Apocalipsis 6:12 - Chayahuita (Shahui)

¹² Ina quëran aꞌna toꞌniquë achinpitërinsoꞌ iꞌshotaantarin. Inarëꞌ nani saotaroꞌ iꞌshorin. Inapotohuachina, panca ocohua paꞌsarin. Piꞌi tashiaton yaráchin nisarin. Yoquintaꞌ co huachi aꞌpianinhuëꞌ. Nincoan huëꞌsaponahuëꞌ, quëhuashin huënai pochin nisarin.

Apocalipsis 6:12 ပူးပေါင်းရင်းမြစ်များ

Isaías 50:3

Ca nohuanton piꞌiroꞌtëntaꞌ, sëtohuachinara aꞌmopiso pochin ayaꞌnorahuë. Saꞌcatën nëꞌmëtë quëran aꞌmotatë pochin nitërahuë,” tënin.

Joel 2:10

Yaꞌipi isoroꞌpaquë yaꞌhuëpisopita paꞌyanatonaꞌ, Sinioro notënanquë ropataponaꞌ. Piꞌiroꞌtënta nacon nacontapon. Piꞌi, yoqui, inapitanta tacopiapon. Tayoraroꞌsanta co huachi aꞌpinaponhuëꞌ.

Joel 3:15

Ina tahuëri nanihuachin, piꞌi tashiapon. Yoqui, tayoraroꞌsa, inapitantaꞌ, co huachi aꞌpinaponahuëꞌ.

Amós 1:1

Cota huënton israiroꞌsa noꞌpanënaquë aꞌnara ninano yaꞌhuërin. Inasoꞌ, Ticoa itopi. Inaquë aꞌnara quëmapi Amosë itopiso yaꞌhuërin. Inasoꞌ, notohuaroꞌ ohuicaroꞌsa pëꞌtahuarin. Naporoꞌ Cota huëntonquë, Osiasë copirno huaꞌanëntarin. Israiroꞌsantaꞌ, Quiropoamo copirnori huaꞌanëntarin. Ina Quiropoamosoꞌ, Coasë huiꞌnin. Inapita copirnoroꞌsa huaꞌanëntasoꞌ, Yosëri yonquirinso Amosë anitotërin. Israiroꞌsa maꞌsona onpotacasoꞌ yonquirinsoꞌ, anitotërin. Naporoꞌ panca ocohua pacacasoꞌ, cato piꞌipi pahuanarin. Ina shaꞌhuicaso marëꞌ Amosë tapon: Quirosarin quëran Sinioro nonpachina, huira tënëntërinso pochin nisarin. Ina nohuanton Carmiro motopi huiꞌnimotënquë pasto yaꞌhuërinsoꞌ, ahuisarin. Naporahuaton yaꞌipi Israiro noꞌpaquë napoarin.

Amós 8:9

Naquëranchin Sinioro taantarin: “Isontaꞌ, ca Sinioroco noꞌtëquën shaꞌhuitaranquëmaꞌ: Ina tahuëri nanihuachin, camotëchin nipirinhuëꞌ, piꞌi tacopiapon. Yono piꞌi nipirinhuëꞌ, tashiapon.

Mateo 11:21

Corasinoquë yaꞌhuëpisopita, Pitsaitaquë yaꞌhuëpisopita, inapita yonquiaton, itapon: “¡Maꞌhuántacha canpitasoꞌ nisarama paya! Naꞌcon pënënpiranquëmahuëꞌ, co natëramacohuëꞌ. Ina marëꞌ parisitaramaꞌ. Naꞌcon nitotopiramahuëꞌ, co yaimaramacohuëꞌ. Tiroquë, Sitonquë, inaquëpitaso nipirinhuëꞌ co pënëntërahuëꞌ. Co inaquë caniaꞌpiroꞌsaꞌ aꞌnaroáchin anoyatërahuëꞌ. Inaquë naporahuë naporini, oshanëna marëꞌ sëchitonahuëꞌ. Saꞌcatën nininso aꞌmotonaꞌ, huarianoquë nipashimotochitonahuëꞌ. Co noyahuëꞌ yonquipisopitantaꞌ, nanianchitonahuëꞌ.

