Apocalipsis 6:16 - Chayahuita (Shahui)

¹⁶ Yaꞌipi piyapiꞌsaꞌ tëꞌhuatatonaꞌ, motopi nontapirinahuëꞌ: —Panca naꞌpiroꞌsaꞌ notarintatonaꞌ, yaꞌcopiinacoi ama Yosë quënanaincoiso marëhuëꞌ. Inápaquë huaꞌanëntarin. Carniroaꞌhuantaꞌ chiníquën noꞌhuirincoi.

Apocalipsis 6:16 ပူးပေါင်းရင်းမြစ်များ

Salmos 14:5

Inahuasoꞌ, paꞌyanatona ropataponaꞌ. Canpoaso nipirinhuëꞌ, ina imarëhua niꞌton, catahuararinpoaꞌ.

Mateo 26:64

—Ca mini inaco. Yosë quëran quëmapico niꞌto, aꞌna tahuëri niantaramaco. Inápaquë paꞌpato, Yosë inchinanën quëran ahuënsëarinco. Ina quëran chitoroꞌ huancana oꞌmantararahuë niantaramaco, itërin.

Marcos 3:5

Co aꞌpanitohuachinarahuëꞌ, aꞌnaya aꞌnaya niꞌsarin. Co natantochináchinhuëꞌ cancantopi niꞌton, noꞌhuirë pochin cancantaton, co noyahuëꞌ niꞌnin. “Co nosoropihuëꞌ,” taꞌton, paꞌpi sëtërin. —Imiran iyasha ihuëquëꞌ, itërin. Ihuëhuachina, aꞌnaroáchin noyatërin.

Lucas 23:30

Piyapiꞌsaꞌ chiníquën parisitapi niꞌton, “Motopi quëran naꞌpiroꞌsaꞌ notarintahuatonaꞌ imotërinpoaꞌ naporini, noya niitonhuëꞌ,” tosapi.

Apocalipsis 10:6

“Yosë niꞌsárinco niꞌton, co nonpinahuëꞌ. Inasoꞌ iráca quëran huarëꞌ yaꞌhuaton, co onporontaꞌ ayaponhuëꞌ. Isoroꞌpaꞌ, marë, piꞌiroꞌtëꞌ, yaꞌipi yaꞌhuërinsopita inari ninin. Tëhuënchachin co huachi huaꞌqui quëranhuëꞌ anaꞌintomiatarin.

Apocalipsis 19:15

Quëmapi quëchitërinsoꞌ nanamën quëran sahuëni pochin nininsoꞌ yaꞌhuëtërin. Chiníquën nanantaton, nanamën quëran chachin inimiconënpita minsëarin. Noninsoꞌ sahuëni pochin nicaton, topinan noncharapirinhuëꞌ, co noyahuëꞌ nipisopita minsëarin. Piyapiꞌsaꞌ noꞌtëquën anaꞌintarin. Yosëri noꞌhuirin niꞌton, oparoꞌsaꞌ toꞌpoirëso pochin oshahuanoꞌsaꞌ chiníquën anaꞌintarin.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.

Apocalipsis 4:2

Aꞌnanaya Ispirito Santo nohuanton, huaꞌnarëso pochin Yosë yaꞌhuërinsoꞌ quënanahuë. Huaꞌanëntacasoꞌ shiranënquë aꞌnaraꞌ huënsëárin, niꞌnahuë.

Apocalipsis 4:5

Yosë huaꞌanëntacasoꞌ shiranën quëran oꞌcori pochin nininsoꞌ pipiarin. Huënsha huënshaꞌtarin. Huira tacarintërinso pochin nonpisoꞌ natanahuë. Canchisë pën nënërinsoꞌ Yosë notënanquë chachin niꞌnahuë. Inapitasoꞌ canchisë ispiritoroꞌsaꞌ Yosëri camairinsoꞌ, tënahuë.

Apocalipsis 4:9

Apira apira chinotapi. “¡Ma noyacha Yosëso paya! Yaꞌipi piyapiꞌsari chinochinaꞌ. Naꞌcon catahuarinpoaꞌ niꞌton, ‘Yosparinquën Sinioro,’ itahuaꞌ. Inasoꞌ huaꞌanëntomiatarinpoaꞌ. Co onporontaꞌ taꞌhuantarinhuëꞌ,” topachinara,

Apocalipsis 5:1

Yosë nohuanton, huaꞌnarëso pochin niantarahuë. Inápaquë yaꞌhuërinsoꞌ quënanato, quirica niꞌnahuë, soꞌnanpinan. Inchinan imirin quëran Yosëri sëꞌquërarin. Cato quëran chachin nani ninshitërin. Toꞌniquë noyá achinpitërin. Canchisëroꞌ achinpitërin.

Apocalipsis 6:10

Tëpahuachinara, huaꞌyanënaꞌ inápaquë yaꞌhuëcontarahuatonaꞌ, Yosë nontápi. —Quëma Sinioro chini chiníquën nanantëran. Noyasáchin nicaton, noꞌtëquën nonan. ¿Onporo huarëtaꞌ oshahuanoꞌsaꞌ anaꞌintaran? Tëparinacoiso marëꞌ noꞌtëquën anaꞌintacasoꞌ yaꞌhuërin, tosapi.

Apocalipsis 9:6

Naꞌcon parisitatonaꞌ: “Chimiin nipachin,” tosapirinahuëꞌ, co chiminaponahuëꞌ. Chiminacaisoꞌ nohuantopirinahuëꞌ, co nanitapihuëꞌ.