Apocalipsis 13:6 - Chayahuita (Shahui)

⁶ Naꞌcon Yosë pinosarin. “Casoꞌ Yosëco,” toconapon. Yosë yaꞌhuërinsontaꞌ nocanarin. Inaquë yaꞌhuërinsopitantaꞌ pinosarin.

Apocalipsis 13:6 ပူးပေါင်းရင်းမြစ်များ

Copo naporinso' 3:1

Canchisë tahuëri nani naꞌhuëhuachina, Coposoꞌ parisitápaton huaꞌhuatërinso tahuëri yonquirin. Ina yonquiaton ina tahuëri noꞌhuirin. Napoaton chiníquën tapon:

Salmos 73:9

Inápaquë huaꞌanëntërinsontaꞌ, pinopi. Isoroꞌpaquë yaꞌhuëpisopitantaꞌ, chinotopi.

Daniel 7:25

Yosëso chini chiníquën nanantopirinhuëꞌ, noꞌhuipon. Yosë piyapinënpitantaꞌ, shitiquiapon. Yosë pënëntërinsopita anishatacaso camaitapon. Yosë chinotatona niyontonacaiso tahuëriꞌsantaꞌ, inapotapon. Yosë piyapinënpita quëran huarëꞌ, cara piꞌipi miria nohuantërinsoꞌ nitapon.

Daniel 7:8

Ina maꞌsha pomonënpita nicasoco chachin, inapita huáncana quëran aꞌnara pomonaꞌhuain pipitaantarin. Ina pichopitacaso marëꞌ cara pomonënpita opashotopi. Inaso pomonaꞌhuaya, piyapi pochin yaꞌpirahuanin. Nonpachinantaꞌ, paꞌpi nocantërin niꞌnahuë.

Mateo 12:34

Canpitaso nipirinhuëꞌ, yaꞌhuan pochin cancantatomaꞌ yanonpinamaꞌ. Co noyahuëꞌ yonquiatomaꞌ, co nanitëramahuëꞌ noya nonacamasoꞌ. Onpopinsona cancantëramasoꞌ, nonama quëran piyapiꞌsa anitotaramaꞌ.

Mateo 15:19

Co noyahuëꞌ yonquihuatamara, tëpatëramaꞌ, nitëhuananpitëramaꞌ, monshihuanacasoáchin yonquiramaꞌ, ihuatëramaꞌ, nonpintëramaꞌ, pinotëramaꞌ.

Juan 1:14

Quisocristo isoroꞌpaquë nasitimarin. Yosë niponahuëꞌ, piyapi chachin nasitërin. Canpoarë chachin yaꞌhuërin. Quiyasoꞌ niꞌnai. Inasoꞌ nóya, tënai. Yosë pochachin ninin. Inaíchin huiꞌnin inasoꞌ. Inaora nohuanton nosororinpoaꞌ. Noꞌtëquën nontërinpoaꞌ.

Romanos 3:13

Chimipi paꞌpitopisoꞌ iꞌsoatopinan pochin napoonin nonpi. Nonpintatonaꞌ, yaꞌhuan tomain yanquëëtërinso pochin naꞌa piyapiꞌsaꞌ aparisitopi.

Colosenses 1:19

Quisocristosoꞌ Yosë huiꞌnin niꞌton, Yosë chachin antaꞌ. Co piꞌpisha tërantaꞌ pahuantërinhuëꞌ paꞌpin pochin nicacasoꞌ. Tata Yosë nohuanton, naporin.

Colosenses 2:9

Quisocristoíchin natëcasoꞌ yaꞌhuërin. Piyapi chachin niponahuëꞌ, Yosë chachin ninin antaꞌ. Co mantaꞌ pahuantërinhuëꞌ Yosë pochin nicacasoꞌ.

Hebreos 9:2

Nëꞌmëtëꞌ, shaꞌhuëtëꞌ, inapita quëran nipi. Catoꞌ patoana yaꞌhuërin. Yaꞌnatimarinsosoꞌ, noya patoana itopi. Inaquë panca nanparin pochin nininsoꞌ yaꞌhuërin. Misantaꞌ yaꞌhuërin. Inaquë pan acorin, Yosë marëꞌ acopisoꞌ.

Hebreos 9:24

Iráca chinotopiso pëiꞌ, piyapiꞌsari ninin. Quisocristosoꞌ, co inaquë yaꞌconinhuëꞌ. Yosë yaꞌhuërinquë chachin pantarahuaton, canpoa marëꞌ Yosë nontárin. “Oshanënaꞌ inquitaꞌhuaso marëꞌ nani chiminahuë,” taꞌton, nontárin.

