Apocalipsis 17:3 - Chayahuita (Shahui)

³ Itohuachincora, huaꞌnarëso pochin niantarahuë. Ispirito Santo nohuanton, co piyapi yaꞌhuërinquëhuëꞌ quëparinco. Inaquë co noyahuëꞌ sanapi niꞌnahuë. Maꞌsha paꞌpi tëꞌhuatoroꞌ nininsontaꞌ quënanahuë. Iporasoꞌ quëhuanën yaꞌnorin. Canchisë mototahuaton, shonca pomon yaꞌhuëtërin. Nisha nisha nininën yaꞌhuëtërin, Yosë pinorinsoꞌ. Yaꞌipi nonënquë ninshitëraꞌpiarin. Ina aipi sanapi huënsëarin.

Apocalipsis 17:3 ပူးပေါင်းရင်းမြစ်များ

Ezequiel 3:12

Naporo chachin Yosë ispiritonën otërinco. Pinëhuë quëranso napoaponahuëꞌ, panca ocohua paꞌpachina irininso pochin natanahuë. Sinioro yaꞌnotërinco quëran niotëhuachina naporin.

Daniel 7:25

Yosëso chini chiníquën nanantopirinhuëꞌ, noꞌhuipon. Yosë piyapinënpitantaꞌ, shitiquiapon. Yosë pënëntërinsopita anishatacaso camaitapon. Yosë chinotatona niyontonacaiso tahuëriꞌsantaꞌ, inapotapon. Yosë piyapinënpita quëran huarëꞌ, cara piꞌipi miria nohuantërinsoꞌ nitapon.

Daniel 7:8

Ina maꞌsha pomonënpita nicasoco chachin, inapita huáncana quëran aꞌnara pomonaꞌhuain pipitaantarin. Ina pichopitacaso marëꞌ cara pomonënpita opashotopi. Inaso pomonaꞌhuaya, piyapi pochin yaꞌpirahuanin. Nonpachinantaꞌ, paꞌpi nocantërin niꞌnahuë.

Mateo 27:28

Aiꞌnanpiratahuatonaꞌ, quëhuanën miachin huaꞌan aꞌmorinso pochin nininsoꞌ aꞌmotopi tëhuacaiso marëꞌ.

Hechos 8:39

Nonshipirinahuëꞌ, aꞌnanaya Pinipi ayarin. Ispirito Santori quëparin niꞌton, huaꞌani co huachi quënaninhuëꞌ. Co quënanaponahuëꞌ, noya cancantaton, paꞌnin.

2 Tesalonicenses 2:4

Inasoꞌ Yosë inimicotërin. “Ama Yosë chinotocosohuëꞌ. Ama mantaꞌ moshacosohuëꞌ. Casáchin natëco. Yosë yaꞌhuërëtarahuë,” tosarin. Yosë chinotopiso pëiquë chachin huënsëapon piyapiꞌsari chinotacaiso marëꞌ. Paꞌpi co noyahuëꞌ nisarin. Chiníquën nanantaton, yaꞌipi piyapiꞌsaꞌ yacamaiapon.

Apocalipsis 1:10

Iꞌhua Tomio tahuëri Yosë chinotasoco, Ispirito Santo nohuanton, huaꞌnarëso pochin quënanahuë. Co huëꞌëpirahuëꞌ, pinëhuë quëran chiníquën nontërinco, natanahuë. Tronpita pihuirinso pochin natanahuë.

Apocalipsis 12:14

Yosëri catahuarin chaꞌëcaso marëꞌ. Panca onian pochin anpiantëhuanaton, taꞌarin. Co piyapi yaꞌhuërinquëhuëꞌ paꞌsahuaton, cara piꞌipi miria pochin inaquë naꞌpiarin. Yosë nohuanton, maꞌsha yaꞌhuërin capacasoꞌ.

