Apocalipsis 2:29 - Chayahuita (Shahui)

²⁹ Imaramaco niꞌton, Ispirito Santo nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ, ninshitohuatan, itërinco.

Apocalipsis 2:29 ပူးပေါင်းရင်းမြစ်များ

Marcos 7:16

Huëratëhuanpatamaꞌ, noya natanatomaco, yonquicoꞌ, itërin.]

Hechos 9:31

Ina quëran Quisoso imapisopita noya yaꞌhuapi. Co huachi insoari tërantaꞌ aparisitërinhuëꞌ. Cotia parti, Cariria parti, Samaria parti, inaquëpita sano yaꞌhuatonaꞌ, noya noya imasapi. “Sinioro chiníquën nanantërin,” taꞌtonaꞌ, nóya natëpi. Ispirito Santori catahuarin niꞌton, aꞌnapitanta imasapi.

Apocalipsis 2:7

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, Yosëꞌpaꞌ yaꞌhuëmiataramaꞌ. Inatohuaꞌ nanpirin nara nitërinsoꞌ caꞌpatamaꞌ, noya noya nanpimiataramaꞌ. Nani huachi,” itëquëꞌ, ninshitohuatan, itërinco Quisoso.