Apocalipsis 21:5 - Chayahuita (Shahui)

⁵ Ina quëran Yosë huaꞌanëntacasoꞌ shiranënquë huënsëaton, itërinco: —Niꞌquëꞌ. Yaꞌipiya anoyatarahuë. Nashasáchin acoarahuë. Noꞌtëquën nontëranquën niꞌton, ninshitëquëꞌ. Yaꞌipiya natëtacaisoꞌ yaꞌhuërin, itërinco.

Apocalipsis 21:5 ပူးပေါင်းရင်းမြစ်များ

Isaías 42:9

Niꞌcoꞌ. Yaꞌnan shaꞌhuirahuësopitasoꞌ nani nanirin. Iporaso coꞌhuara naniyátërasohuëꞌ, nasha nininsopita yaꞌhuërëꞌ, shaꞌhuitaantaranquëmaꞌ,” tënin.

Isaías 43:19

Aꞌna huachi nasha nisarahuë. Ipora chachin naporahuësoꞌ niꞌsaramaꞌ. Naquëranchin inotëroquë ira aꞌpatë pochin nisarahuë. Co manta maꞌsha noyatërinquëhuëꞌ, iroꞌsa acoarahuë.

Lucas 5:38

Shaꞌmoroꞌ huinosoꞌ nasha morsaquë taꞌpanëꞌ. Huino, morsantaꞌ noya nisarin.

2 Corintios 5:17

Quisocristo imapatëhuaꞌ, Yosë anoyacancantarinpoaꞌ. Nasha cancan yaꞌhuëtarinpoa huachi. Iráca yonquirëhuasopita naniantërëhuaꞌ. Nashamiachin pochin cancantatëhuaꞌ, noya noya yonquiarihua huachi.

Hebreos 12:27

Aꞌna tahuëri mini yaꞌipi maꞌsha isoroꞌpaquë yaꞌhuërinsopita taꞌhuantarin. Maꞌsha yaꞌhuëmiatërinsoꞌ acohuachinasoꞌ, yaꞌhuëmiatarin.

Apocalipsis 1:11

Nontatonco, shaꞌhuitërinco: —Apira nani maꞌsha aꞌnotaranquën, quiricaquë ninshitëquëꞌ. Ina quëran canchisë ninanoroꞌsaquë aꞌpatëquëꞌ imarinacosopita nonchinaꞌ. Ipisoquë, Ismirinaquë, Pircamoquë, Tiatiraquë, Sartisiquë, Piratiripiaquë, Naotisiaquë inaquëpita yaꞌhuëpisopita aꞌpatëquëꞌ nitochinaꞌ, itërinco.

Apocalipsis 1:19

Niꞌnansoꞌ ninshitëquëꞌ. Apira Yosë nohuanton, naquëranchin nani maꞌsha niantaran. Ipora naporapisoꞌ, aꞌna tahuëri maꞌsha onpocasontaꞌ, inapita aꞌnochinquën ninshitantaquëꞌ.

Apocalipsis 19:9

Ina quëran anquëni shaꞌhuitërinco ninshitaꞌhuaso marëꞌ: “Carniroaꞌhua saꞌacasoꞌ pita nininquë përapachinquëmaꞌ, nóya cancantaramaꞌ,” itërinco. Ina quëran itaantarinco: “Yosë chachin noꞌtëquën shaꞌhuitërinquën niꞌton, ina ninshitëquëꞌ,” itërinco.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.

Apocalipsis 22:19

Iso quirica quëran nani noꞌtëquën anitotëranquëmaꞌ. Aꞌna nanayan tërantaꞌ apahuantohuatamaꞌ, co nanpirin nara nohuitaramahuëꞌ. Co Yosë ninanonënquë paꞌsaramahuëꞌ.

Apocalipsis 22:6

Ina quëran anquëni shaꞌhuitërinco: “Iráca quëra huarëꞌ Yosë nohuanton, aꞌnaquën ninopi. Iporasoꞌ anquëninënco aꞌpaimarinco ninocaꞌhuaso marëꞌ. Aꞌnotëranquën niꞌton, ninshitëran Yosë piyapinënpita nitotacaiso marëꞌ. Noꞌtën nanan nani shaꞌhuitëranquën. Yaꞌipiya natëtacaisoꞌ yaꞌhuërin. Co huaꞌqui quëranhuëꞌ maꞌsha onpoarin,” itërinco.

Apocalipsis 4:2

Aꞌnanaya Ispirito Santo nohuanton, huaꞌnarëso pochin Yosë yaꞌhuërinsoꞌ quënanahuë. Huaꞌanëntacasoꞌ shiranënquë aꞌnaraꞌ huënsëárin, niꞌnahuë.

Apocalipsis 4:9

Apira apira chinotapi. “¡Ma noyacha Yosëso paya! Yaꞌipi piyapiꞌsari chinochinaꞌ. Naꞌcon catahuarinpoaꞌ niꞌton, ‘Yosparinquën Sinioro,’ itahuaꞌ. Inasoꞌ huaꞌanëntomiatarinpoaꞌ. Co onporontaꞌ taꞌhuantarinhuëꞌ,” topachinara,

Apocalipsis 5:1

Yosë nohuanton, huaꞌnarëso pochin niantarahuë. Inápaquë yaꞌhuërinsoꞌ quënanato, quirica niꞌnahuë, soꞌnanpinan. Inchinan imirin quëran Yosëri sëꞌquërarin. Cato quëran chachin nani ninshitërin. Toꞌniquë noyá achinpitërin. Canchisëroꞌ achinpitërin.