Apocalipsis 7:3 - Chayahuita (Shahui)

³ —Ama apiramiáchin anaꞌintocosohuëꞌ. Ninataco Yosë piyapinënpita catahuai. Co Yosë marcanën acochátëraraihuëꞌ. Tëꞌyainaquë acotëraꞌpiapoi. Nani acotohuatoi, yaꞌipiroꞌpaꞌ, marë, nararoꞌsaꞌ, inapita anaꞌintocoꞌ, itiirin.

Apocalipsis 7:3 ပူးပေါင်းရင်းမြစ်များ

Éxodo 12:13

Canpitaso nipirinhuëꞌ, co tëꞌhuatamaso yaꞌhuërinhuëꞌ. Yaꞌcoana chinpirinso nararoꞌsa huënaiquë pashitëramasoꞌ quënanpato, paninantëramasoꞌ co maꞌsha onpotarahuëꞌ. Topinan naꞌhuëtaranquëmaꞌ.

Éxodo 12:23

Inapotohuatëhuaꞌ, Yosë noya niꞌsarinpoaꞌ. Paninanënpoapita co tëpaponhuëꞌ. Iquipitoroꞌsa pëinënaquëso nipirinhuëꞌ, tëpaton anquëniri paninanëna tëparaꞌpiapon.

Isaías 54:17

Napoaponahuëꞌ, co inso tëranta ataꞌhuantiinquëmaso marëꞌ huaꞌna acoaponhuëꞌ. Insosona shaꞌhuirapihuachinquën, quëmari acopitëraꞌpiapon. Inpitasona natëhuachinaco, ca nohuanton minsëtaponaꞌ. Sinioro chachin naporin,” tënin.

Isaías 6:13

Pasayaꞌpi quëran shonca tëranta quëparitohuachina, inapitanta taꞌhuantaponaꞌ. Napoaponahuëꞌ, aꞌnaquën nara aꞌnëhuatëra papotaantarinso pochin, Sinioro marëꞌ nipisopitasoꞌ, yaꞌhuëantaponaꞌ,” itërinco.

Daniel 3:26

Ina quëran orno yaꞌcarirahuaton: —Satraco, Api-nico, Misaco. Canpitasoꞌ, Yosë chini chiníquën nanantërinsoꞌ piyapinënpitanquëmaꞌ. ¡Pipirahuatoma huëntaco huachi! itërin chiníquën nontaton. Napotohuachina, cara chachin pën quëran pipipi.

Daniel 6:16

Napotohuachinara, camaitërin: “Naniri quëcatomaꞌ, paꞌpiniꞌ yaꞌhuërinquë tëꞌyatocoꞌ,” tënin. Coꞌhuara tëꞌyachátërasoihuëꞌ: —Quëmaso Naniri, Sinioroíchin cancantaton natëran. Ina nichaꞌëinquën, itërin.

Malaquías 3:18

Noya nipisopitasoꞌ, noya nicato nichaꞌësarahuë. Co noyahuëꞌ nipisopitasoꞌ, noꞌtëquën anaꞌintarahuë. Ina nicatoma canpitasoꞌ: ‘Yosësoꞌ, co napopináchin piyapinpoa niꞌninpoahuëꞌ. Ina chinotohuatëhuaꞌ, noya acoarinpoaꞌ. Coꞌsoꞌ chinotohuatëhuahuëꞌ, noꞌtëquën anaꞌintarinpoaꞌ,’ tosarama huachi,” tënin.

Mateo 24:22

Yosë nohuanton, co huaꞌquiꞌ aparisitapihuëꞌ. Huaꞌquiꞌ aparisitapi naporini, yaꞌipi piyapiꞌsaꞌ taquiꞌitonahuëꞌ. Nipirinhuëꞌ, piyapinënpita nosoroaton, co nohuantërinhuëꞌ huaꞌquiꞌ aparisitacaisoꞌ. Huayoninsopita nichaꞌësarin huachi.

