Apocalipsis 18:17 - Chayahuita (Shahui)

¹⁷ aꞌnaroáchin maꞌshanënpitarë chachin taꞌhuantërin huachi,” tosapi. Nanchahuanoꞌsantaꞌ marë paꞌtatonaꞌ, naꞌa maꞌsha aquë quëran quëpirinahuëꞌ. Inapoatonaꞌ, naꞌcon canapirinahuëꞌ, co huachi paꞌsapihuëꞌ. Piyapinënpitantaꞌ inaquë sacatatonaꞌ, canapirinahuëꞌ, co huachi canapihuëꞌ. Inapitantaꞌ aquë quëran niꞌsapi.

Apocalipsis 18:17 ပူးပေါင်းရင်းမြစ်များ

Jonás 1:6

Nancha huaꞌanënsoꞌ, pëꞌpëto quëpapiquë yaꞌcomarahuaton niꞌpirinhuëꞌ, Conasë huëꞌësárin quënamarin. Quënamarahuaton: —¡Capayatëquë huëꞌëitëꞌ! ¡Paꞌpi huëhuëpiro nisarëhuaꞌ! Huënsëaton Yosëparin nontëquëꞌ. Tapona ina yanichaꞌësápirinpoahuëꞌ, itërin.

Hechos 27:11

Capitanso nipirinhuëꞌ co natëtërinhuëꞌ. Nancha huaꞌanën, nancha quëpanaꞌpi, inapita manorapi: “Paꞌahuaꞌ,” itohuachinara, “Noyahuaꞌ, paꞌahuaꞌ nipachin,” tënin capitan.

Apocalipsis 17:12

Shonca pomontërinso pochin shonca copirnoroꞌsaꞌ yaꞌhuaponaꞌ. Inapitasoꞌ co huaꞌanënchatërapihuëꞌ. Tahuëri nanihuachin, nisha nisha piyapiꞌsaꞌ huaꞌanëntaponaꞌ. Naporo chachin maꞌsha paꞌpi tëꞌhuatoroꞌ nininsontaꞌ huaꞌanëntapon. Napoaponahuëꞌ, co huaꞌqui huaꞌanëntapihuëꞌ.

Apocalipsis 17:16

Oshaquëran shonca copirnoroꞌsaꞌ, maꞌsha paꞌpi tëꞌhuatoroꞌ nininsoꞌ, inapita co huachi sanapi nohuantapihuëꞌ. Noꞌhuirahuatonaꞌ, masapi. Masahuatonaꞌ, aiꞌnanpiratapi. Chiníquën aparisitatonaꞌ, tëparapi. Ina quëran ahuiquitapi.

Apocalipsis 18:19

Chiníquën sëtatonaꞌ, moꞌshiquë nipashimototapi. Iráca sëtohuachinara, inachintopisoꞌ. Naꞌnëpona pochin itaponaꞌ: “¡Maꞌhuantacha ninin paya! Panca ninanoꞌ nipirinhuëꞌ, ayarin. Marë nanchaquë paꞌtohuatëira, naꞌa maꞌsha paꞌanatoi, quënai. Paꞌanpatëira, naꞌcon canapiraihuëꞌ, aꞌnaromaráchin maꞌshanënpitarë chachin taꞌhuantërin huachi,” tosapi.