Apocalipsis 21:12 - Chayahuita (Shahui)

¹² Pairatopisoꞌ inápa masho ninin. Shonca catoꞌ yaꞌcoana yaꞌhuëtërin. Aꞌnaya aꞌnaya yaꞌcoanaquë aꞌna anquëniri niꞌsarin. Yaꞌipi quëran shonca catoꞌ yaꞌhuëpi. Nisha nisha yaꞌcoanaquë nininën nani ninshitopi. Aꞌnaya aꞌnaya israiroꞌsaꞌ huëntonën ninintërinsoꞌ. Shonca catoꞌ niꞌton, yaꞌipi yaꞌcoana nanitopi.

Apocalipsis 21:12 ပူးပေါင်းရင်းမြစ်များ

Salmos 122:7

Iso ninano pairapipisoanaquë, sano niꞌtonaꞌ, yaꞌhuëꞌinaꞌ. Huaꞌanoꞌsa sacatopiquë sano niꞌtonaꞌ, sacachinaꞌ.

Salmos 51:18

Quirosarin ninano nosoroantaquëꞌ. Pairanën ohuatopisoꞌ noya acoantaquëꞌ.

Isaías 54:12

Torinënpitantaꞌ, nopi itopisoꞌ naꞌpi quëran, acoarahuë. Yaꞌcoananënpitantaꞌ, piriro itopiso naꞌpiroꞌsa quëran acoarahuë. Pairanënpitanta nisha nisha paꞌton nininsopita naꞌpiroꞌsa quëran acoarahuë.

Isaías 60:18

Nisha nisha maꞌsha nionpotopisoꞌ, co huachi yaꞌhuëramaquë natantaramahuëꞌ. Noꞌhuitatona ataꞌhuantopisoꞌ, tapitopisoꞌ, inapitanta co huachi natantaramahuëꞌ. Ninanonëma pairanënpitaquë: ‘Yosë nichaꞌërinpoaꞌ,’ taꞌcasoꞌ ninshitaramaꞌ. Yaꞌcoananënpitaquëntaꞌ, ‘Sinioro chinotahuaꞌ,’ taꞌcasoꞌ ninshitaramaꞌ.

Mateo 18:10

Ina quëran Quisosori itaantarin: “Ama aꞌna huaꞌhuasha tërantaꞌ nocancosohuëꞌ. Inahuantaꞌ Yosëri nosororin. Nani anquëniroꞌsaꞌ shaꞌhuitërin aꞌnaya aꞌnaya aꞌpaicaiso marëꞌ. Tata Yosëꞌpaꞌ yaꞌhuatonaꞌ, Yosë nontapi. [

Lucas 15:10

Inapochachin aꞌna piyapi tërantaꞌ co noyahuëꞌ yonquirinsopita naniantohuachin, anquëniroꞌsantaꞌ noya cancantapi,” itërin.

Lucas 16:22

Napoin quëran Nasaro chiminin huachi. Chiminpachina, Yosëꞌpaꞌ anquëniroꞌsari quëparin. Apraan pantarinquë chachin pantarin. Ina quëran maꞌhuaontaꞌ chimininpachina, paꞌpitopi.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.

Apocalipsis 21:13

Piꞌi pipirinsoꞌ parti quëran pairatopisoꞌ cara yaꞌcoana yaꞌhuëtërin. Piꞌi yaꞌconinsoꞌ partintaꞌ cara chachin yaꞌhuëtërin. Huancana yonsanquëchin inapochachin cara cara yaꞌhuërin.

Apocalipsis 21:15

Ina ninanosoꞌ, pancana. Mitro pochin oro quëran nininsoꞌ anquëni yaꞌhuëtërin aꞌnicaso marëꞌ. Ina masahuaton, aꞌnirin. Ninanoꞌ, pairatopisoꞌ, yaꞌcoanaroꞌsaꞌ, inapita aꞌnirin.

Apocalipsis 21:25

Inatohuaꞌ co huachi tashiarinhuëꞌ. Yaꞌcoanaroꞌsantaꞌ co huachi oncotapihuëꞌ.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.