Mateo 24:31

Oꞌmantarahuato, naꞌa anquëniroꞌsaꞌ aꞌpararahuë. Panca tronpita pihuitonaꞌ, yaꞌipi parti paꞌsapi huayonahuësopita ayontonacaiso marëꞌ.

Juan 12:26

Nohuantërahuësoꞌ yanipatamaꞌ, ca pochin cancantatomaꞌ imaco. Insëquësona paꞌpato, piyapinëhuëpita imasarinaco. Inquëma tërantaꞌ ca marëꞌ sacatohuatamaꞌ, Yosë noya niꞌsarinquëmaꞌ, itërin Quisosori.

Juan 3:33

Aꞌnaquënpoaso nipirinhuëꞌ natëtërëhuaꞌ. “Yosë noꞌtëquën nonin. Inari aꞌpaimarin,” taꞌtëhuaꞌ, natëtërëhuaꞌ.

Romanos 6:22

Iporaso nipirinhuëꞌ co huachi oshanëma huaꞌanëntërinquëmahuëꞌ. Yosë nichaꞌërinquëmaꞌ ama huachi oshahuanacamaso marëhuëꞌ. Ina chachin huaꞌanëntërinquëmaꞌ. Napoaton noyápiachin cancantaramaꞌ. Aꞌna tahuëri Yosëꞌpaꞌ nanpimiataramaꞌ.

Apocalipsis 13:16

Ina quëran camaiantarin. “Marca niacotacasoꞌ yaꞌhuërin. Tëꞌyamaquëhuë nipon, inchinan imiramaquëhuë nipon niacotocoꞌ. Huaꞌanoꞌsaꞌ, topinan piyapiꞌsaꞌ, maꞌhuanoꞌsaꞌ, saꞌahuaroꞌsaꞌ, patronoꞌsaꞌ piyapinënpitarë chachin, yaꞌipiya niacotacasoꞌ yaꞌhuërin. Co aꞌnaya tërantaꞌ pahuantacasoꞌ yaꞌhuërinhuëꞌ,” tosarin.

Apocalipsis 13:17

Co marca niacotohuachinahuëꞌ, co huachi nanitapihuëꞌ maꞌsha paꞌanatonaꞌ canacaisoꞌ. Co paꞌanacaiso tërantaꞌ nanitapihuëꞌ. Maꞌsha marë quëran pipirinsoꞌ marcanën niacotëraꞌpiaponaꞌ. Aꞌnaquën nininën chachin niacotapi. Aꞌnaquënso nipirinhuëꞌ nomironën niacotapi.

Apocalipsis 14:1

Ina quëran huaꞌnarëso pochin niantahuato, Carniroaꞌhua quënantarahuë. Sion motopiquë huaniarin. Inarëꞌ pasa catapini shonca catapini huaranca piyapiꞌsaꞌ yaꞌhuapi, niꞌnahuë. Imapi niꞌton, ina nininën niacotëꞌyatopi. Tata Yosë nininëontaꞌ niacotopi.

Apocalipsis 14:9

Ina piquëran aꞌna anquënintaꞌ paaton, chiníquën nonsarin. —Ama maꞌsha paꞌpi tëꞌhuatoroꞌ nininsoꞌ natëcosohuëꞌ. Ama mamanshinën moshacosohuëꞌ. Tëꞌyamaquë marcanën yaacotarinquëmaꞌ huaꞌanëntinquëmaso marëꞌ. Ama natëcosohuëꞌ. Ina chinotohuatamaꞌ, Yosë anaꞌintarinquëmaꞌ.

Apocalipsis 19:2

Co topinan quëran anaꞌintërinhuëꞌ. Yaꞌipiya noꞌtëquën anaꞌintërin. Monshihuanaꞌpi pochin nininsoꞌ nani anaꞌintërin. Inasoꞌ notohuaroꞌ piyapiꞌsaꞌ anishacancantërin. Imapisopita tëpapi niꞌton, iꞌhuërëtërin,” topi.