Apocalipsis 12:3

Ina quëran aꞌna maꞌsha inápaquë yaꞌnorin, niantarahuë. Panca yaꞌhuan pochin niponahuëꞌ, ina quëran panca panca ninin. Quëhuashin nisahuaton, canchisë motën yaꞌhuëtërin, shonca pomohuanin. Aꞌnaya aꞌnaya motënquë huaꞌan pochin yancotë yancorin.

Apocalipsis 12:6

Aꞌshinso nipirinhuëꞌ, co piyapi yaꞌhuërinquëhuëꞌ taꞌarin. Inaquë Yosëri nani tapatërin yaꞌhuëcaso marëꞌ. Cara piꞌipi miria pochin inaquë yaꞌhuarin niꞌton, cosharoꞌ quëtapi.

Apocalipsis 17:18

Sanapi panca iiroꞌsaꞌ aipi huënsërinso pochin panca ninanoꞌ yaꞌhuapon. Yaꞌhuëhuanoꞌsaꞌ paꞌpi co noyahuëꞌ cancantapi. Naꞌa piyapiꞌsaꞌ, copirnoroꞌsaꞌ, inapita anishacancantaponaꞌ maꞌsharáchin yonquicaiso marëꞌ. Yosë aꞌpocaiso marëꞌ yanonpintapi. Nonpintápirinahuëꞌ, Yosë nohuanton, ataꞌhuantapi antaꞌ.

Apocalipsis 17:4

Inasoꞌ noyápiachin aꞌmoponahuëꞌ, co noyahuëꞌ cancantërin. Aꞌmorinsoꞌ paꞌton ninin. Quëhuashin, quëhuanën, inapita aꞌmorin. Naporahuaton, oro, naꞌpiaꞌhuaya paꞌton nininsopita, inapita pëꞌtënin. Monshihuanaꞌpi pochin nitaparin. Minë oro quëran nininsoꞌ sëꞌquërin. Inaquë taparoꞌ nininsoráchin yaꞌhuërin. Oꞌshitërinso pochin naꞌa piyapiꞌsaꞌ anishacancantërin. Anoꞌpirin, amonshihuanin, napotërin

Apocalipsis 18:12

Notohuaroꞌ oro, prata, naꞌpiraꞌhuaya paꞌton nininsopita, morin, sita, caninëꞌmëtëꞌ, quëhuanëꞌmëtëꞌ, inapita yaꞌhuëtopirinahuëꞌ, co incari tërantaꞌ paꞌantarinhuë huachi. Nisha nisha pimonontëroꞌsaꞌ, huiripomon quëran maꞌsha nipisopita, nontëroꞌsaꞌ paꞌton nininsopita quëran maꞌsha nipisoꞌ, shaꞌpihuaꞌna, huaꞌnamia, huirinaꞌpi, ina quëranpita maꞌsha nipiso yaꞌhuërin.

Apocalipsis 18:16

itaponaꞌ: “¡Maꞌhuantacha ninin paya! Panca ninanoꞌ niponahuëꞌ, taꞌhuantërin. Sanapi noyápiachin aꞌmorinso pochin nipirinhuëꞌ, co huachi yaꞌhuërinhuëꞌ. Morin, caninëꞌmëtëꞌ, quëhuanëꞌmëtëꞌ, inapita aꞌmosahuaton, oro, naꞌpiraꞌhuaya paꞌton nininsoꞌ, inapita pëꞌpëpirinhuëꞌ,

Apocalipsis 21:10

Itohuachincora, huaꞌnarëso pochin niantarahuë. Ispirito Santo nohuanton, panca motopiꞌpaꞌ quëparinco. Inaquë noya ninanoꞌ aꞌnotërinco. Nasha Quirosarin itopisoꞌ. Ina ninanosoꞌ Yosë yaꞌhuërin quëran chachin oꞌmararin.

Apocalipsis 4:2

Aꞌnanaya Ispirito Santo nohuanton, huaꞌnarëso pochin Yosë yaꞌhuërinsoꞌ quënanahuë. Huaꞌanëntacasoꞌ shiranënquë aꞌnaraꞌ huënsëárin, niꞌnahuë.