Apocalipsis 7:13 - Chayahuita (Shahui)

¹³ Ina quëran aꞌna ansiano nataninco. —¿Ma piyapiꞌsataꞌ isopita, huiríchin aꞌmopisoꞌ? ¿Intohua quërantaꞌ huëntapi? ¿Nitotëran ti? itërinco.

Apocalipsis 7:13 ပူးပေါင်းရင်းမြစ်များ

Génesis 16:8

Quënanahuaton, natanin: —Quëmasoꞌ Acaranquën, nohuitëranquën. Sarai cosonanënquën. ¿Intoparanta huëcaton, intopata paꞌsaran? itërin. —Patronanëhuë Sarai itopisoꞌ taꞌananpiarahuë, tënin Acara.

Juan 7:28

Quisososo nipirinhuëꞌ, Yosë chinotopiso pëiquë chiníquën itaantarin: —¿Nohuitëramaco ti? Intohua quëransoꞌ huëꞌnahuësoꞌ nitotapomarahuëꞌ, co tëhuënchachin nohuitëramacohuëꞌ. Co caora nohuanto, oꞌmarahuëꞌ. Yosë nohuanton, oꞌmarahuë. Inasoꞌ noꞌtëquën nonin. Nipirinhuëꞌ, inantaꞌ co nohuitëramahuëꞌ.

Hechos 3:12

Inapita niꞌsahuaton, Pitrori itapon: “¿Onpoatontaꞌ iyaroꞌsaꞌ iso quëmapi nicatomaꞌ, paꞌyanamaꞌ? ¿Onpoatontaꞌ quiyantaꞌ niꞌsaramacoi? Co quiyaora nanitaparaihuëꞌ anoyataꞌhuaisoꞌ. Co quiyasoꞌ noya noyacoihuëꞌ. Yosë nohuanton noyataton, iratarin.

Apocalipsis 3:4

Napoaponahuëꞌ, caraichinquëmaꞌ noyápiachin cancantëramaꞌ. Canpitaráchin noya nicatomaꞌ, co nëꞌhuëtërinso pochin cancantaramahuëꞌ. Ina marëꞌ canpitasoꞌ noya niꞌsaranquëmaꞌ niꞌton, Yosëꞌpaꞌ ichiyaꞌhuëcontaranquëmaꞌ. Inatohuaꞌ nóya cancantaramaꞌ niꞌton, huiríchin aꞌmocontaramaꞌ.

Apocalipsis 4:10

ansianoꞌsantaꞌ Yosë yonquiapi. “Tëhuënchachin huaꞌanëntërinpoaꞌ. Co onporontaꞌ chimianinhuëꞌ,” taꞌtonaꞌ, cato shonca catapini chachin isonahuatonaꞌ, chinotapi: “Quëmasáchin nóyanquën,” itatonaꞌ, Yosëri ayancotërinsoꞌ, shiranën notënanquë acoantapi. Chinotatonaꞌ, itaponaꞌ:

Apocalipsis 4:4

Inaquë cato shonca catapini ansianoꞌsaꞌ huaꞌanëntacasoꞌ shiraroꞌsaquë tahuishin miáchin huënsëapi. Huirichinachin aꞌmopi. Yancotëꞌ oro quëran nininsoꞌ yancopi.

Apocalipsis 5:11

Ina quëran huaꞌhuayátërahuë anquëniroꞌsaꞌ quënanahuë. Yosë shiranën, maꞌsharoꞌsa pochin nininsopita, ansianoꞌsaꞌ inapita tancapitopi. Huaꞌhuayátërahuë yaꞌhuëpi, co pichinahuanhuëꞌ. Inapitantaꞌ chiníquën naporapi:

Apocalipsis 5:5

aꞌna ansiano shaꞌhuitërinco. —Ama naꞌnëquësohuëꞌ. Niꞌquëꞌ. Tapi shiin nani yaꞌipi minsërin. Cota huëntonënquë nasitaton, chini chiníquën nanantërin. Inari nanitërin toꞌni iꞌshotahuaton quirica oporinacasoꞌ, itërinco.

Apocalipsis 7:9

Ina quëran huaꞌnarëso pochin niantarahuë. Huaꞌhuayatërahuëꞌ piyapiꞌsaꞌ Yosëꞌpaꞌ quënanahuë. Co pichicasohuëꞌ. Nisha nisha piyapiꞌsaꞌ Yosë huaꞌanëntacasoꞌ shiranën notënanquë huaniapi, nisha nisha nananquë nonpisopita. Nisha nisha parti quëran huëcatonaꞌ, Carniroaꞌhua yamotatonaꞌ, notërapi. Inapitasoꞌ huiríchin aꞌmopi. Mërëmë pochin nininsoꞌ sëꞌquërahuatonaꞌ, Yosë chinotapi.

Jueces 13:6

Ina natanaton, sanapiso soꞌin shaꞌhuitapon paꞌnin: “Aꞌnara quëmapi Yosëri aꞌpaimarinso huëcapairinco. Sinioro anquëninën chachin yaꞌnorin niꞌton, paꞌpi paꞌyantërahuë. Co cariso natanahuëꞌ, nininën. Co inantaꞌ, shaꞌhuitërincohuëꞌ.