Apocalipsis 2:13 - Chayahuita (Shahui)

¹³ Canpita yaꞌhuëramaquë nohuitërahuë. Inaquë naꞌa piyapiꞌsaꞌ co noyahuëꞌ cancantopi. Satanasëri huaꞌanëntopirinhuëꞌ, canpitasoꞌ noya imaramaco. Antipasë natëtonco, noya pënëntopirinhuëꞌ, ina marëꞌ tëpapi, niꞌnamaꞌ. Satanasë chachin inaquë yaꞌhuërin, tënahuë. Parisitapomarahuëꞌ, co aꞌporamacohuëꞌ. Ina marëꞌ noya niꞌpiranquëmahuëꞌ,

Apocalipsis 2:13 ပူးပေါင်းရင်းမြစ်များ

Mateo 10:23

Aparisitohuachinënquëmaꞌ, aꞌna ninanoquë paantacoꞌ. Inaquëntaꞌ aꞌchiantacoꞌ. Naꞌa ninanoroꞌsaꞌ Cotia parti yaꞌhuërin. Co yaꞌipi ninanoroꞌsaquë paꞌshatërasënquëmahuëꞌ, cantaꞌ oꞌmantararahuë. Yosë quëran quëmapico niꞌto, aꞌna tahuëri oꞌmantarahuë Yosë huaꞌanëntërinsoꞌ acocaꞌhuaso marëꞌ.

Mateo 24:9

“Naporoꞌ tahuëriꞌsaꞌ co noya piyapiꞌsahuëꞌ masarinënquëmaꞌ. Imaramacoso marëꞌ aparisitarinënquëmaꞌ. Nisha nisha piyapiꞌsaꞌ noꞌhuiarinënquëmaꞌ. Aꞌnaquëmaꞌ tëpararinënquëmaꞌ.

Mateo 4:10

—Inca co nohuantërahuëꞌ. Quëmasoꞌ sopai huaꞌanquën. Patoco huachi. Yosë quiricanën quëran shaꞌhuitërinpoaꞌ: “Sinioroíchin chinotëquëꞌ. Inasáchin natëcasoꞌ yaꞌhuërin,” tënin, itërin Quisosori.

Lucas 21:17

Imaramacoso marëꞌ naꞌa piyapiꞌsaꞌ noꞌhuiarinënquëmaꞌ.

Hechos 22:20

Istipan quëma nanamën aꞌchininso marëꞌ tëpahuachinara, cantaꞌ niꞌnahuë. “Tëpacoꞌ,” itërahuë carintaꞌ. Tëpatonaꞌpiroꞌsaꞌ aꞌmopisoꞌ ocoirahuatonaꞌ, quëtërinaco, aꞌpairahuë. Yaꞌipiya nohuitërinaco,’ itërahuë.

Hechos 9:14

Corto huaꞌanoꞌsaꞌ chiníquën nanantopisopitari nanan quëtërin isëquëntaꞌ piyapiꞌsaꞌ macacaso marëꞌ. Nontërinquënsopita tonporahuaton, tashinan pëiquë yapoꞌmorin,” itërin Ananiasëri.

1 Tesalonicenses 5:21

Napoaponahuëꞌ, niꞌcona nonpintochinënquëmaꞌ. Aꞌnaquën “Noꞌtëquën aꞌchintaranquëmaꞌ,” itohuachinënquëmaꞌ, ama aꞌnaroáchin natëtocosohuëꞌ. Yaꞌipi napopisoꞌ Yosë quiricanën quëran tantiacoꞌ. “Inaora yonquinën quëran aꞌchinamara,” taꞌtomaꞌ, tantiacoꞌ. Yosë nanamënsáchin natëcasoꞌ yaꞌhuërin.

