Apocalipsis 2:26 - Chayahuita (Shahui)

²⁶ Sopai minsëhuatamaꞌ, aꞌna tahuëri chiníquën nanan quëtaranquëmaꞌ. Ayaroꞌ tahuëriquë huarëꞌ natëhuatamaco, catahuaramaco nisha nisha piyapiꞌsaꞌ huaꞌanëntaꞌhuaso marëꞌ.

Apocalipsis 2:26 ပူးပေါင်းရင်းမြစ်များ

Salmos 2:8

Nisha nisha nacionoꞌsaꞌ, huaꞌanëntaton camaiaran. Isoroꞌpaꞌ nanirinquë huarënta natanpatanco, yaꞌipi quëtaranquën huaꞌanëntaran.

Salmos 2:9

Huaꞌna huaraquë copirnoroꞌsa ataꞌhuantaran. Noꞌpaꞌ huëꞌëta nipatërëso pochin nitaran,’ itërinco,” tënin.

Daniel 7:18

Inapita piquëransoꞌ, Yosë chini chiníquën nanantërinsoꞌ imapisopitari, huaꞌanëntapona huachi. Inapita huaꞌanëntohuachinaꞌ, co huachi onporonta aꞌnapitari huaꞌanëntopiso matarinhuëꞌ,’ itërinco.

Mateo 10:22

Imaramaco niꞌton, naꞌa piyapiꞌsaꞌ noꞌhuiarinënquëmaꞌ. Nipirinhuëꞌ, co aꞌpohuatamacohuëꞌ, nichaꞌësaranquëma huachi.

Mateo 19:28

—Tëhuënchachin iyaroꞌsaꞌ canaaramaꞌ. Yosë quëran quëmapico niꞌto, aꞌna tahuëri yaꞌipiya anoyatarahuë. Naporoꞌ noya noya yaꞌnoato, huaꞌanëntacasoꞌ shiraquë huënsëarahuë. Inaquë coisë pochin noꞌtëquën shaꞌhuitarahuë. Canpitantaꞌ acoaranquëmaꞌ yaꞌipi israiroꞌsaꞌ shonca catoꞌ huënton chachin nininsoꞌ huaꞌanëntacamaso marëꞌ. Shonca catonquëmaꞌ napoaramaꞌ.

Mateo 24:13

Canpitaso nipirinhuëꞌ noya ahuantocoꞌ. Co aꞌpohuatamacohuëꞌ, noya nichaꞌësaranquëma huachi.

Juan 6:29

—Tëhuënchachin Yosë yanatëhuatamaꞌ, ca imaco. Ina aꞌpaimarinco niꞌton, cancanëma quëran huarëꞌ imaco. Ina Yosë nohuantërin, itërin Quisosori.

Romanos 2:7

Noyasáchin nipatëhuaꞌ, noya niꞌsarinpoaꞌ. Yosë yonquiatëhuaꞌ, noya acoinpoaso marëꞌ naꞌcon nohuantohuatëhuaꞌ, ananpitaantarinpoaꞌ. Inarëꞌquënpoaꞌ yaꞌhuëmiatarihuaꞌ.

Romanos 8:37

Ina nipirinhuëꞌ, Quisocristo nosororinpoaꞌ. Parisitapirëhuahuëꞌ, nani tahuëri catahuarinpoaꞌ sopai minsëcaso marëꞌ. Nóya cancantarëhuaꞌ.

1 Tesalonicenses 3:5

Napoaton casoꞌ co huachi ahuantatohuëꞌ, Timotio aꞌpatëranquëmaꞌ onpopinsona imaramasoꞌ nitotaꞌhuaso marëꞌ. Sopai yanonpintërinpoaꞌ Yosë aꞌpocaso marëꞌ. Minsërinquëmaꞌ naporini, topinan quëran aꞌchinchitënquëmahuëꞌ. “Co huachi noya imamaraihuëꞌ,” taꞌtoi, Timotio aꞌpatërainquëmaꞌ.

Hebreos 3:6

Quisocristoso nipirinhuëꞌ co inpriatohuëꞌ. Yosë huiꞌnin chachin niꞌton, chini chiníquën nanantërin. Paꞌpin natëton, nóya huaꞌanëntarinpoa huachi. Napoaton chiníquën cancantatëhuaꞌ, chiminaquë huarëꞌ Quisocristo natëahuaꞌ. “Co naniantarinpoahuëꞌ,” taꞌtëhuaꞌ, noya cancantahuaꞌ. Imamiatohuatëhuaꞌ, piyapinënpita chachin nisarihuaꞌ.

Santiago 2:20

¡Coꞌchi noꞌtëquën yonquiranhuë paya! Co noya nipatanhuëꞌ, “Cantaꞌ imarahuë,” topiranhuëꞌ, topinan quëran nonsaran.

1 Juan 2:19

“Quiyantaꞌ imarai,” topirinahuëꞌ, nani pipipi. Co tëhuënchachin Yosë huëntonënquë yaꞌconpihuëꞌ. Yaꞌconpi naporini, co pipiitonahuëꞌ. Pipipi quëran nitotërëhuaꞌ. “Co onporontaꞌ cancanëna quëran huarëꞌ imapihuëꞌ,” tënëhuaꞌ.

