Apocalipsis 16:4 - Chayahuita (Shahui)

⁴ Ina piquëran aꞌna anquënintaꞌ paꞌnin. Minëquë yaꞌhuërinsoꞌ iroꞌsaquë tëꞌyaitohuachina, inapitantaꞌ huënaiꞌ taranarin. Tëquëin, iꞌsharoꞌsaꞌ, inapita napoapi.

Apocalipsis 16:4 ပူးပေါင်းရင်းမြစ်များ

Éxodo 8:5

Napotërinso chachin Moisësësoꞌ paaton copirno nontoonin. Nontopirinhuëꞌ, co yanatëtërinhuëꞌ. Napoaton Yosëri camairin: “Aaron shaꞌhuitëquë huaranën iiroꞌsaquë ihuëꞌin. Iꞌshanaroꞌsaꞌ, sonoroꞌsaquë, inaquëpita huarira pipicaso marëꞌ ihuëꞌin. Ina quëranpita pipitona yaꞌipi Iquipito parti yanquërapi,” itërin.

Oseas 13:15

Israiroꞌsa noya yaꞌhuëantapirinahuë tërantaꞌ, cari chachin ataꞌhuantaantapo. Piꞌi pipirinso parti quëran ihuan huëcaton huinanoꞌsa ayanipon. Nitapacaiso marëꞌ paꞌton nininsopita tapapisoꞌ, inimiconënapitari matapon.

Apocalipsis 11:6

Iráca pënëntonaꞌpiroꞌsaꞌ nani maꞌsha nipi piyapiꞌsaꞌ ayonquicaiso marëꞌ. Inapochachin catoyaꞌpi Yosëri aꞌparinsoꞌ, nani maꞌsha nanitapaapi. Yosë nontahuachinaꞌ, co oꞌnanaponhuëꞌ. Inapotatonaꞌ, pënëntáponaꞌ. Tëquëiontaꞌ nontahuachinaꞌ, huënaiꞌ taranapon. Ina quëran Yosë nohuanton, nisha nisha canioroꞌsaꞌ acorapi Yosë yonquicaiso marëꞌ.

Apocalipsis 14:7

—Yosë tëꞌhuatatomaꞌ, natëcoꞌ. Anaꞌintacasoꞌ tahuëri nani naniriarin niꞌton, inasáchin imacoꞌ. Yaꞌipi isoroꞌpaꞌ, inápaquë yaꞌhuërinsoꞌ, marë, iiroꞌsaꞌ, yaꞌipiya ninin niꞌton, chinotocoꞌ, itarin anquëniri chiníquën nontaton.

Apocalipsis 16:5

Napohuachina, anquëni iiꞌ aꞌpairinsoari Yosë nontaton tapon: “Noꞌtëquën Sinioro anaꞌintaran. Iráca quëra huarëꞌ yaꞌhuaton, ipora huantaꞌ nanpiaran. Noyasáchin ninan.