Apocalipsis 15:6 - Chayahuita (Shahui)

⁶ Canchisë anquëniroꞌsaꞌ ina quëran pipiapi. Huiríchin huiríchin aꞌmopi. Tëꞌtëtënquë oro pochin nininquë nitonpopi. Piyapiꞌsaꞌ oshahuanpi niꞌton, Yosëri aꞌpaarin nisha nisha aparisitacaiso marëꞌ.

Apocalipsis 15:6 ပူးပေါင်းရင်းမြစ်များ

Lucas 24:4

“¿Onporincha nicaya?” taꞌtonaꞌ, huaniápirinahuëꞌ, aꞌnanaya catoyaꞌpiri yaꞌnotimarin. Piyapi pochin niponahuëꞌ, aꞌmopisoꞌ huënaráchin huënaráchin yaꞌnopi.

Apocalipsis 1:13

Ina huancánachin quëmapi huaniarin, niꞌnahuë. Piyapi pochachin niponahuëꞌ, noya noya yaꞌnorin. Naporopi aꞌmosahuaton, oro pochin nininso quëran tëꞌtëtëntaquëchin nitonporin.

Apocalipsis 14:15

Naporoꞌ anquëni Yosë pëinën quëran huëꞌnin. Huëcaton, shaꞌhuitiarin: —Nani ora nanirin, maquë huachi. Trico noya cayahuachina, aꞌnaroáchin sahuëniquë manëꞌ. Inapochachin iporasoꞌ ora nanirin piyapiꞌsaꞌ macacaso marëꞌ, itërin.

Apocalipsis 14:17

Ina quëran aꞌna anquëni yaꞌhuërë Yosë yaꞌhuërin quëran pipiantarin. Inantaꞌ nisha sahuëni yaꞌhuëtërin, inëshin nininsoꞌ.

Apocalipsis 15:1

Ina quëran Yosë nohuanton, huaꞌnarëso pochin niantarahuë. Aꞌna tahuëri oshahuanoꞌsaꞌ chiníquën anaꞌintarin. Ina anitotincoso marëꞌ nani maꞌsha aꞌnotërinco. Paꞌpi huëhuëpiroꞌ niꞌnahuë. Canchisë anquëni yaꞌhuarin. Aꞌnaya aꞌnaya Yosëri yaaꞌparin piyapiꞌsaꞌ anaꞌintacaso marëꞌ. Ina nohuanton, isoroꞌpaquë nani maꞌsha onpocaisoꞌ yaꞌhuapon. Inapoaton, anaꞌintërinsoꞌ naniarin.

Apocalipsis 19:8

Huiríchin aꞌmorëso pochin Yosëri noyápiachin cancan quëtërin. Tëhuënchachin inari catahuarin noya nicacaiso marëꞌ,” tosapi.