Apocalipsis 12:15 - Chayahuita (Shahui)

¹⁵ Chiníquën noꞌhuiton, yaꞌhuani yamapirinhuëꞌ. Nanamën quëran panca iiꞌ pipirin. Tëquëin pochin pipirin sanapi quëpacaso marëꞌ.

Apocalipsis 12:15 ပူးပေါင်းရင်းမြစ်များ

Génesis 3:1

Sinioroso Yosë niꞌton, yaꞌipi tananquë maꞌsharoꞌsa yaꞌhuërinsopita acorin. Yaꞌhuanso nipirinhuëꞌ, aꞌnapita maꞌsharoꞌsa quëran yonqui yonquínahuan ninin. Sanapi yanonpintaton, paaparin nontacaso marëꞌ: —¿Tëhuënchachin taꞌma Yosë apiratërinquëma yaꞌipi isopita nararoꞌsa nitërinso capamaso to? itërin.

Salmos 65:7

Marë panca coꞌsacaitohuachina, quëmari asanoiran. Nisha nisha nacionoꞌsanta noꞌhuitohuachinara, quëmariáchin asanoran.

2 Corintios 11:3

Aꞌnaquënso nipirinhuëꞌ yaanishacancantërinënquëmaꞌ. Iráca yaꞌhuani Ipa nonpintërinso pochin yanonpintërinënquëmaꞌ ama Quisocristoíchin yonquicamaso marëhuëꞌ.

Apocalipsis 12:16

Iiꞌ tëꞌyatopirinhuëꞌ, noꞌpaꞌ huëncharohuachina, yaꞌipiya yanquirin. Co chimiitërinhuëꞌ.

Apocalipsis 12:9

Inapotatonaꞌ, panca yaꞌhuan pochin nininsoꞌ inápa quëran tëꞌyatopi. Inasoꞌ sopai chachin, Satanasë itopisoꞌ. Yaꞌipi piyapiꞌsaꞌ yanonpintërin. Ina minsërahuatonaꞌ, anquëninënpitarë chachin isoroꞌpaquë tëꞌyatopi.

Apocalipsis 17:15

Ina quëran aꞌchintaantarinco. —Panca iroꞌsantaꞌ niꞌnan, ina aipi sanapi huënsërinsoꞌ. Inantaꞌ aꞌchinchinquën nitotëquëꞌ. Inapochachin aꞌna tahuëri nisha nisha piyapiꞌsaꞌ yaꞌhuaponaꞌ, nisha nisha nananquë nonpisopita. Huaꞌhuayatërahuëꞌ yaꞌhuaponaꞌ. Nisha nisha copirnori huaꞌanëntërinsopita.

Apocalipsis 20:2

Oꞌmarahuaton, panca yaꞌhuan pochin nininsoꞌ masarin. Sopai chachin inasoꞌ. Iráca quëran huarëꞌ piyapi nonpintërin, Satanasë itopisoꞌ. Ina masahuaton, catinaquë tonporin. Huaranca piꞌipintaꞌ nipirinhuëꞌ co niꞌquiritarinhuëꞌ.