Apocalipsis 20:4

Ina quëran huaꞌnarëso pochin niantarahuë. Naꞌa piyapiꞌsaꞌ quënanahuë. Yosëri nani acorin coisë pochin nicacaiso marëꞌ. Aꞌnapitantaꞌ niꞌnahuë. Isoroꞌpaquë yaꞌhuaponaꞌ, Quisosoíchin imapi. Yosë nanamën aꞌchinpi niꞌton, tëpapi. Co maꞌsha paꞌpi tëꞌhuatoroꞌ nininsoꞌ chinotopihuëꞌ. Co nonanpisoꞌ moshapihuëꞌ. Co marcanën niacotopihuëꞌ. “Quisosoíchin imarai,” topachinara, nishitëconotëraꞌpiapi. Inapotopirinahuëꞌ, Quisosori ananpitaantarahuaton, ichihuaꞌanëntarin. Huaranca piꞌipi huaꞌanëntapi.

Apocalipsis 22:4

Inaquë paꞌpatëhuaꞌ, Yosë chachin nirayarihuaꞌ. Inasáchin natëarihuaꞌ. Ina piyapinënpita nisarihuaꞌ niꞌton, nininën tëꞌyaquënpoaquë acotarinpoaꞌ.

Apocalipsis 6:6

Naporoꞌ catapini maꞌsharoꞌsaꞌ huancánachin, noninsoꞌ natanahuë: —Yaꞌipi cosharoꞌ naꞌcon paꞌtarin. Aꞌna tahuëriraꞌ iꞌhuaquë huarëꞌ sacatopirinahuëꞌ, aꞌna quiroichin trico paꞌanapi. Inapochachin aꞌna cosharontaꞌ pahuanarin. Sipatasoꞌ trico pochin niponahuëꞌ, co ina pochin paꞌtopirinhuëꞌ, inantaꞌ paꞌtarin. Aꞌna tahuëriraꞌ iꞌhuaquë huarëꞌ sacatopirinahuëꞌ, cara quiroichin paꞌanapi. Tomaꞌ, huino, inapitantaꞌ pahuanarin. Niꞌcona chiniatamaꞌ, tënin.

Apocalipsis 7:1

Ina quëran Yosë nohuanton, huaꞌnarëso pochin niantarahuë. Aꞌna tahuëri maꞌsha onpocasoꞌ aꞌnotantarinco. Catapini anquëni yaꞌnopi, niꞌnahuë. Aꞌnasoꞌ piꞌi pipirinsoꞌ parti huaniarin. Aꞌnantaꞌ piꞌi yaꞌconinsoꞌ parti huaniarin. Huancanachiontaꞌ catoꞌ ninotërapi. Inaquëpita Yosëri acorin isoroꞌpaꞌ anaꞌintacaiso marëꞌ. Oshaquëran Yosë nohuanton, anaꞌintapi. Piꞌpisha pahuanarin niꞌton, anquëniroꞌsari ihuan yaꞌcopirapi ama marëquë, isoroꞌpaquë inaquëpita maꞌsha onpocaiso marëhuëꞌ. Ama nararoꞌsa tërantaꞌ oyanacaiso marëhuëꞌ yaꞌcopirapi.

Apocalipsis 7:2

Ina quëran aꞌnanaya aꞌna anquënintaꞌ yaꞌnoantarin. Piꞌi pipirinsoꞌ parti quëran huëꞌsahuaton, huaꞌnaꞌhuaya quësarin Tata Yosë marcanën acocaso marëꞌ. Inasoꞌ catapini anquëniroꞌsaꞌ shaꞌhuitërin:

Apocalipsis 9:4

“Ama panpatëroꞌ, nara monoꞌ, nitërinsoꞌ inapita pëꞌyacosohuëꞌ. Piyapiꞌsaꞌ co Yosë marcanën tëꞌyainquë yaꞌhuëtohuachinarahuëꞌ, inapita aparisitocoꞌ,” itërin.