Apocalipsis 16:21 - Chayahuita (Shahui)

²¹ Inápa quëran ocaiꞌ anotapon. Panca masho niꞌton, quëquën. Catapini shonca quiro pochin quëꞌninsoꞌ. Naꞌa anotohuachin, piyapiꞌsaꞌ chiníquën parisitapi. Napoaton Yosë chiníquën noꞌhuitonaꞌ, pinosapi huachi.

Apocalipsis 16:21 ပူးပေါင်းရင်းမြစ်များ

Copo naporinso' 38:22

Ocaiꞌ, ocai tachitërinsoꞌ, inapitaso taparahuëquë yaꞌhuëárin. Inapita taparahuëquë: ¡Co onporonta quëmasoꞌ niꞌconanhuëꞌ!

Copo naporinso' 38:23

Quira nicatona piyapiꞌsa niaparisitopi. Napohuachinara, ca nohuanton ocai anotohuachina, copi topi.

Éxodo 9:18

tashiraya ipora pochin, panca ocai aꞌpataranquën. Iráca quëran huarëꞌ co ina pochin iquipitoroꞌsa niꞌchinpihuëꞌ.

Éxodo 9:22

Naquëranchin Yosëri, Moisësë camayantarin. —Yaꞌipi Iquipito parti ocai anotacaso marëꞌ tanpaquën inápaquë ihuëquëꞌ. Piyapiroꞌsaꞌ, pëꞌtahuaroꞌsaꞌ, nararoꞌsaꞌ, yaꞌipi inapita paquitacaso marëꞌ inapoquëꞌ.

Isaías 8:21

Inapoatona piyapiroꞌsa patë patë́rantaponaꞌ. Aparisitaponaꞌ, tana anatanaponaꞌ, napotaponaꞌ. Tana natanápachinaꞌ, noꞌhuitaponaꞌ. Noꞌhuitatonaꞌ, copirnonënaꞌ, yosënënaꞌ, inapita ama huachi noya yaꞌhuëcaiso marëhuëꞌ, shaꞌhuitaponaꞌ. Inápaquë nëꞌpëtahuatonaꞌ, catahuacaiso yonisapi.

Josué 10:11

Piti-oron ninano yaꞌcariꞌ, aꞌna nicotoana yaꞌhuërin. Inataquëchin aꞌnaquën amororoꞌsasoꞌ, israiroꞌsa tëꞌhuatatona paꞌmapi. Ina paꞌtomasoi, Siniorori chachin inápa quëran notohuaroꞌ panca naꞌpiroꞌsa aꞌpatiimarin. Ocai pochin aꞌpatiimarin. Ina naꞌpiroꞌsari notohuaroꞌ tiquirin. Israiroꞌsari sahuëniquë tëpapi quëran naꞌcon naꞌcon tiquirin.

Apocalipsis 11:19

Ina quëran huaꞌnarëso pochin nicasoco, Yosë pëinën inápaquë yaꞌhuërinsoꞌ niꞌsoatërin niꞌnahuë. Iráca chinotopiso pëi acohuana Yosë caposonën yaꞌhuërin. Ina pochin nininsoꞌ inápaquë niꞌnahuë. Nicasoco, oꞌcoritërin, tënëntërin, huiratërin, ocohua paꞌnin, ocaiꞌ anotërin, naporin. Yosë chiníquën nanantërin niꞌton, naporin.

Apocalipsis 16:11

Yosësoꞌ chini chiníquën nanantopirinhuëꞌ, piyapiꞌsari taꞌtaráchin nicatonaꞌ, noꞌhuipi. “Paꞌpi co noyahuëꞌ niꞌton, aparisitarinpoaꞌ,” topi pinotonaꞌ. Co naporo tërantaꞌ oshanënaꞌ yaaꞌpoapihuëꞌ.

Apocalipsis 16:9

Panca huëyaponaraihuë, co nirotapihuëꞌ. Yosë noꞌhuitonaꞌ, pinosapi: “Sopai pochin cancantaton, aparisitarinpoaꞌ niꞌsora,” tosapi. Parisitaponaraihuëꞌ, co nohuantapihuëꞌ oshanënaꞌ aꞌpocaisoꞌ. Co Yosë yayonquiapihuëꞌ.

Apocalipsis 8:7

Yaꞌnan pihuirinsoꞌ irinpachina, Yosë nohuanton, ocaiꞌ, pën, inapita inápa quëran anotarin. Huënairë chachin anotarin. Pancana huiquitarin. Patoma pochin huiquitarin. [Cacharonquë un tercero, topisoꞌ.] Nararoꞌsaꞌ, panpatëroꞌ inapitanta napochachin huiquitarin.