1 Timoteo 5:8

Quëmopinënaꞌ tëhuënchachin nosorocasoꞌ yaꞌhuërin. Pahuantohuachinaꞌ, catahuainaꞌ. Aꞌshinaꞌ, paꞌpinaꞌ, huiꞌninpita, inapita naꞌcon naꞌcon nosorocasoꞌ yaꞌhuërin. Catahuainaꞌ, nocomaꞌinaꞌ. Insoarisona co nocomahuachinahuëꞌ, co huachi Yosë natëapihuëꞌ. Co quëmopinënaꞌ nosorohuachinarahuëꞌ, naꞌcon naꞌcon oshahuanapi.

2 Timoteo 1:13

Noꞌtëquën api aꞌchintëranquën. Inachachin quëmantaꞌ aꞌchinquëꞌ. “Quisocristoíchin anoyacancantërinpoaꞌ,” taꞌton inasáchin natëquëꞌ. Ina nosoroaton, aꞌnapitantaꞌ nosoroquëꞌ.

2 Timoteo 2:12

Parisitapirëhuahuëꞌ, noya ahuantohuatëhuaꞌ, aꞌna tahuëri inarëꞌquënpoaꞌ huaꞌanëntarihuaꞌ Nipirinhuëꞌ, ina aꞌpohuatëhuaꞌ, inantaꞌ aꞌpoarinpoaꞌ.

Hebreos 10:23

“Yosë noꞌtëquën shaꞌhuitërinpoaꞌ. Quisocristoíchin nichaꞌësarinpoaꞌ,” taꞌtëhuaꞌ, imamiatahuaꞌ. Ama piꞌpian tërantaꞌ nisha yonquiaꞌhuasohuë. Nani shaꞌhuitërinpoaꞌ niꞌton, co nonpintarinpoahuëꞌ.

Hebreos 3:6

Quisocristoso nipirinhuëꞌ co inpriatohuëꞌ. Yosë huiꞌnin chachin niꞌton, chini chiníquën nanantërin. Paꞌpin natëton, nóya huaꞌanëntarinpoa huachi. Napoaton chiníquën cancantatëhuaꞌ, chiminaquë huarëꞌ Quisocristo natëahuaꞌ. “Co naniantarinpoahuëꞌ,” taꞌtëhuaꞌ, noya cancantahuaꞌ. Imamiatohuatëhuaꞌ, piyapinënpita chachin nisarihuaꞌ.

Santiago 2:7

Quisocristosoꞌ nóya niponahuëꞌ, tëhuapi: “Co noyahuëꞌ inasoꞌ,” toconpi. Imarëhuaꞌ niꞌton, Quisocristo piyapinënpitanpoaꞌ canpoasoꞌ. Napoaton ama maꞌhuanoꞌsaꞌ naꞌcon naꞌcon paꞌyatocosohuëꞌ.

Apocalipsis 1:5

Quisocristontaꞌ inaora nohuanton, catahuainquëmaꞌ. Asanocancainquëmaꞌ. Iráca isoroꞌpaquë oꞌmarahuaton, noꞌtëquën aꞌchintërinpoaꞌ. Inaꞌton chiminaponahuëꞌ, nanpiantarin. Chimirin minsërahuaton, yaꞌipiya huaꞌanëntarin. Yaꞌipi huaꞌanoꞌsa quëran chini chiníquën nanantarin. Naporahuaton, naꞌcon nosororinpoaꞌ. Oshanënpoaꞌ inquitinpoaso marëꞌ huënainën aꞌparin. Chiminaton, nichaꞌërinpoa.

Apocalipsis 11:3

Naporo tahuëriꞌsaꞌ catoꞌ quëmapi aꞌpararahuë pënëntacaiso marëꞌ. Yaaꞌpahuato, chiníquën nanan quëtarahuë noꞌtëquën shaꞌhuicaiso marëꞌ. Piyapiꞌsaꞌ naꞌcon oshahuanpi niꞌton, catoꞌ quëmapi sëtapi. Sëtatonaꞌ saꞌcatën nininsoꞌ aꞌmosapi piyapiꞌsaꞌ oshanënaꞌ ayonquicaiso marëꞌ. Cara piꞌipi miria pënëntapi, itërinco Yosë.

