Apocalipsis 13:4 - Chayahuita (Shahui)

⁴ Panca yaꞌhuan chinotatonaꞌ, acorinsontaꞌ chinotapi. Notohuaroꞌ piyapiꞌsaꞌ ina yonquiatonaꞌ, natëapi: “Ma noyacha inaso paya. Chini chiníquën nanantarin. ¿Incaritaꞌ nanitërin ina minsëcasoꞌ?” tosapi.

Apocalipsis 13:4 ပူးပေါင်းရင်းမြစ်များ

Éxodo 15:11

Co insonta Sinioro quëma pochin nininhuëꞌ. Quëmasáchin noya noyanquën. Chini chiníquën nanantëran. Anaꞌintacaso marëꞌ paꞌpi huëhuëpiro nininsopita maꞌsha aꞌnoran. Napoaton yaꞌipiya quëran chinochinën.

Isaías 46:5

¡Co inso tëranta ca pochin aꞌna yaꞌhuërinhuëꞌ! ¡Co aꞌna ca pochin nininso yaꞌhuërinhuëꞌ!

2 Corintios 4:4

Sopai nohuanton, co nanitopihuëꞌ noꞌtëquën yonquicaisoꞌ. Maꞌsha aꞌpintërëso pochin nanamën quëran Yosë anitotërinpoaꞌ Quisocristo nohuitacaso marëꞌ. Inasoꞌ Yosë chachin ninin. Inapitaso nipirinhuëꞌ somaraya pochin cancantatonaꞌ, co nanitopihuëꞌ natëtacaisoꞌ.

Deuteronomio 9:2

Inaquë yaꞌhuëpisopitasoꞌ, panca piyapiroꞌsa nipi. Panca piyapi Anaco itopisoꞌ shinpita pochin niconpi. Canpitaso napopisoꞌ nani natantëramaꞌ: ‘Panca piyapi Anaco shinpitasoꞌ, co insoari tëranta minsëarinhuëꞌ,’ topi.

2 Tesalonicenses 2:4

Inasoꞌ Yosë inimicotërin. “Ama Yosë chinotocosohuëꞌ. Ama mantaꞌ moshacosohuëꞌ. Casáchin natëco. Yosë yaꞌhuërëtarahuë,” tosarin. Yosë chinotopiso pëiquë chachin huënsëapon piyapiꞌsari chinotacaiso marëꞌ. Paꞌpi co noyahuëꞌ nisarin. Chiníquën nanantaton, yaꞌipi piyapiꞌsaꞌ yacamaiapon.

Apocalipsis 12:3

Ina quëran aꞌna maꞌsha inápaquë yaꞌnorin, niantarahuë. Panca yaꞌhuan pochin niponahuëꞌ, ina quëran panca panca ninin. Quëhuashin nisahuaton, canchisë motën yaꞌhuëtërin, shonca pomohuanin. Aꞌnaya aꞌnaya motënquë huaꞌan pochin yancotë yancorin.

Apocalipsis 12:4

Huinamën quëran inápaquë huihuicontahuachina, tayoraroꞌsaꞌ aꞌtëntontarahuaton, isoroꞌpaquë tëꞌyatimarin. Patoma pochin tëꞌyatimarin. Ina quëran huaꞌnarëso pochin quënantarahuë. Panca yaꞌhuan pochin nininsoꞌ paꞌnin. Sanapi notënanquë huaniarin. “Huaihuachin, huaꞌhuin matahuato, caꞌsarahuë,” taꞌton, ninararin.

Apocalipsis 13:11

Ina quëran huaꞌnarëso pochin niantarahuë. Aꞌna maꞌshantaꞌ noꞌpa quëran pipiarinsoꞌ niꞌnahuë. Carniroaꞌhua pochin catoꞌ pomonaꞌhuaya yaꞌhuëtërin. Noya yaꞌnoaponahuëꞌ, panca yaꞌhuan pochin chiníquën nonsarin.

Apocalipsis 13:15

Ina quëran aquëtë chachin piyapiꞌsaꞌ nonpintarin. Ina nohuanton, mamanshi nanpirinso pochin yaꞌnoarin. Noninso pochin natanapi. “Insosona co moshahuachincohuëꞌ tëpacoꞌ,” tosarin.

Apocalipsis 13:2

Yarani pochin niponahuëꞌ, tocani pochin nantëtërin. Nanamënsoꞌ paꞌpini pochin nanantërin. Panca yaꞌhuani chachin chiníquën nanan quëtapon niꞌton, chiníquën nanantaton, copirno yaꞌconapon.

Apocalipsis 17:14

Inapitasoꞌ Carniroaꞌhua yaminsëatonaꞌ, quira nisapirinahuëꞌ, co nanitapihuëꞌ minsëcaisoꞌ. Inari minsëapon. Inasoꞌ Quisocristo chachin. Chini chiníquën nanantarin niꞌton, yaꞌipiya huaꞌanëntarin. Inasáchin natëcasoꞌ yaꞌhuërin. Piyapinënpitari imasapi. Yosëri huayonin niꞌton, natëmiatapi,” itërinco anquëni.

Apocalipsis 18:18

Pëiroꞌsaꞌ huiquitohuachinaꞌ, panca conaitarinsoꞌ quënanapi. Quënanpachinaꞌ, paꞌyanapi. “Co onporontaꞌ aꞌna ninanoꞌ iso pochin niꞌchinëhuahuëꞌ. Ma notohuaroꞌ maꞌshanënpita yaꞌhuëtopirinahuëꞌ, taꞌhuantopi,” tosapi.

Apocalipsis 9:20

Naꞌa piyapiꞌsaꞌ chiminpirinahuëꞌ, co naporo tërantaꞌ aꞌnapitasoꞌ yonquiapihuëꞌ. Niꞌsaponaraihuëꞌ, inachachin co noyahuëꞌ cancantapi. Aquëtë chachin sopairoꞌsaꞌ chinotapi. Nisha nisha mamanshi moshapi. Oro quëran, prata quëran, huaꞌna quëran, naꞌpi quëran, nara quëran, ina quëranpita nipisoꞌ. Co inapitasoꞌ quënantopihuëꞌ, co natantopihuëꞌ, co iratopihuëꞌ. Co nanpipirinahuëꞌ, mosharapi.

1 Samuel 17:24

Ina nicatona Israiro sontaroꞌsasoꞌ paꞌpi tëꞌhuatopi. Tëꞌhuatatona pinëna quëran paꞌsa paꞌsapi. Napoatona ninapotapi: “¡Niꞌcoꞌ! ¡Ina sontaro chachin pipiantarin! ¡Anoꞌhuitiinpoaso marëꞌ napoárin! Napoápirinhuëꞌ, insoari tëranta ina canahuachin, copirnori notohuaroꞌ maꞌsha paꞌton nininsoꞌ quëtapon. Ina quëtahuaton aꞌnara huiꞌnin nanon yaꞌhuëtërinsoꞌ, acoantapon. Naporahuaton ina quëmopinënpitasoꞌ, co huachi copirno marëꞌ pahuërëtáponahuëꞌ,” tosapi.