Apocalipsis 6:14 - Chayahuita (Shahui)

¹⁴ Piꞌiroꞌtëntaꞌ capa nisarin. Quirica soꞌnanëso pochin co huachi yaꞌnoarinhuëꞌ. Naporahuaton, motopiroꞌsaꞌ, soꞌtonoꞌsaꞌ, inapitantaꞌ nacon nacontatonaꞌ, itopa itopa nichiꞌhuincapi.

Apocalipsis 6:14 ပူးပေါင်းရင်းမြစ်များ

Isaías 54:10

Motopiroꞌsa nacontopirinahuë tërantaꞌ, motopiaꞌhuaroꞌsanta nipaꞌtanpirinahuë tërantaꞌ, nosororanquëmasoꞌ, inachachin nisápon. Noya ninicatëhua yaꞌhuëcaso marëꞌ, nani canpitaroꞌco anoyatërahuë. Naporëhuasoꞌ, co onporo tapiarahuëꞌ. Sinioro nosororinquëmaso naporin,” tënin.

Habacuc 3:10

Motopiroꞌsanta nicatënën, piyapi pochin ropatopi. Oꞌnantaꞌ, paꞌpi chiníquën anotërin. Marënta panca coꞌsacaitaton, paꞌpi huëhuëpiro tënëntërin.

Habacuc 3:6

Huëꞌsarin quëran chiniꞌ topachina, isoroꞌpaꞌ nacontërin. Isoroꞌpaꞌ nocohuachina, piyapiroꞌsa ropatopi. Iráca motopiroꞌsa yaꞌhuërinsoꞌ, nohuatapi. Soquirinso pochin nicatonaꞌ, taꞌhuantapi. Yosë pënënatonpoa ira aꞌnotërëso pochin nitërinpoasoso nipirinhuëꞌ, yaꞌhuëmiatarin.

2 Pedro 3:10

Napoaponahuëꞌ, tahuërinën nanihuachin, Sinioro oꞌmantararin. Niꞌcoꞌ. Tashiꞌ co yonquiasëhuëꞌ, ihuatëꞌ huëꞌnin. Inapochachin aꞌnanaya ayaroꞌ tahuëri naniarin huachi. Naporoꞌ tahuëri piꞌiroꞌtëꞌ huëntoncaarin. Chiníquën huëntoncahuachin, taꞌhuantarin. Piꞌi, tayora, inapita huë́ya niꞌton, soquiarin huachi. Isoroꞌpaꞌ, yaꞌipi yaꞌhuërinsopita, inapita huiquitapi.

Apocalipsis 16:20

Naporoꞌ motopiroꞌsaꞌ, soꞌtonoꞌsaꞌ, inapita co huachi yaꞌhuaponahuëꞌ.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.

Apocalipsis 21:1

Ina quëran huaꞌnarëso pochin niantarahuë. Nasharoꞌpaꞌ, nasha piꞌiroꞌtëꞌ, inapita quënanahuë. Yosë nohuanton, isoroꞌpaꞌ taꞌhuantapon. Piꞌiroꞌtëntaꞌ taꞌhuantapon. Marëntaꞌ co huachi yaꞌhuaponhuëꞌ. Yaꞌipiya nasha nisarin.