Apocalipsis 12:11

Carniroaꞌhua chiminaton, huënainën quëran anoyacancantërinpoaꞌ niꞌton, sopai minsërëhuaꞌ. Nanamën shaꞌhuitatëhuaꞌ, minsërëhuaꞌ. Yatëpapirinënpoahuëntaꞌ, co aꞌporëhuahuëꞌ, tosapi.

Apocalipsis 13:2

Yarani pochin niponahuëꞌ, tocani pochin nantëtërin. Nanamënsoꞌ paꞌpini pochin nanantërin. Panca yaꞌhuani chachin chiníquën nanan quëtapon niꞌton, chiníquën nanantaton, copirno yaꞌconapon.

Apocalipsis 14:12

Ina yonquiatomaꞌ, chiníquën cancantocoꞌ. Yosë nanamën natëtomaꞌ, Quisocristo imamiatocoꞌ. Aparisitopirinënquëmahuëꞌ, ama aꞌpocosohuëꞌ.

Apocalipsis 17:14

Inapitasoꞌ Carniroaꞌhua yaminsëatonaꞌ, quira nisapirinahuëꞌ, co nanitapihuëꞌ minsëcaisoꞌ. Inari minsëapon. Inasoꞌ Quisocristo chachin. Chini chiníquën nanantarin niꞌton, yaꞌipiya huaꞌanëntarin. Inasáchin natëcasoꞌ yaꞌhuërin. Piyapinënpitari imasapi. Yosëri huayonin niꞌton, natëmiatapi,” itërinco anquëni.

Apocalipsis 17:6

Tëhuënchachin ina sanapi paꞌpi co noyahuëꞌ cancantërin. Quisoso imapisopita co quëꞌyarinhuëꞌ. “Quisoso imarai,” topachinara, atëpatërin. Notohuaroꞌ atëpatahuaton, noꞌpirinso pochin paꞌyatërin. Ina nicato, panca paꞌyanahuë. Ina quëran anquëni itërinco:

Apocalipsis 2:2

Nani nohuitëranquëmaꞌ. Yaꞌipi ninamasopita nitotërahuë. Chiníquën ca marëꞌ sacatëramaꞌ. Co amiatomacohuëꞌ, noya ninamaꞌ. Aꞌnaquën co noyahuëꞌ nipachinara, co noya niꞌnamahuëꞌ. Nonpin nanan aꞌchinaꞌpiroꞌsantaꞌ co noya niꞌnamahuëꞌ. ‘Yosë aꞌparincoi, aꞌchinarai,’ itopirinënquëmahuëꞌ, nonpinapi. Inapita natanpatamaꞌ: ‘Co noꞌtëquën aꞌchinpihuëꞌ,’ taꞌtomaꞌ, co natëramahuëꞌ.

Apocalipsis 3:11

Co huaꞌquiya quëranhuëꞌ oꞌmantararahuë. Ama naniantatomacohuëꞌ, imamiatoco. Niꞌcona sopai minsëchinquëmaꞌ. Ina minsëhuachinquëmaꞌ, co inápaquë canaaramahuëꞌ.

Apocalipsis 3:3

Yaꞌnan natanapomaꞌ, Yosë nanamën noꞌtëquën aꞌchintërinënquëmaꞌ. Ina yonquiatomaꞌ, yaꞌipi co noyahuëꞌ yonquiramasopita naniantocoꞌ. Yaꞌipi cancanëma quëran casáchin yonquico. Co noya cancantaantahuatamahuëꞌ, aꞌnaroáchin anaꞌintaranquëmaꞌ. Ihuatonaꞌpi huëꞌninso pochachin aꞌnanaya anaꞌintaranquëmaꞌ. Co nitotasënquëmahuëꞌ, oꞌmantararahuë.