Apocalipsis 14:19 - Chayahuita (Shahui)

¹⁹ Itohuachina, aꞌnaroáchin co imapisopitahuëꞌ manin anaꞌintacaso marëꞌ. Yosëri chiníquën noꞌhuiton, noꞌtëquën anaꞌintarin.

Apocalipsis 14:19 ပူးပေါင်းရင်းမြစ်များ

Isaías 63:2

—Opa toꞌpoihuatëra, aꞌmorëso quëhuanën quëran panshoatërinpoꞌ. ¿Onpoatonta aꞌmoranso ina pochin yaꞌnorin? itërahuë.

Joel 3:13

Canpita yonquirapitënquëma napoarahuë: Isopitasoꞌ, paꞌpi co noyahuëꞌ cancantopi. Ina marëꞌ ca Sinioroco chachin trico noyá cayahuachina yaquirëso pochin nitarahuë. Opanta cayahuachina, toꞌpoirahuatona huino nipiso pochin nitarahuë. Inapotahuato, yaꞌipi isopita ataꞌhuantarahuë, tosarahuë.

Apocalipsis 14:18

Aꞌna anquënintaꞌ Yosë chinotopi quëran huëꞌnin. Inari pën niꞌsarin ora nanihuachin, anaꞌintacaso marëꞌ. Huëcaton, shaꞌhuitërin: —Nani ora nanirin isoroꞌpaꞌ anaꞌintacaso marëꞌ. Opa cayahuachina, manëso pochachin aꞌnaroáchin maquëꞌ, itërin anquëniri.