1 Juan 3:23

Yosë nani pënëninpoaꞌ huiꞌnin imacaso marëꞌ. Naporahuaton, ninosorocasontaꞌ shaꞌhuitërinpoaꞌ. “Quisocristontaꞌ inachachin shaꞌhuitërinpoaꞌ,” taꞌtëhuaꞌ, cancanënpoa quëran natëahuaꞌ.

1 Juan 5:5

“Quisocristo Yosë huiꞌnin chachin,” topatëhuaꞌ, achinicancaninpoaꞌ sopai minsëcaso marëꞌ. Aꞌnapitarisoꞌ co nanitopihuëꞌ sopai minsëcaisoꞌ.

Apocalipsis 2:11

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, co parisitopiquë paatomaꞌ, parisitomiataramahuëꞌ. Nani huachi,” itëquëꞌ, ninshitohuatan, itërinco.

Apocalipsis 2:17

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, noya cancantarama huachi. Iráca israiroꞌsaꞌ Yosëri cosharoꞌ aꞌpatimarin, mana itopisoꞌ. Inachachin poꞌorahuësoꞌ carimantaꞌ quëchinquëmaꞌ sano cancantacamaso marëꞌ. Imaramaco niꞌton, nasha nininëmaꞌ aꞌnaya aꞌnayanquëmaꞌ acoꞌinquëmaꞌ. Canpitaora nitotaramaꞌ. Huiri naꞌpiquë ninshitahuato, quëchinquëmaꞌ. Cancanëma quëran noya noya nohuitaramaco huachi. Nani huachi,” itëquëꞌ, ninshitohuatan, itërinco.

Apocalipsis 2:7

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, Yosëꞌpaꞌ yaꞌhuëmiataramaꞌ. Inatohuaꞌ nanpirin nara nitërinsoꞌ caꞌpatamaꞌ, noya noya nanpimiataramaꞌ. Nani huachi,” itëquëꞌ, ninshitohuatan, itërinco Quisoso.

Apocalipsis 20:4

Ina quëran huaꞌnarëso pochin niantarahuë. Naꞌa piyapiꞌsaꞌ quënanahuë. Yosëri nani acorin coisë pochin nicacaiso marëꞌ. Aꞌnapitantaꞌ niꞌnahuë. Isoroꞌpaquë yaꞌhuaponaꞌ, Quisosoíchin imapi. Yosë nanamën aꞌchinpi niꞌton, tëpapi. Co maꞌsha paꞌpi tëꞌhuatoroꞌ nininsoꞌ chinotopihuëꞌ. Co nonanpisoꞌ moshapihuëꞌ. Co marcanën niacotopihuëꞌ. “Quisosoíchin imarai,” topachinara, nishitëconotëraꞌpiapi. Inapotopirinahuëꞌ, Quisosori ananpitaantarahuaton, ichihuaꞌanëntarin. Huaranca piꞌipi huaꞌanëntapi.

Apocalipsis 21:7

Sopai minsëhuatamaꞌ, yaꞌipi tapatëranquëmasopita quëchinquëmaꞌ. Huiꞌnahuëpita pochin niꞌsaranquëmaꞌ. Casáchin yonquiaramaco.

Apocalipsis 22:5

Co onporontaꞌ tashiaponhuëꞌ. Co huachi piꞌi nohuantarihuahuëꞌ. Co nanparin tërantaꞌ nohuantarihuahuëꞌ. Tata Yosëíchin aꞌpintarinpoaꞌ. Ichihuaꞌanëntarinpoaꞌ. Co onporontaꞌ pipiarihuahuëꞌ.

Apocalipsis 3:12

Sopai minsëhuatamaꞌ, Yosë yaꞌhuërinquë chachin pantaramaꞌ. Piyon pëiꞌ achinirinso pochin naꞌcon nohuantaranquëmaꞌ. Napoaton yaꞌhuëmiatontaramaꞌ. Co pipiaramahuëꞌ. Yosë co onporontaꞌ aꞌpoarinquëmahuëꞌ. Nininën chachin acotaranquëmaꞌ. Aꞌna tahuëri panca ninanoꞌ yaꞌhuapon. Inápa quëran oꞌmararin. Nasha Quirosarin itopisoꞌ. Ina nininëontaꞌ acotaranquëmaꞌ. Cantaꞌ Quisosoco oꞌmantahuato, nasha nininëhuë acotaranquëmaꞌ. Co onporontaꞌ aꞌpoaranquëmahuëꞌ.

Apocalipsis 3:21

Nani sopai minsërahuato, Tata Yosëꞌpaꞌ yaꞌhuarahuë. Yaꞌipiya huaꞌanëntarai. Canpitantaꞌ sopai minsëhuatamaꞌ, Yosëꞌpaꞌ noya acoaranquëmaꞌ. Canpitaroꞌco huaꞌanëntarahuë.

Apocalipsis 3:5

Inquëmasoꞌ sopai minsëhuatamaꞌ, Yosëꞌpaꞌ paꞌsaramaꞌ. Noyápiachin cancantaramaꞌ niꞌton, huiríchin aꞌmocontaramaꞌ. Inatohuaꞌ yaꞌhuëmiataramaꞌ. Nanpirin quiricaquë nininëmaꞌ nani ninshitëranquëmaꞌ. Co onporontaꞌ tapiarahuëꞌ. Tata Yosë shaꞌhuitarahuë: ‘Isopita imamiatërinaco,’ itarahuë. Anquëniroꞌsantaꞌ natanapi.