Apocalipsis 21:18 - Chayahuita (Shahui)

¹⁸ Pairasoꞌ naꞌpi paꞌton ninin quëran nipi. Caspi itopisoꞌ. Ina ninanosoꞌ oro quëransáchin ninin. Oro niponahuëꞌ, iꞌhua iꞌhuanánshin quënantërëꞌ.

Apocalipsis 21:18 ပူးပေါင်းရင်းမြစ်များ

1 Reyes 6:30

Acoana iꞌnatopisontaꞌ, yaꞌipiana chachin oro quëran pashitopi. Noya noya patoanaquëntaꞌ, inapotopi. Ina yaꞌcoananënsoꞌ, catotë huarëꞌ yaꞌhuëtërin. Inapitasoꞌ, oripo nontë quëran nitopi. Inapitaquënta patëtahuatonaꞌ, quiropinoꞌsaꞌ, palmeraroꞌsaꞌ, yancoroꞌsaꞌ, inapita nonanpi. Inapotahuatonaꞌ, oroquë pashitopi antaꞌ. Ina yaꞌcoanasoꞌ, aꞌnatërápo cachinën yaꞌhuëtërin. Noꞌpa parti quëran cato yaꞌhuëtërin. Inapa quëransoꞌ, cara cachinën yaꞌhuëtërin.

Apocalipsis 21:11

Yosësoꞌ noya noya niꞌton, ina pochin nicaton, huënaráchin huënaráchin aꞌpinin. Naꞌpiaꞌhuaya paꞌton nininso pochin huënaratarin. Caspi itopisoꞌ. Isihuico pochin niponahuëꞌ, iꞌhua iꞌhuanánshin quënantërëꞌ.

Apocalipsis 21:19

Paira paquëëmarinquë noyápiachin nipi. Nisha nisha naꞌpi paꞌton nininsopita quëran nipi. Shonca catoꞌ nisha nisha yaꞌhuërin. Yaꞌnatiirinsosoꞌ caninton, caspi itopi. Ina quëran niantarinsoꞌ caninchin, sapiro itopi. Ina quëran caninton niponahuëꞌ, huiꞌtonchin huiꞌtonchin ninin, acata itopi. Ina piquëran canora niponahuëꞌ, caninton pochin yaꞌnorin, ismirarita itopi.

Apocalipsis 21:21

Yaꞌcoanaroꞌsantaꞌ noyápiachin. Aꞌnaya aꞌnaya panca huiri naꞌpi quëran nipi. Cachintaꞌ oro quëran chachin ninin. Orosachin niponahuëꞌ, iꞌhua iꞌhuanánshin quënantërëꞌ.

Apocalipsis 4:6

Shira notënanquë panca sono pochin yaꞌhuërin. Co iꞌsha pochinhuëꞌ. Isihuico pochin niponahuëꞌ, acopoquë huarëꞌ quënantërëꞌ. Yosë shiranën tahuirinquë catapini maꞌsharoꞌsa pochin nininsoꞌ yaꞌhuëpi, nanpirihuanpisoꞌ. Naꞌa yaꞌpirahuanatonaꞌ, itoparan itoparan quënantopi.