Apocalipsis 11:12

Naporoꞌ inápa quëran nontërinsoꞌ natanapi. —¡Isëquë huëntaco huachi! itarin. Napotohuachina, inimiconënpitari nicasoiꞌ, catoyaꞌpisoꞌ inápaquë paantapi. Chitororë chachin paantapi.

Apocalipsis 12:12

Napoaton inápaquë yaꞌhuëpisopita noya cancanchinaꞌ. Yaꞌipiroꞌpaquë, marëquë, inaquëpita yaꞌhuëpisopitaso nipirinhuëꞌ, parisitapi. ¡Maꞌhuantacha nisapi paya! Sopai paꞌsárin minsëcaso marëꞌ. ‘Co huaꞌquiya quëranhuëꞌ Yosë anaꞌintarinco,’ taꞌton, chiníquën noꞌhuitërin. Noꞌhuitaton, piyapiꞌsaꞌ yaminsërin.”

Apocalipsis 15:5

Ina quëran Yosë chinotopiso pëiꞌ inápaquë yaꞌhuërinsoꞌ niꞌsoatërin, niꞌnahuë. Acoana Yosë caposonën yaꞌhuërinquë chachin quënanahuë.

Apocalipsis 18:20

Yaꞌipi inápaquë yaꞌhuëramasopitaso nipirinhuëꞌ, ama ina marëꞌ sëtocosohuëꞌ. Imaramaꞌ niꞌton, noya cancantocoꞌ. Aparisitopirinënquëmahuëꞌ, nani Yosëri anaꞌintërin huachi. Ina marëꞌ Quisoso caꞌtaninsopita, pënëntonaꞌpiroꞌsaꞌ, inapitantaꞌ noya cancanchinaꞌ.

Apocalipsis 21:3

Inápa quëran chiníquën noninsoꞌ natanahuë. —Iporaso huachi, Yosë piyapinënpitarë chachin yaꞌhuërarin. Co onporontaꞌ patarinhuëꞌ. Inapitarëꞌ yaꞌhuëmiatarin.

Apocalipsis 4:1

Ina quëran inápaquë nëꞌpërahuato, quënanahuë. Yosë yaꞌhuërinquë chachin yaꞌcoana niꞌsoatërin, niꞌnahuë. Naporahuaton, inápa quëran yaꞌnan nontërincosoꞌ nontaantarinco. Tronpita pihuipiso pochin natanahuë. —Isëquë huëntaquëꞌ. Nani maꞌsha aꞌnochinquën. Aꞌna tahuëri maꞌsha onpocasoꞌ ninoto, anitotaranquën, itërinco.

Apocalipsis 4:4

Inaquë cato shonca catapini ansianoꞌsaꞌ huaꞌanëntacasoꞌ shiraroꞌsaquë tahuishin miáchin huënsëapi. Huirichinachin aꞌmopi. Yancotëꞌ oro quëran nininsoꞌ yancopi.

Apocalipsis 5:13

Ina quëran yaꞌipi Yosëri nininsopita napopianachin chinotapi, natanahuë. Inápaquë yaꞌhuërinsopita, isoroꞌpaquë yaꞌhuërinsopita, chiminpisopita, marëquë yaꞌhuërinsopita, yaꞌipiya Yosë chinotapi. “Ma noyacha Tata Yosëso paya. Huaꞌanëntarinpoaꞌ niꞌton, ‘Yosparinquën’ itahuaꞌ. Inasáchin natëahuaꞌ. Noya noya niꞌton, chinotahuaꞌ. Yaꞌipiya nanitaparin. Carniroaꞌhuantaꞌ inapochachin chinotahuaꞌ. Ipora quëra huarëꞌ ina natëahuaꞌ,” tosapi.

Apocalipsis 7:15

Napoaton Yosë yaꞌhuërinquë huëntapi. Tahuërirë chachin tashirë chachin ina chinotapi. Yosëri ichiyaꞌhuëaton, niꞌsarin.

Apocalipsis 7:9

Ina quëran huaꞌnarëso pochin niantarahuë. Huaꞌhuayatërahuëꞌ piyapiꞌsaꞌ Yosëꞌpaꞌ quënanahuë. Co pichicasohuëꞌ. Nisha nisha piyapiꞌsaꞌ Yosë huaꞌanëntacasoꞌ shiranën notënanquë huaniapi, nisha nisha nananquë nonpisopita. Nisha nisha parti quëran huëcatonaꞌ, Carniroaꞌhua yamotatonaꞌ, notërapi. Inapitasoꞌ huiríchin aꞌmopi. Mërëmë pochin nininsoꞌ sëꞌquërahuatonaꞌ, Yosë chinotapi.