Apocalipsis 16:15 - Chayahuita (Shahui)

¹⁵ Nani Quisoso shaꞌhuitërinpoaꞌ: “Niꞌcoꞌ, iyaroꞌsaꞌ. Aꞌnanaya oꞌmantararahuë. Ihuatë pochin nicato, co nitotasënquëmahuëꞌ, oꞌmantararahuë niꞌton, nani tahuëri ninaco. Noya ninahuatamaco, noya cancantaramaꞌ. Yosë noya niꞌsarinquëmaꞌ. Noyápiachin aꞌmorëso pochin noyasáchin nicoꞌ. Ina quëran oꞌmantahuato, co tapanapomahuëꞌ. Noya cancantaramaꞌ,” itërinpoaꞌ.

Apocalipsis 16:15 ပူးပေါင်းရင်းမြစ်များ

Éxodo 32:25

Moisësëri niꞌpirinhuëꞌ, israiroꞌsaso noꞌpitonaꞌ, aꞌnaratipita paꞌpi co noyahuëꞌ nisapi. Aaroni atëhuërin niꞌton, inimiconënpitari tëhuayatochináchin nisapi.

Oseas 2:3

Coꞌsoꞌ natëtohuachinhuëꞌ, sanapi noyá iꞌnanpiratahuatona patopiso pochin canpita noꞌpanëma nitarahuë. Yaꞌnan acoapo yaꞌhuërinso pochin acoarahuë. Noꞌpaꞌ yaniro nipachina, sharoꞌsa iꞌsha pahuanin quëran taquipiso pochin nitarahuë.

Habacuc 2:15

Canpitaso canatëramaso noꞌparoꞌsaquë, piyapiroꞌsa noniatë pochin huino naꞌcon naꞌcon oꞌshitatomaꞌ, tëpaitëramaꞌ. Inapotahuatoma taparonëna nitëramaꞌ. Naporamaso marëꞌ carinquëma anaꞌintaranquëma niꞌton, ¡maꞌhuantacha nisarama paya!

Mateo 25:13

Napoaton canpitantaꞌ noya yonquiatomaꞌ, oꞌmantaꞌhuasoꞌ tahuëri ninacoꞌ. Onporosoꞌ nanipon nimara, co nitotëramahuëꞌ. Niꞌcona patontatënquëmaꞌ,” itërin.

Mateo 26:41

Ama huëꞌëtomahuëꞌ, niꞌtácoꞌ. Yosë nontocoꞌ ama sopai minsëinquëmaso marëhuëꞌ. Cancanëma quëranso mini Yosë yanatëpiramahuëꞌ, co canpitaora chiníquën cancantaramahuëꞌ, itërin.

Marcos 14:38

Ama huëꞌëtomahuëꞌ, niꞌtácoꞌ. Yosë nontácoꞌ ama sopai minsëinquëmaso marëhuëꞌ. Cancanëma quëran Yosë yanatëpiramahuëꞌ, co canpitaora chiníquën cancantëramahuëꞌ, itërin.

Lucas 21:36

Napoaton noya cancantatomaꞌ, Yosë nontocoꞌ achinicancainquëmaꞌ chaꞌëcamaso marëꞌ. Yosë quëran caso quëmapico niꞌto, co imapisopitahuëꞌ anaꞌintarahuë. Apira apira Yosë nontohuatamaꞌ, naporoꞌ tahuëri co tapanatomahuëꞌ, noya huaniparamaco,” tënin Quisoso.

Hechos 20:31

Napoaton iyaroꞌsaꞌ, niꞌcona nonpintochinënquëmaꞌ. Cara piꞌipi catahuaranquëmaꞌ. Tahuërirë chachin, tashirë chachin pënënanquëmaꞌ. Naꞌcon nosororanquëmaꞌ niꞌton, naꞌnëto, aꞌnaya aꞌnayanquëmaꞌ pënënanquëmaꞌ. Ina yonquiatomaꞌ, nipënëncoꞌ, nicatahuacoꞌ.

