Apocalipsis 4:4 - Chayahuita (Shahui)

⁴ Inaquë cato shonca catapini ansianoꞌsaꞌ huaꞌanëntacasoꞌ shiraroꞌsaquë tahuishin miáchin huënsëapi. Huirichinachin aꞌmopi. Yancotëꞌ oro quëran nininsoꞌ yancopi.

Apocalipsis 4:4 ပူးပေါင်းရင်းမြစ်များ

Mateo 19:28

—Tëhuënchachin iyaroꞌsaꞌ canaaramaꞌ. Yosë quëran quëmapico niꞌto, aꞌna tahuëri yaꞌipiya anoyatarahuë. Naporoꞌ noya noya yaꞌnoato, huaꞌanëntacasoꞌ shiraquë huënsëarahuë. Inaquë coisë pochin noꞌtëquën shaꞌhuitarahuë. Canpitantaꞌ acoaranquëmaꞌ yaꞌipi israiroꞌsaꞌ shonca catoꞌ huënton chachin nininsoꞌ huaꞌanëntacamaso marëꞌ. Shonca catonquëmaꞌ napoaramaꞌ.

Lucas 22:30

Huaꞌanëntohuato, carëꞌquëmaꞌ noya coshatërëhuaso pochin nóya cancantaramaꞌ. Inaquë catahuaramaco yaꞌipi israiroꞌsaꞌ huaꞌanëntaꞌhuasoꞌ,” itërin.

2 Timoteo 4:8

Napoaton Yosëꞌpaꞌ acanaarinco. Quisocristo oꞌmantahuachin, coisë pochin nicaton, noꞌtëquën shaꞌhuitarinpoaꞌ. Naporoꞌ noya ninahuëso marëꞌ acanaarinco. Co casáchin acanaarincohuëꞌ. Aꞌnapitantaꞌ Quisocristo nosoroatonaꞌ, “Manóton oꞌmantaꞌin,” topisopitantaꞌ Yosëꞌpaꞌ canaapi.

Apocalipsis 11:16

Cato shonca catapini ansianoꞌsantaꞌ Yosëꞌpaꞌ yaꞌhuëpisoꞌ isonahuatonaꞌ, Yosë chinotapi: “Yosparinquën, Sinioro. Quëmasáchin yaꞌipi nanitaparan. Iráca quëran huarëꞌ yaꞌhuaton, ipora huantaꞌ nanpiaran. Chini chiníquën nanantaton, yaꞌipi huaꞌanëntaran.

Apocalipsis 14:3

Nasha cantanën inápaquë cantarapi. Yosë notënanquë cantarapi. Ansianoꞌsaꞌ, catapini maꞌsharoꞌsa pochin nininsopita, inapitantaꞌ natanapi. Pasa catapini shonca catapini huaranca imapisopita cantapisoꞌ. Isoroꞌpaquë yaꞌhuaponaꞌ, Quisosori nichaꞌërin. Oshanëna marëꞌ chiminaton, anoyacancantërin niꞌton, inapitaráchin nanitopi ina cantacaisoꞌ.

Apocalipsis 19:14

Notohuaroꞌ inápaquë yaꞌhuërinsopitari imasapi, huiríchin aꞌmopisoꞌ. Inapitantaꞌ huiri cahuarioroꞌsaꞌ aipi huënsëatonaꞌ, sontaroꞌsa pochin paꞌsapi.

Apocalipsis 19:4

Napohuachinara, cato shonca catapini ansianoꞌsaꞌ, catapini maꞌsharoꞌsa pochin nininsopita, inapitantaꞌ isonahuatonaꞌ, Yosë chinotapi: “¡Naporinchi paya! ¡Ma noyacha Tata Yosëso paya! Shiranënquë huënsëaton, yaꞌipiya huaꞌanëntarin,” tosapi.

