Apocalipsis 21:11 - Chayahuita (Shahui)

¹¹ Yosësoꞌ noya noya niꞌton, ina pochin nicaton, huënaráchin huënaráchin aꞌpinin. Naꞌpiaꞌhuaya paꞌton nininso pochin huënaratarin. Caspi itopisoꞌ. Isihuico pochin niponahuëꞌ, iꞌhua iꞌhuanánshin quënantërëꞌ.

Apocalipsis 21:11 ပူးပေါင်းရင်းမြစ်များ

Ezequiel 1:22

Motëna aipisoꞌ, aꞌtanamën pochin nininsoꞌ yaꞌnorin. Potiriamia huënaratërinso pochin huënaratërin.

Ezequiel 1:26

Ina tënëntërinquë chachin aꞌnara huaꞌanëntacaso shira pochin niꞌnahuë. Sapiro itopisoꞌ paꞌton naꞌpi quëran nipinan pochin niꞌnahuë. Inaquë huënsërinsontaꞌ, aꞌnara piyapi pochin yaꞌnorinso niꞌnahuë.

Apocalipsis 15:8

Noya noya niꞌton, yaꞌipi nanitaparin. Ina tëꞌhuatacaiso marëꞌ conai pochin nininsoꞌ tomontarin. Yaꞌipi Yosë chinotopiso pëiꞌ inápaquë yaꞌhuërinsoꞌ yanquëëtërin. Co insontaꞌ nanitërinhuëꞌ inaquë yaꞌconacasoꞌ. Nani piyapiꞌsaꞌ anaꞌintohuachina, naporo huarëꞌ noya yaꞌcoantapi.

Apocalipsis 22:1

Ina quëran Yosë nohuanton, huaꞌnarëso pochin niantarahuë. Nasha Quirosarin niantahuato, anquëni pancaiꞌ aꞌnotërinco, noyápiachin nininsoꞌ. Inasoꞌ, Nanpirin iiꞌ itopisoꞌ. Yosë huaꞌanëntërin quëran pipirarin. Inaquë Carniroaꞌhuantaꞌ huaꞌanëntarin.

Apocalipsis 22:5

Co onporontaꞌ tashiaponhuëꞌ. Co huachi piꞌi nohuantarihuahuëꞌ. Co nanparin tërantaꞌ nohuantarihuahuëꞌ. Tata Yosëíchin aꞌpintarinpoaꞌ. Ichihuaꞌanëntarinpoaꞌ. Co onporontaꞌ pipiarihuahuëꞌ.

Apocalipsis 4:3

Inaquë nisha pochin yaꞌnorin. Naꞌpi noyápiachin nininso pochin huënaratarin. Caspi, cornarina inapita pochin huënaratarin. Noyápiachin yaꞌnorin. Yahuaꞌtani tahuitërin, huënsëarin. Yahuaꞌtan niponahuëꞌ, huëron pochin caninchin aꞌpinin. Ismirarita pochin huënaratarin, niꞌnahuë.

Apocalipsis 4:6

Shira notënanquë panca sono pochin yaꞌhuërin. Co iꞌsha pochinhuëꞌ. Isihuico pochin niponahuëꞌ, acopoquë huarëꞌ quënantërëꞌ. Yosë shiranën tahuirinquë catapini maꞌsharoꞌsa pochin nininsoꞌ yaꞌhuëpi, nanpirihuanpisoꞌ. Naꞌa yaꞌpirahuanatonaꞌ, itoparan itoparan quënantopi.