Apocalipsis 16:16 - Chayahuita (Shahui)

¹⁶ Anaꞌintacasoꞌ tahuëri yaꞌcaritohuachin, naꞌa copirnoroꞌsaꞌ ayontonapi quira nicacaiso marëꞌ. Armaquitono itopiquë niyontonapi. Cotio nananquë napopisoꞌ.

Apocalipsis 16:16 ပူးပေါင်းရင်းမြစ်များ

Juan 19:13

Ina natanahuaton, “Coꞌchi nanitërahuëꞌ Quisoso ocoicaꞌhuaso paya,” taꞌton, aipiran quëpantarin. Quëpantarahuaton, anaꞌintacasoꞌ shiranënquë huënsërin. “Shancori iꞌiratëꞌ,” itopiquë yaꞌhuërin. Cotio nananquësoꞌ, Capata, itopi.

Juan 19:17

Corosë apitëntohuachinara, inaora quëparin. Paꞌsahuatonaꞌ, “Nansë Motoꞌ,” panën itopiquë canconpi. Cotio nananquësoꞌ, Corocota itopi.

Juan 5:2

Inaquë iꞌsha yaꞌhuërin, anpomiachin. Cotio nananquë Pitista itopi. Ninano yaꞌcoana pirayan yaꞌhuërin, ohuicaroꞌsaꞌ yaꞌcoananën itopiquë. Iꞌsha pirayan aꞌnatërápo imënamë pochin nininsoꞌ yaꞌhuërin.

Hechos 26:14

Yaꞌipicoi noꞌpaquë anotasocoi, Quisoso nontërinco. Cotio nananquë nontërinco, natanahuë. ‘Saono, Saono, ¿onpoatontaꞌ aparisitaranco? Niꞌquëꞌ. Cahuario yaaꞌpahuatëra, naraꞌhuaya inëshin nininquë ohuanëꞌ. Cahuariori noꞌhuitaton toꞌtahuachina, aquë aquëtëꞌ iquitërin. Inapochachin quëmantaꞌ noꞌhuiranco niꞌton, aquë aquëtëꞌ co noyahuëꞌ cancantaran,’ itërinco.

Apocalipsis 17:14

Inapitasoꞌ Carniroaꞌhua yaminsëatonaꞌ, quira nisapirinahuëꞌ, co nanitapihuëꞌ minsëcaisoꞌ. Inari minsëapon. Inasoꞌ Quisocristo chachin. Chini chiníquën nanantarin niꞌton, yaꞌipiya huaꞌanëntarin. Inasáchin natëcasoꞌ yaꞌhuërin. Piyapinënpitari imasapi. Yosëri huayonin niꞌton, natëmiatapi,” itërinco anquëni.

Apocalipsis 9:11

Huaꞌanën yaꞌhuëtërin antaꞌ. Inari camairinsoꞌ, sopairoꞌsaꞌ oncorapirinsoꞌ parti quëran huëꞌnin. Cotio nananquë Apatono itopisoꞌ. Crico nananquë Aporiono itopi. Tiquitonaꞌpi tapon naporin.

Jueces 4:7

Ca nohuanto Sisara huëcapayarinquën. Inasoꞌ, Capin copirno sontaronënpita camairinsoꞌ. Quison iꞌsha itopiquë huëcapayarinquën. Toronanënpita, sontaronënpita inapitarë chachin huëꞌsapi. Huëcapaipirinënquënhuëꞌ, carinquën catahuaranquën inapita minsëamasoꞌ,” tënin, itërin.

Jueces 5:19

Naporoꞌ copirnoroꞌsaꞌ, Tanaco ninanoquë huëꞌpi. Miquito iꞌsharoꞌsa pirayan paꞌmapi. Canaan copirnoroꞌsa ahuëtai marëꞌ huëꞌpirinahuëꞌ, co prata mapihuëꞌ. Co manta paꞌton nininsoꞌ mapihuëꞌ.