Apocalipsis 2:10

Ipora tahuëriꞌsaꞌ naꞌcon parisitapiramahuëꞌ, ama tëꞌhuacosohuëꞌ. Sopai nohuanton, tashinan pëiquë poꞌmoarinënquëmaꞌ. Yosë aꞌpocamaso marëꞌ napotarinënquëmaꞌ. Shonca tahuëri pochin parisitaramaꞌ. Tëpapirinënquëmaontaꞌ, ama aꞌpocosohuëꞌ. Imamiatohuatamaco, inápaquë acanaranquëmaꞌ. Inatohuaꞌ nanpimiataramaꞌ.

Apocalipsis 20:4

Ina quëran huaꞌnarëso pochin niantarahuë. Naꞌa piyapiꞌsaꞌ quënanahuë. Yosëri nani acorin coisë pochin nicacaiso marëꞌ. Aꞌnapitantaꞌ niꞌnahuë. Isoroꞌpaquë yaꞌhuaponaꞌ, Quisosoíchin imapi. Yosë nanamën aꞌchinpi niꞌton, tëpapi. Co maꞌsha paꞌpi tëꞌhuatoroꞌ nininsoꞌ chinotopihuëꞌ. Co nonanpisoꞌ moshapihuëꞌ. Co marcanën niacotopihuëꞌ. “Quisosoíchin imarai,” topachinara, nishitëconotëraꞌpiapi. Inapotopirinahuëꞌ, Quisosori ananpitaantarahuaton, ichihuaꞌanëntarin. Huaranca piꞌipi huaꞌanëntapi.

Apocalipsis 3:18

Napoaton pënënanquëmaꞌ. Chiníquën nontoco catahuainquëmaꞌ. Niꞌcoꞌ. Oro aꞌpëhuatëra, yaꞌipi nëꞌhuë inquirin. Orosachin quëparitërin, noyasáchin nininsoꞌ. Inapochachin canpitantaꞌ nontoco catahuainquëmaꞌ noya yonquicamaso marëꞌ. Naꞌcon pahuantarinquëmaꞌ Yosë pochin nicacamasoꞌ. Casáchin yonquico Yosë noya niꞌinquëmaꞌ. Yonquihuatamaco, huiríchin aꞌmorëso pochin noya nisaramaꞌ. Somaraya pochin cancantëramaꞌ niꞌton, co tëhuënchachin nohuitëramacohuëꞌ. Nimirioquë acorayatërëso pochin anoyacancanchinquëmaꞌ cancanëma quëran nohuitamacoso marëꞌ.

Apocalipsis 4:10

ansianoꞌsantaꞌ Yosë yonquiapi. “Tëhuënchachin huaꞌanëntërinpoaꞌ. Co onporontaꞌ chimianinhuëꞌ,” taꞌtonaꞌ, cato shonca catapini chachin isonahuatonaꞌ, chinotapi: “Quëmasáchin nóyanquën,” itatonaꞌ, Yosëri ayancotërinsoꞌ, shiranën notënanquë acoantapi. Chinotatonaꞌ, itaponaꞌ:

Apocalipsis 4:6

Shira notënanquë panca sono pochin yaꞌhuërin. Co iꞌsha pochinhuëꞌ. Isihuico pochin niponahuëꞌ, acopoquë huarëꞌ quënantërëꞌ. Yosë shiranën tahuirinquë catapini maꞌsharoꞌsa pochin nininsoꞌ yaꞌhuëpi, nanpirihuanpisoꞌ. Naꞌa yaꞌpirahuanatonaꞌ, itoparan itoparan quënantopi.

Apocalipsis 5:11

Ina quëran huaꞌhuayátërahuë anquëniroꞌsaꞌ quënanahuë. Yosë shiranën, maꞌsharoꞌsa pochin nininsopita, ansianoꞌsaꞌ inapita tancapitopi. Huaꞌhuayátërahuë yaꞌhuëpi, co pichinahuanhuëꞌ. Inapitantaꞌ chiníquën naporapi:

Apocalipsis 5:14

—Naporinchi paya. Tëhuënchachin inasáchin natëahuaꞌ, topi catapini maꞌsharoꞌsa pochin nininsopitantaꞌ. Ansianoꞌsantaꞌ isonahuatonaꞌ, chinotapi.

