Apocalipsis 19:19 - Chayahuita (Shahui)

¹⁹ Ina quëran maꞌsha paꞌpi tëꞌhuatoroꞌ nininsoꞌ quënantarahuë. Naꞌa copirnoroꞌsaꞌ sontaroꞌsanënpitarë chachin niyontonapi. Huiri cahuario aipi huënsërinsoꞌ minsëcaiso marëꞌ quira nisapi. Piyapinënpitantaꞌ yaminsëpirinahuëꞌ.

Apocalipsis 19:19 ပူးပေါင်းရင်းမြစ်များ

Apocalipsis 11:7

Nani yaꞌipi noyá pënëntohuachinaꞌ, co huachi aquëtëꞌ pënëntacasoꞌ yaꞌhuaponhuëꞌ. Naporoꞌ maꞌsha paꞌpi tëꞌhuatoro nininsoꞌ yaꞌnoarin. Acoporoꞌ quëran huëꞌsarin. Huëꞌsahuaton, cato yaꞌpi ahuëquiarin. Ina quëran minsërahuaton, tëpararin.

Apocalipsis 14:9

Ina piquëran aꞌna anquënintaꞌ paaton, chiníquën nonsarin. —Ama maꞌsha paꞌpi tëꞌhuatoroꞌ nininsoꞌ natëcosohuëꞌ. Ama mamanshinën moshacosohuëꞌ. Tëꞌyamaquë marcanën yaacotarinquëmaꞌ huaꞌanëntinquëmaso marëꞌ. Ama natëcosohuëꞌ. Ina chinotohuatamaꞌ, Yosë anaꞌintarinquëmaꞌ.

Apocalipsis 16:14

Sopairoꞌsaꞌ niꞌton, nani maꞌsha nanitapapi. Sacaiꞌ nininsopita nisapi piyapiꞌsari natëcaiso marëꞌ. Nonpintatonaꞌ, napoapi. Nisha nisha copirnoroꞌsaꞌ camairaꞌpiaponaꞌ quira nicacaiso marëꞌ. Anaꞌintacasoꞌ tahuëri nani yaꞌcaritëriarin niꞌton, niyontonaponaꞌ. “Canpoari Yosë minsëahuaꞌ,” taꞌtonaꞌ, napoaponaꞌ.

Apocalipsis 16:16

Anaꞌintacasoꞌ tahuëri yaꞌcaritohuachin, naꞌa copirnoroꞌsaꞌ ayontonapi quira nicacaiso marëꞌ. Armaquitono itopiquë niyontonapi. Cotio nananquë napopisoꞌ.

Apocalipsis 18:9

Nisha nisha copirnoroꞌsantaꞌ anishacancantërinsopita sëtaponaꞌ. Huiquitërinsoꞌ nicatonaꞌ, naꞌnëponaꞌ. Yosëri anaꞌintohuachin, naꞌnëponaꞌ.

Apocalipsis 19:21

Inapita imapisopitantaꞌ ataꞌhuantarin. Inaora nanamën quëran yaꞌipiya ataꞌhuantarin. Chiminpachinaꞌ, chanaroꞌ caꞌtëroꞌsari huëcatonaꞌ, natëaquë huarëꞌ noshinënaꞌ caꞌsapi.