tayora anotarin, panca orotërinsoꞌ. Anotohuachina, Yosë nohuanton, patoma pochin iiroꞌsaꞌ tapiarin.

Apocalipsis 8:10 ပူးပေါင်းရင်းမြစ်များ

Mateo 25:1

Naquëranchin Quisosori pënëantarin: “Yosë huaꞌanëntërinsoꞌ aꞌchintantaꞌinquëmaꞌ, noya natanco. Huaꞌan saꞌarinso pochin ninin. Inaso aquë quëran huëꞌsarin. Onporosona canquicasoꞌ co nitotopihuëꞌ. Tahuëri nanihuachina, sanapi nipayarinsopita ninarapi huaꞌan huëcacasoꞌ. ‘Huaꞌqui quëran canquipon nimara,’ taꞌtonaꞌ, shonca nanoꞌsaꞌ nanparinënarë chachin ninarapi.

Lucas 10:18

Napotohuachinara, Quisosori itërin; —Sopai huaꞌan chachin iráca inápaquë yaꞌhuëpirinhuëꞌ, Yosëri tëꞌyatërin. Oꞌcori pochin aꞌnaroáchin anotërinsoꞌ niꞌnahuë.

Judas 1:13

Pamantaꞌ yonquicoꞌ. Panca pamatohuachina, notohuaroꞌ saꞌpoꞌ, amoroꞌ, inapita quënin. Nonpinaꞌpiroꞌsasoꞌ, ina pochin co sano cancantopihuëꞌ. Co noyahuëꞌ nipi niꞌton tapanacaso nipirinhuëꞌ, co nitotapanpihuëꞌ. Ina marëꞌ Yosëri anaꞌintarin. Tayorantaꞌ yonquicoꞌ. Anotohuachina, tacopirin. Co huachi aꞌpininhuëꞌ. Inapochachin nisha aꞌchinaꞌpiroꞌsantaꞌ, tashinanquë paꞌmiatapi. Quisocristo aꞌpohuachinaꞌ, parisitopiquë pacacasoꞌ yaꞌhuërin huachi.

Apocalipsis 1:20

Niꞌnansoꞌ co quëmaora nitotopiranhuëꞌ, aꞌchinchinquën nitotëquëꞌ. Canchisë sëꞌparahuan nanparinoꞌsasoꞌ noya aꞌpinin. Inapochachin canchisë ninanoroꞌsaquë imarinacosopita yaꞌhuapi. Niyontonatonaꞌ, chinotarinaco. Canchisë tayoraroꞌsaꞌ sëꞌquërahuëso pochin ansianoꞌsaꞌ aꞌpaiarahuë, itërinco.

Apocalipsis 12:4

Huinamën quëran inápaquë huihuicontahuachina, tayoraroꞌsaꞌ aꞌtëntontarahuaton, isoroꞌpaquë tëꞌyatimarin. Patoma pochin tëꞌyatimarin. Ina quëran huaꞌnarëso pochin quënantarahuë. Panca yaꞌhuan pochin nininsoꞌ paꞌnin. Sanapi notënanquë huaniarin. “Huaihuachin, huaꞌhuin matahuato, caꞌsarahuë,” taꞌton, ninararin.

Apocalipsis 14:7

—Yosë tëꞌhuatatomaꞌ, natëcoꞌ. Anaꞌintacasoꞌ tahuëri nani naniriarin niꞌton, inasáchin imacoꞌ. Yaꞌipi isoroꞌpaꞌ, inápaquë yaꞌhuërinsoꞌ, marë, iiroꞌsaꞌ, yaꞌipiya ninin niꞌton, chinotocoꞌ, itarin anquëniri chiníquën nontaton.

Apocalipsis 16:4

Ina piquëran aꞌna anquënintaꞌ paꞌnin. Minëquë yaꞌhuërinsoꞌ iroꞌsaquë tëꞌyaitohuachina, inapitantaꞌ huënaiꞌ taranarin. Tëquëin, iꞌsharoꞌsaꞌ, inapita napoapi.

Apocalipsis 6:13

Naporahuaton, tayoraroꞌsantaꞌ anotapi. Iquira nara nitërinsoꞌ canora niponahuëꞌ, panca ihuan paꞌpachina, notohuaro shitatërinso pochin nisapi.

Apocalipsis 8:7

Yaꞌnan pihuirinsoꞌ irinpachina, Yosë nohuanton, ocaiꞌ, pën, inapita inápa quëran anotarin. Huënairë chachin anotarin. Pancana huiquitarin. Patoma pochin huiquitarin. [Cacharonquë un tercero, topisoꞌ.] Nararoꞌsaꞌ, panpatëroꞌ inapitanta napochachin huiquitarin.

Apocalipsis 9:1

Ina piquëran aꞌna anquënintaꞌ pihuiantahuachina, tayora anotërinso pochin aꞌnantaꞌ oꞌmarin. Yosë nohuanton, chiníquën nanan yaꞌhuëtërin sopairoꞌsaꞌ oncorapirinsoꞌ parti iꞌsoatacaso marëꞌ. Nanin acoporoꞌ paꞌninsoꞌ iꞌsoatarin.

Apocalipsis 9:15

Itohuachina, anquëniroꞌsaꞌ aꞌparin piyapiꞌsaꞌ anaꞌintacaiso marëꞌ. Iráca inaquë acopirinhuëꞌ. Nani ora nanirin niꞌton, aꞌparin huachi patoma pochin piyapiꞌsaꞌ tëpacaiso marëꞌ.

Apocalipsis 9:18

Cahuarioroꞌsa nanamëna quëran inapita pipirahuatonaꞌ, patoma pochin piyapiꞌsaꞌ tëparapi. Notohuaroꞌ chiminapi.

Jueces 15:11

Ina natanatonaꞌ, cara huaranca Cota huënton sontaroꞌsari Sanson paapapi. Itan natëtëanataquë paaparahuatonaꞌ: —¡Huiristinoꞌsasoꞌ, canpoa quëran chini chiníquënoꞌsa nipisoꞌ, nani nitotëran! ¡Noꞌhuipirinënhuëꞌ isëquë huëcaton quiyanta naꞌintarancoi! itopi. —Canta maꞌsha onpotërinaco niꞌton, topinan iꞌhuërëtërahuë, tënin Sanson.