Apocalipsis 18:21 - Chayahuita (Shahui)

²¹ Ina quëran huaꞌnarëso pochin niantarahuë. Aꞌna anquënintaꞌ yaꞌnoantarin, chiníquën nanantërinsoꞌ. Pancaraꞌpi masahuaton, marëquë tëꞌyaitërin. “Pancaraꞌpi tëꞌyaitërahuëso pochachin Papironia taꞌhuantarin. Panca ninanoꞌ niponahuëꞌ, taꞌhuantarin. Yosëri chiníquën anaꞌintarin. Co huachi yaꞌhuaponhuëꞌ.

Apocalipsis 18:21 ပူးပေါင်းရင်းမြစ်များ

Nehemías 9:11

Marë patomaihuatana, yanirotaquëchin piyapinënpita pëntonpi. Imaquipisopitaso nipirinhuëꞌ, anpoquë naꞌpi tëꞌyaitërëso pochin nitëran.

Salmos 37:36

Napoaponaraihuëꞌ, naꞌhuërinso pochin nicatonaꞌ, capa nisapi huachi. Inapita yonquiato yonípirahuëꞌ, co huachi quënanahuëꞌ.

Éxodo 15:5

Naꞌpi pochin marë huancanai nicotaitomapi. Anpo anpo nininquë paꞌmapi.

Apocalipsis 10:1

Ina quëran huaꞌnarëso pochin aꞌna anquënintaꞌ niantarahuë, chiníquën nanantërinsoꞌ. Chitoroꞌ huancana inápa quëran oꞌmararin. Motën yahuaꞌtani tahuitërin. Yaꞌpirin piꞌi pochin aꞌpinin. Tonaintaꞌ pën pochin yaꞌnoarin.

Apocalipsis 12:8

co nanitopihuëꞌ minsëcaisoꞌ. Miquiri anquëninënpitari minsërahuatonaꞌ, isoroꞌpaquë aꞌpaimapi.

Apocalipsis 16:20

Naporoꞌ motopiroꞌsaꞌ, soꞌtonoꞌsaꞌ, inapita co huachi yaꞌhuaponahuëꞌ.

Apocalipsis 18:10

Aquë quëran quënanpachinaꞌ, paꞌpi tëꞌhuatapi. “¡Maꞌhuantacha ninin paya! Papironia panca ninanoꞌ niponahuëꞌ, aꞌnaroáchin ataꞌhuantopi. Yosëri anaꞌintërin,” tosapi.

Apocalipsis 18:22

Iráca naꞌa arparoꞌsaꞌ piꞌnipi. Pirinanoꞌsaꞌ, tronpitaroꞌsaꞌ, inapitantaꞌ pihuipirinahuëꞌ, iporasoꞌ co huachi mosica natanapihuëꞌ. Co huachi sacatoroꞌsaꞌ inaquë sacatapihuëꞌ. Co huachi cosharoꞌ nipisoꞌ natanapihuëꞌ.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.

Apocalipsis 5:2

Aꞌna anquënintaꞌ niꞌnahuë. Chiníquën nanantaton, chiníquën nonin. —¿Intaꞌ noya noya niꞌton, nanan yaꞌhuëtërin toꞌniroꞌsaꞌ iꞌshotahuaton iso quirica oporinacasoꞌ? tënin.