Apocalipsis 12:5 - Chayahuita (Shahui)

⁵ Ninasoꞌ, huairin. Quëmapiaꞌhuaya huairin. Inasoꞌ chini chiníquën nanantaton, aꞌna tahuëri yaꞌipi piyapiꞌsaꞌ huaꞌanëntapon. Noꞌtëquën anaꞌintapon niꞌton, yaꞌhuani yatëparin. Ina marëꞌ ninarápirinhuëꞌ. Nani nasitohuachina, Yosëri nichaꞌërin. Yaꞌhuërinquë chachin quëpantarin ichihuaꞌanëntacaso marëꞌ.

Apocalipsis 12:5 ပူးပေါင်းရင်းမြစ်များ

Isaías 7:14

Sinioro chachin napoahuarëꞌ maꞌsona aꞌnotarinquëma nitotamaso marëꞌ: Niꞌquëꞌ. Ca nohuanton nanon cayoapon. Inapoaton quëmapiaꞌhuaya huaipon. Inasoꞌ huaꞌhuin nohuitaton, Imanino itapon.

Jeremías 31:22

Huiꞌnama nimintatohuachin, patë patë́rantapon. Canpitanta israiroꞌsanquëma inaporapiramahuëꞌ, ¡copi toco huachi! Ca Sinioroco nasha nininsoꞌ isoroꞌpaquë acoarahuë. Naporahuësoꞌ natanpatamaꞌ, co natëtochináchinhuëꞌ cancantaramaꞌ,’ itërahuë,” tënin.

Miqueas 5:3

Napoaton ipora tananpitopirinpoahuëꞌ, co huaꞌqui napotarinpoahuëꞌ. Sanapi cayorin quëran huaꞌhuin nasitaquë huarëꞌ parisirinso pochin canpoanta parisiarëhuaꞌ. Naporoꞌ quëparitërëhuasopitasoꞌ, inimicoroꞌsari quëparinsopitarëꞌquënpoa aꞌna huëntoíchin niantarihuaꞌ.

Mateo 1:25

Macaponahuëꞌ, co ichihuëꞌërinhuëꞌ. Huaꞌhuin nasitërin piquëran huarëꞌ ichihuëꞌërin. Quëmapiaꞌhuaya nasitohuachina, Quisoso itopi.

Marcos 16:19

Nani caꞌtanoꞌsanënpita nontohuachina, inápaquë Sinioro Quisoso panantarin. Yosëri quëpantarahuaton, inchinanën quëran ahuënsërin.

2 Corintios 12:2

Naporoꞌ inápaquë Yosë yaꞌhuërinquë chachin quëparinco. Nani shonca catapini piꞌipitarin quëparincosoꞌ. Huaꞌyanëhuëichin aꞌnaꞌ paꞌmara. Nonëhuëroꞌco chachin aꞌnaꞌ paꞌmaraco. Co casoꞌ nitotërahuëꞌ. Yosëíchin nitotërin.

2 Corintios 12:4

Yosëꞌpaꞌ yaꞌhuasoco, naꞌcon natanpirahuëꞌ, co nanitërahuëꞌ shaꞌhuicaꞌhuasoꞌ. Co Yosë nohuantërinhuëꞌ.

Apocalipsis 11:12

Naporoꞌ inápa quëran nontërinsoꞌ natanapi. —¡Isëquë huëntaco huachi! itarin. Napotohuachina, inimiconënpitari nicasoiꞌ, catoyaꞌpisoꞌ inápaquë paantapi. Chitororë chachin paantapi.

Apocalipsis 12:13

Ina quëran Yosë nohuanton, huaꞌnarëso pochin niantarahuë. Yaꞌhuan pochin nininsoꞌ nani isoroꞌpaquë tëꞌyatopi. Tëꞌyatohuachina, sanapi huairinsoꞌ aparisitapirinhuëꞌ,

Apocalipsis 12:2

Inasoꞌ cayoron. Nani yahuaiarin niꞌton, chiníquën iquitaton, parisitárin.

Apocalipsis 19:15

Quëmapi quëchitërinsoꞌ nanamën quëran sahuëni pochin nininsoꞌ yaꞌhuëtërin. Chiníquën nanantaton, nanamën quëran chachin inimiconënpita minsëarin. Noninsoꞌ sahuëni pochin nicaton, topinan noncharapirinhuëꞌ, co noyahuëꞌ nipisopita minsëarin. Piyapiꞌsaꞌ noꞌtëquën anaꞌintarin. Yosëri noꞌhuirin niꞌton, oparoꞌsaꞌ toꞌpoirëso pochin oshahuanoꞌsaꞌ chiníquën anaꞌintarin.