Apocalipsis 5:11 - Chayahuita (Shahui)

¹¹ Ina quëran huaꞌhuayátërahuë anquëniroꞌsaꞌ quënanahuë. Yosë shiranën, maꞌsharoꞌsa pochin nininsopita, ansianoꞌsaꞌ inapita tancapitopi. Huaꞌhuayátërahuë yaꞌhuëpi, co pichinahuanhuëꞌ. Inapitantaꞌ chiníquën naporapi:

Apocalipsis 5:11 ပူးပေါင်းရင်းမြစ်များ

1 Reyes 22:19

Ina quëran Micaiasësoꞌ, taantapon: —Naporanso marëꞌ Sinioro aꞌnotërincoso shaꞌhuichinquën natanquëꞌ: Sinioro huaꞌanëntacaso shiranënquë huënsëarin niꞌnahuë. Sontaronënpitantaꞌ, ina yaꞌcari huaniápopi. Inchinan quëran, ahuënan quëran huaniápopi.

Salmos 103:20

Anquëniroꞌsanquëmanta chiníquën nanantapomarahuëꞌ, Sinioro chinotocoꞌ. Canpitaso ina camaihuachinquëma aꞌnaroáchin natëramaꞌ.

Salmos 148:2

¡Yaꞌipi Sinioro anquëninëpitari ina chinochinaꞌ! ¡Ina sontaronëna nipisopitantaꞌ, ina paꞌyachinaꞌ!

Daniel 7:10

Ina notënan quëraontaꞌ, pancaiꞌ pochin pipirarin. Iꞌsha niponahuëꞌ, pën pochin yaꞌnorin. Notohuaroꞌ huaranca anquëniroꞌsari chinotopi. Notohuaroꞌ michon piyapiroꞌsantaꞌ, ina notënanquë huaniápopi. Coisëroꞌsa caniaritapi huachi piyapiꞌsa natanacaisoꞌ. Quiricaroꞌsanta oniriraꞌpiapi.

Hebreos 12:22

Canpoaso nipirinhuëꞌ, co ina motopi yaꞌcarirëhuahuëꞌ. Quisocristo imapatëhuaꞌ, nisha motopi yaꞌcarirëhuaꞌ, Sion itopisoꞌ. Yosë chachin nohuitarihuaꞌ. Co ipora quënanpirëhuahuëꞌ, nanpiárin. Aꞌna tahuëri yaꞌhuërinquë chachin pantarihuaꞌ. Nasha Quirosarinquë yaꞌhuëcontarihua huachi. Notohuaroꞌ anquëniroꞌsaꞌ inaquë niyontonpi. Noya cancantatonaꞌ, Yosë chinotapi.

Judas 1:14

Iráca Inocori chachin inapita ninorin. Atan shiin inasoꞌ. Atan quëran saota shinpita yaꞌhuërin piquëran Inoco yaꞌhuërin. Ninoton, naporin: “Sinioro chachin oꞌmararin huachi. Huaꞌhuayatërahuëꞌ anquëniroꞌsarë chachin oꞌmararin.

Apocalipsis 19:6

Ina quëran huaꞌhuayátërahuë piyapiꞌsaꞌ nonsapisoꞌ natanahuë. Panca soꞌpora pochin tënëëntarin. Chiníquën huira ahuëtërinso pochin natanahuë. “Ma noyacha Tata Yosëso paya. Chini chiníquën nanantaton, yaꞌipiya huaꞌanëntarin.

Apocalipsis 4:4

Inaquë cato shonca catapini ansianoꞌsaꞌ huaꞌanëntacasoꞌ shiraroꞌsaquë tahuishin miáchin huënsëapi. Huirichinachin aꞌmopi. Yancotëꞌ oro quëran nininsoꞌ yancopi.

Apocalipsis 4:6

Shira notënanquë panca sono pochin yaꞌhuërin. Co iꞌsha pochinhuëꞌ. Isihuico pochin niponahuëꞌ, acopoquë huarëꞌ quënantërëꞌ. Yosë shiranën tahuirinquë catapini maꞌsharoꞌsa pochin nininsoꞌ yaꞌhuëpi, nanpirihuanpisoꞌ. Naꞌa yaꞌpirahuanatonaꞌ, itoparan itoparan quënantopi.

Apocalipsis 5:14

—Naporinchi paya. Tëhuënchachin inasáchin natëahuaꞌ, topi catapini maꞌsharoꞌsa pochin nininsopitantaꞌ. Ansianoꞌsantaꞌ isonahuatonaꞌ, chinotapi.

Apocalipsis 5:6

Itohuachincora, Quisoso quënanahuë. Huancanachin Yosë huënsërinso yaꞌcariya huaniarin. Ansianoꞌsaꞌ, catapini maꞌsharoꞌsa pochin nininsopita, inapitari tancapitopi. Quisoso chachin niponahuëꞌ, carniroaꞌhua nani tëpapiso pochin yaꞌnorin. Canchisë pomohuan nisahuaton, canchisë yaꞌpirin yaꞌhuëtërin. Chiníquën nanantaton, canchisë ispiritoroꞌsaꞌ aꞌparin yaꞌipiroꞌpaquë nicainpoaso marëꞌ.

Apocalipsis 5:8

Nani maꞌpahuachina, maꞌsharoꞌsa pochin nininsopita isonahuatonaꞌ, Carniroaꞌhua chinotapi. Ansianoꞌsantaꞌ isonahuatonaꞌ, ina chinotapi. Aꞌnaya aꞌnaya arparoꞌsaꞌ sëꞌquëpi piꞌniatonaꞌ chinotacaiso marëꞌ. Sënaontaꞌ aꞌnaya aꞌnaya quëpapi, oro quëran nininsoꞌ. Inaquë yonarin pochin pimóchin nininsoꞌ yaꞌhuërin tomontacaso marëꞌ. Tomontërinso pochin imarëhuasopita Yosë nontërëhuaꞌ. “Nontohuatëhuaꞌ, noya nataninpoaꞌ,” taꞌtonaꞌ, Yosë chinotapi.

Apocalipsis 7:11

Inaquë Yosë chachin huaꞌanëntacasoꞌ shiranënquë huënsëarin. Ansianoꞌsaꞌ, catapini maꞌsharoꞌsa pochin nininsopita, inapitari tancapitopi. Ina tahuirinquë notohuaroꞌ anquëniroꞌsaꞌ huaniapi. Chinotopisoꞌ natanahuatonaꞌ, inapitantaꞌ isonahuatonaꞌ, Yosë chinotapi:

Apocalipsis 9:16

Ina quëran huaꞌhuayátërahuë sontaroꞌsaꞌ huëꞌsapi, niꞌnahuë. Cahuarioroꞌsa aipi huënsëriapi. “Cato pasa michon huëꞌsapi,” tënin, natanahuë.