Apocalipsis 5:6

Itohuachincora, Quisoso quënanahuë. Huancanachin Yosë huënsërinso yaꞌcariya huaniarin. Ansianoꞌsaꞌ, catapini maꞌsharoꞌsa pochin nininsopita, inapitari tancapitopi. Quisoso chachin niponahuëꞌ, carniroaꞌhua nani tëpapiso pochin yaꞌnorin. Canchisë pomohuan nisahuaton, canchisë yaꞌpirin yaꞌhuëtërin. Chiníquën nanantaton, canchisë ispiritoroꞌsaꞌ aꞌparin yaꞌipiroꞌpaquë nicainpoaso marëꞌ.

Apocalipsis 5:8

Nani maꞌpahuachina, maꞌsharoꞌsa pochin nininsopita isonahuatonaꞌ, Carniroaꞌhua chinotapi. Ansianoꞌsantaꞌ isonahuatonaꞌ, ina chinotapi. Aꞌnaya aꞌnaya arparoꞌsaꞌ sëꞌquëpi piꞌniatonaꞌ chinotacaiso marëꞌ. Sënaontaꞌ aꞌnaya aꞌnaya quëpapi, oro quëran nininsoꞌ. Inaquë yonarin pochin pimóchin nininsoꞌ yaꞌhuërin tomontacaso marëꞌ. Tomontërinso pochin imarëhuasopita Yosë nontërëhuaꞌ. “Nontohuatëhuaꞌ, noya nataninpoaꞌ,” taꞌtonaꞌ, Yosë chinotapi.

Apocalipsis 6:11

Napotohuachinara, Yosëri itërin: —Ninatacoꞌ. Oshaquëran anaꞌintarahuë. Co tahuëri naniyatërarinhuëꞌ. Aꞌnapita imarinacosopita ipora huantaꞌ pënëntapi. Aꞌnaquën tëpaantahuachinaꞌ, isëquë chachin huëantapi antaꞌ. Naporo huarëꞌ tëparinënquëmasopita noꞌtëquën anaꞌintarahuë, itërin. Itahuaton, huiríchin aꞌmocaisoꞌ quëtërin. Noyápiachin cancantopi niꞌton, huiríchin aꞌmotërin.

Apocalipsis 7:11

Inaquë Yosë chachin huaꞌanëntacasoꞌ shiranënquë huënsëarin. Ansianoꞌsaꞌ, catapini maꞌsharoꞌsa pochin nininsopita, inapitari tancapitopi. Ina tahuirinquë notohuaroꞌ anquëniroꞌsaꞌ huaniapi. Chinotopisoꞌ natanahuatonaꞌ, inapitantaꞌ isonahuatonaꞌ, Yosë chinotapi:

Apocalipsis 7:9

Ina quëran huaꞌnarëso pochin niantarahuë. Huaꞌhuayatërahuëꞌ piyapiꞌsaꞌ Yosëꞌpaꞌ quënanahuë. Co pichicasohuëꞌ. Nisha nisha piyapiꞌsaꞌ Yosë huaꞌanëntacasoꞌ shiranën notënanquë huaniapi, nisha nisha nananquë nonpisopita. Nisha nisha parti quëran huëcatonaꞌ, Carniroaꞌhua yamotatonaꞌ, notërapi. Inapitasoꞌ huiríchin aꞌmopi. Mërëmë pochin nininsoꞌ sëꞌquërahuatonaꞌ, Yosë chinotapi.

Apocalipsis 9:7

Panca sëquërë pochin yaꞌnotonaꞌ, chiníquën paꞌsapi. Cahuarioroꞌsaꞌ quira nicacaiso marëꞌ tapapiso pochin paꞌsapi. Yancotë pochin oro quëran nininsoꞌ yancopi. Naporahuaton, piyapi pochin niꞌtopi.