2 Corintios 5:3

Chiminpatëhuaꞌ, co huaꞌyanënpoarachin inápaquë yaꞌhuëmiatarinhuëꞌ. Nasha nonënpoaꞌ quëtarinpoaꞌ.

1 Tesalonicenses 5:4

Canpitaso nipirinhuëꞌ, co tashi pochin cancantëramahuëꞌ. Oꞌmantacasoꞌ tahuëri nanihuachin, co paꞌyanaramahuëꞌ. Ihuatonaꞌpi aꞌnanaya huëꞌpachina, apaꞌyaninpoꞌ. Inapochachin Quisocristosoꞌ aꞌnanaya oꞌmahuachin, naꞌa piyapiꞌsaꞌ paꞌyanaponaꞌ. Canpitaso nipirinhuëꞌ ina tahuëri ninaaramaꞌ. Nanihuachin, co paꞌyanaramahuëꞌ.

1 Tesalonicenses 5:6

Napoaton oꞌmantacasoꞌ tahuëri yonquiatëhuaꞌ, noya ninahuaꞌ. Aꞌnaquënsoꞌ huëꞌërëso pochin cancantatonaꞌ, co ina tahuëri yonquipihuëꞌ. Canpoaso nipirinhuëꞌ noꞌtëquën yonquiatëhuaꞌ, sano cancantahuaꞌ.

1 Pedro 4:7

Ayaroꞌ tahuëri nani yaꞌcariarinpoaꞌ. Napoaton ama nisha nisha yonquicosohuëꞌ. Noya yonquiatomaꞌ, Yosë nontácoꞌ.

2 Pedro 3:10

Napoaponahuëꞌ, tahuërinën nanihuachin, Sinioro oꞌmantararin. Niꞌcoꞌ. Tashiꞌ co yonquiasëhuëꞌ, ihuatëꞌ huëꞌnin. Inapochachin aꞌnanaya ayaroꞌ tahuëri naniarin huachi. Naporoꞌ tahuëri piꞌiroꞌtëꞌ huëntoncaarin. Chiníquën huëntoncahuachin, taꞌhuantarin. Piꞌi, tayora, inapita huë́ya niꞌton, soquiarin huachi. Isoroꞌpaꞌ, yaꞌipi yaꞌhuërinsopita, inapita huiquitapi.

Apocalipsis 22:7

Quisoso chachintaꞌ naporin: “¡Tëhuënchachin co huaꞌquiya quëranhuëꞌ oꞌmantararahuë! Nani maꞌsha anitotëranquën ninshitacamaso marëꞌ. Insoquëma tërantaꞌ natëhuatamaꞌ, noya cancantaramaꞌ,” itërinco.

Apocalipsis 3:11

Co huaꞌquiya quëranhuëꞌ oꞌmantararahuë. Ama naniantatomacohuëꞌ, imamiatoco. Niꞌcona sopai minsëchinquëmaꞌ. Ina minsëhuachinquëmaꞌ, co inápaquë canaaramahuëꞌ.

Apocalipsis 3:18

Napoaton pënënanquëmaꞌ. Chiníquën nontoco catahuainquëmaꞌ. Niꞌcoꞌ. Oro aꞌpëhuatëra, yaꞌipi nëꞌhuë inquirin. Orosachin quëparitërin, noyasáchin nininsoꞌ. Inapochachin canpitantaꞌ nontoco catahuainquëmaꞌ noya yonquicamaso marëꞌ. Naꞌcon pahuantarinquëmaꞌ Yosë pochin nicacamasoꞌ. Casáchin yonquico Yosë noya niꞌinquëmaꞌ. Yonquihuatamaco, huiríchin aꞌmorëso pochin noya nisaramaꞌ. Somaraya pochin cancantëramaꞌ niꞌton, co tëhuënchachin nohuitëramacohuëꞌ. Nimirioquë acorayatërëso pochin anoyacancanchinquëmaꞌ cancanëma quëran nohuitamacoso marëꞌ.