Apocalipsis 7:16 - Chayahuita (Shahui)

¹⁶ Co huachi tanaponahuëꞌ, co yamoroponahuëꞌ. Co piꞌiri picahuachin, parisitaponahuëꞌ. Noya yaꞌhuëintarapi.

Apocalipsis 7:16 ပူးပေါင်းရင်းမြစ်များ

Salmos 121:5

Sinioro canpoasoꞌ aꞌpaiarinpoaꞌ. Ina chachin paꞌpoyararinpoaꞌ. Catahuainpoaso marëꞌ canpoa pirayan nisarin.

Salmos 121:6

Tahuërintaꞌ, co piꞌi acoarinpoahuëꞌ. Yoquintaꞌ, co manta onpotarinpoahuëꞌ.

Salmos 42:2

Yamoro yatëparincoso pochin cancantato, Yosë naꞌcon naꞌcon nohuantërahuë. Inasoꞌ nanpiárin niꞌton, yachinotërahuë. ¿Onporo huarëcha ina pëinënquë paato, chinotaantarëꞌpoya? tënahuë.

Salmos 63:1

Quëmasáchin Yosënëhuënquën. Paꞌpi yamororëso pochin cancantato, yanohuitëranquën. Inotëroquë noꞌpaꞌ yanirin. Inaquë shaꞌtohuatëra, co noyatërinhuëꞌ. Ina pochin cancantato noyá nohuitaꞌhuanquë huarëꞌ sano cancantarahuë.

Isaías 32:2

Aꞌnaya aꞌnaya, ihuan naꞌpitiinan pochin paꞌpoyatapi. Maꞌsha onpocaso tahuëri nipachin, catahuatapi. Yaniroquë sharoꞌsa opotacaiso marëꞌ cashapiso pochin nisapi. Panca natëtë inotëroquë, piꞌi yaꞌcopirinso pochin nisapi.

Isaías 41:17

Popriroꞌsaꞌ, sano piyapiroꞌsaꞌ, inapitaso iꞌsha yonípirinahuëꞌ, co quënanpihuëꞌ. Paꞌpi yamorotonaꞌ, yaniconopirapi. Napopirinahuëꞌ, ca Sinioroco niꞌto, catahuarahuë. Ca Yosënëmaco niꞌto, inapitanta co aꞌpoapohuëꞌ.

Isaías 49:10

Co huachi tanaponahuëꞌ. Co huachi yamoroaponahuëꞌ. Co piꞌiri tëranta piꞌcaton aparisitaponhuëꞌ. Cari nosoroato insëchinsona pacacaisoꞌ, aꞌnotapo. Huinanoꞌsa yaꞌhuërinquë cari quëpapo.

Jonás 4:8

Piꞌi pipihuachina Yosësoꞌ: “¡Ipora tahuëri paꞌpi chiníquën piꞌi piꞌcachin!” tënin. Napohuachina, paꞌpi chiníquën piꞌi piꞌcataton Conasë yatëparin. Piꞌi tapinantochináchin ninatanaton yachiminin: —Chiminahuë naporini, noya noya niitonhuëꞌ, tënin noꞌhuitaton.

Mateo 13:21

co cancanëna quëran huarëꞌ natëpihuëꞌ. Co chiníquën cancantatonaraihuëꞌ, co natëmiatopihuëꞌ. Maꞌsha onpohuachinara, aꞌnaroáchin yaaꞌpopi. Imapiso marëꞌ aparisitohuachinara, aꞌpopi huachi.

Mateo 13:6

Piꞌiri chiníquën piꞌcahuachina, yaahuirin. Piꞌpisharaꞌhuaya itëhuanin niꞌton, ahuirin huachi.

Mateo 5:6

Tanarëso pochin, yamororëso pochin cancantatomaꞌ, Yosë naꞌcon nohuantocoꞌ. Ina pochin cancantacasoáchin nohuantohuatamaꞌ, noya niꞌsarinquëmaꞌ. Catahuarinquëmaꞌ ina pochin cancantacamaso marëꞌ. Sano cancantaramaꞌ.

Marcos 4:17

co cancanëna quëran huarëꞌ natëpihuëꞌ. Co chiníquën cancantatonahuëꞌ, co natëmiatopihuëꞌ. Yosë nanamën yaimapi niꞌton, aꞌnapitari tëhuapi, noꞌhuipi, napotopi. Napohuachinara, Yosë nanamën yaaꞌpopi. Maꞌsha onpohuachinara, aꞌnaroáchin nanamën aꞌpopi.

Marcos 4:6

Piꞌiri chiníquën picahuachina, yaahuirin. Piꞌpisharaꞌhuaya itëhuanin niꞌton, ahuirin huachi.

Lucas 1:53

Pahuantërinsopita catahuarin nóya yaꞌhuëcaiso marëꞌ. Maꞌhuanoꞌsaso nipirinhuëꞌ, topinan aꞌparin.

Lucas 6:21

Iporasoꞌ tanapomarahuëꞌ, Yosëꞌpaꞌ co onporontaꞌ tanararamahuëꞌ. Sano cancantaramaꞌ. Isoroꞌpaquë naꞌnëpiramahuëꞌ, inapaquësoꞌ capa cancantaramaꞌ.

Juan 4:14

Nisha iꞌsha carinquën quëtaranquën. Ina yaꞌhuëtohuachinquën, co huachi yamororëso pochin cancantaranhuëꞌ. Niꞌquëꞌ. Pancaiꞌ noꞌpa quëran pipihuachina, noyápiachin pipirárin. Co onporontaꞌ yanimarinhuëꞌ. Inapochachin nanpirin iꞌsha quëtohuatënquën, cancanënquë chachin yaꞌhuëtarinquën. Inaquë yaꞌhuápon huachi. Yosë nohuitaton, nanpimiataran, itërin.

Santiago 1:11

Niꞌcoꞌ. Piꞌi chiníquën picatohuachina, papotërinsoꞌ aꞌnaroáchin ahuirin. Yanconëontaꞌ anotohuachina, co huachi noyápiachin nininhuëꞌ. Ahuirin huachi. Inapochachin maꞌhuanoꞌsantaꞌ aꞌna tahuëri chiminapi antaꞌ. Sacatápirinahuëꞌ, chiminaponaꞌ. Nani maꞌsha yaꞌhuëtopirinahuëꞌ, patapi.

Apocalipsis 21:4

Yosëri chachin naꞌnëiꞌ amirayatarin. Co huachi chiminaponahuëꞌ. Co huachi sëtaponahuëꞌ. Co huachi naꞌnëponahuëꞌ. Co piꞌpisha tërantaꞌ iquitaponahuëꞌ. Iráca naꞌcon parisitopirinahuëꞌ, co huachi ina pochin yaꞌhuaponahuëꞌ. Noya noya yaꞌhuaponaꞌ, tënin.