Apocalipsis 20:5 - Chayahuita (Shahui)

⁵ Inapitaꞌton ananpitaantarin. Ina quëran nani huaranca piꞌipi nanihuachin, aꞌnapita chiminpisopita ananpitaantarin anaꞌintacaso marëꞌ.

Apocalipsis 20:5 ပူးပေါင်းရင်းမြစ်များ

Lucas 14:14

Ina quëran noya cancantaran. Inapitasoꞌ co nanitopihuëꞌ amatantaꞌinënquënsoꞌ. Co iꞌhuërëtopirinënquënhuëꞌ, Yosësoꞌ iꞌhuërëtarinquën. Noya ninan niꞌton, ayaroꞌ tahuëri ananpitaantahuachinquën, acanaarinquën huachi, itërin.

Romanos 11:15

Iporaso Yosëri tananpitërin niꞌton, nisha nisha piyapiꞌsaꞌ ina nohuitapi. Aꞌna tahuëriso nipirinhuëꞌ israiroꞌsantaꞌ imaantahuachinaꞌ, noya noya nisapi. ¿Ma pochintaꞌ nisapi? Chimipi nanpiantarinso pochin nisapi, tënahuë.

Filipenses 3:11

Ina pochin cancantato, imamiachi aꞌna tahuërintaꞌ ananpitaantaincoso marëꞌ.

1 Tesalonicenses 4:16

Chiníquën nanantaton, oꞌmantararin. Anquëni huaꞌaontaꞌ chiníquën shaꞌhuirarin. Yosë nohuanton, tronpita pihuirarin. Naporoꞌ Quisocristo imatonaꞌ chiminpisopitaꞌton nanpiantarapi.

Apocalipsis 11:11

Cara tahuëri miria napoápirinahuëꞌ, aꞌnanaya Yosë nohuanton, nanpiantarahuatonaꞌ, huanintarapi. Piyapiꞌsari niꞌsahuatonaꞌ, paꞌpi tëꞌhuatapi.

Apocalipsis 11:15

Ina quëran yaꞌnatontarinsoꞌ anquënintaꞌ, pihuiantarin. Pihuihuachina, inápaquë chiníquën nonsapi, natanahuë. “Iráca quëra huarëꞌ naꞌa copirnoroꞌsaꞌ yaꞌhuëpirinahuëꞌ, iporasoꞌ Yosëri yaꞌipiya huaꞌanëntarin. Quisocristorë chachin huaꞌanëntomiatarin. Co onporontaꞌ pipiapihuëꞌ,” tosapi.