Mateo 24:29

“Nani parisitohuachinaꞌ, piꞌi tashiarin. Yoquintaꞌ co huachi aꞌpinarinhuëꞌ. Naporahuaton, naꞌa tayoraroꞌsaꞌ anotarin. Yaꞌipi inápaquë yaꞌhuërinsopitantaꞌ nacon nacontapon.

Mateo 24:7

Nisha nisha nananquë nonpisopita ninoꞌhuitonaꞌ, quira nisapi. Copirnoroꞌsa capini ninoꞌhuitonaꞌ, piyapinënpita camairapi quira nicacaiso marëꞌ. Nisha nisha parti cosharoꞌ pahuanpachin, tanari piyapiꞌsaꞌ tiquirarin. Naporahuaton, aꞌna parti aꞌna parti ocohua paꞌsarin.

Mateo 27:45

Camotëchin nisahuasoꞌ, yaꞌipi parti tashirarin. Iꞌhuaraya huarëꞌ yono tashi pochin nisarin.

Mateo 27:54

Quisoso chiminpachina, capitanso sontaronënpitarë chachin niꞌsapi. Ocohua paꞌninsoꞌ, naꞌpiroꞌsaꞌ nopaatërinsoꞌ, inapita niꞌsahuatonaꞌ, paꞌpi paꞌyanpi. —Tëhuënchachin iso quëmapisoꞌ, Yosë huiꞌnin, topi.

Mateo 28:2

Aꞌnanaya panca ocohua paꞌnin. Sinioro anquëninëni inápa quëran oꞌmarahuaton, pancaraꞌpi paꞌcopitopisoꞌ chiꞌhuincarin. Chiꞌhuincarahuaton, ina aipi huënsërin.

Marcos 15:33

Camotëchin nisahuasoꞌ, yaꞌipi parti tashirin. Iꞌhuaraya huarëꞌ yono tashi pochin ninin.

Apocalipsis 11:13

Naporo chachin panca ocohua paꞌsarin. Paꞌpachina, notohuaroꞌ pëiroꞌsaꞌ ohuatarin. Canchisë huaranca piyapiꞌsaꞌ chiminapi huachi. Aꞌnapitasoꞌ paꞌpi tëꞌhuatapi. “Yosë nohuanton, naporin. ¡Maꞌpitacha nanitaparin paya!” tosapi.

Apocalipsis 16:18

Napohuachina, oꞌcoritarin. Huira pochin chiníquën tënëntarin. Naporoꞌ panca ocohua paꞌsarin. Iráca quëran huarëꞌ co onporontaꞌ ina pochin paꞌchininhuëꞌ niponahuëꞌ, napoarin.

Apocalipsis 16:8

Ina quëran aꞌna anquënintaꞌ paꞌnin anaꞌintacaso marëꞌ. Minëquë yaꞌhuërinsoꞌ piꞌiquë tëꞌyanantohuachina, piꞌi chini chiníquën piꞌcatarin. Pën pochin piꞌcataton, piyapiꞌsaꞌ chiníquën aparisitarin.

Apocalipsis 8:12

Nani cara anquëni pihuirin. Aꞌnantaꞌ pihuiantahuachina, Yosë nohuanton, patoma pochin piꞌi tapiarin. Yoqui, tayoraroꞌsaꞌ, inapitantaꞌ patoma pochin tapiapi. Napoaton tahuëri nipachina, co huachi piꞌi noya aꞌpianinhuëꞌ. Tashintaꞌ yoqui, tayoraroꞌsaꞌ, inapita co huachi noya aꞌpianpihuëꞌ.

Apocalipsis 8:5

Ina quëran anquëni Yosë artaronënquë yaꞌcaritahuaton, naꞌa pënayaꞌ manin. Aꞌpëtinanquë acorahuaton, isoroꞌpaquë tëꞌyatërin. Tëꞌyatohuachina, aꞌnaroáchin huira pochin natanahuë. Chiníquën tënëntërin. Oꞌcorintaꞌ huënsha huënshaꞌtarin. Naporahuaton, panca ocohua paꞌnin. (Nani huachi Yosëri anaꞌintarin, tënahuë.)