Apocalipsis 12:10 - Chayahuita (Shahui)

¹⁰ Ina quëran inápaquë chiníquën noninsoꞌ natanahuë. “Tëhuënchachin sopai yaminsëpirinpoahuëꞌ, Yosë nichaꞌërinpoaꞌ. Quisocristorë chachin huaꞌanëntarinpoaꞌ. Sopairi Yosë nontaton, naꞌcon shaꞌhuirapirinpoaꞌ. ‘Oshahuanpi,’ itëraꞌpiarinpoaꞌ. Tahuërirë chachin tashirë chachin shaꞌhuirapiápirinpoahuëꞌ, nani Yosëri minsërin.

Apocalipsis 12:10 ပူးပေါင်းရင်းမြစ်များ

Copo naporinso' 1:11

Napoaponahuëꞌ, inta yaꞌipi yaꞌhuëtërinso osërëtëriquëꞌ. Inapotohuatan, aꞌninquëchin noꞌhuiarinquën, itaantarin Satanasëri.

Copo naporinso' 1:9

—Co topinan natërinquënhuëꞌ. Nani maꞌsha nipachina quëmari catahuaran. Inapotëran niꞌton, notohuaroꞌ pëꞌtahua yaꞌhuëtërin. Inapoaton maꞌhuanin. Saꞌin, huiꞌninpita, maꞌshanënpita, inapitanta quëmari noya aꞌpairan niꞌton, natërinquën.

Copo naporinso' 2:5

Inta inaora chachin maꞌsha onpotëriquëꞌ. Inapotohuatansoꞌ, tëhuënchachin noꞌhuitënquën aꞌpoarinquën, itërin.

Salmos 22:28

Sinioro mini yaꞌipi nacionoꞌsa huaꞌanëntërin niꞌton, isonahuatona chinochinaꞌ. Yaꞌipi maꞌhuanoꞌsaꞌ, yaꞌipi nanpipisopita, inapitari chinochinaꞌ. Ina nohuanton nanpirapi niꞌton, inapochinaꞌ.

Daniel 2:44

Ina copirnoroꞌsa huaꞌanëntasoiꞌ, Yosë inápaquë yaꞌhuërinso huaꞌanëntarin. Ina huaꞌanëntërinsoꞌ, co onporonta taꞌhuantarinhuëꞌ. Co aꞌnapita nacionoꞌsari minsëarinhuëꞌ. Aꞌnapita huaꞌanëntopisoꞌ, yaꞌipi ataꞌhuantapon. Yaꞌhuërëꞌ ina huaꞌanëntërinsosoꞌ, yaꞌhuëmiatapon.

Mateo 26:64

—Ca mini inaco. Yosë quëran quëmapico niꞌto, aꞌna tahuëri niantaramaco. Inápaquë paꞌpato, Yosë inchinanën quëran ahuënsëarinco. Ina quëran chitoroꞌ huancana oꞌmantararahuë niantaramaco, itërin.

Mateo 28:18

Quisosori yaꞌcarirahuaton, itapon: —Tata Yosë nohuanton, chini chiníquën nanantërahuë. Inápaquë yaꞌhuërinsopita, isoroꞌpaquë yaꞌhuërinsopita, yaꞌipiya huaꞌanëntarahuë.

Mateo 6:10

Chini chiníquën nanantëran niꞌton, yaꞌipicoi natëiinquën. Inápaquë noꞌtëquën natërinënquënso pochachin catahuacoi quëma nohuantëransoráchin nii.

Lucas 11:2

—Inta nipachin aꞌchinchinquëmaꞌ. Yosë yanontohuatamaꞌ, iso pochin nontocoꞌ: “Tata Yosë, quëmasáchin noya noyanquën niꞌton, yaꞌipi piyapiꞌsaꞌ chinochinënquën. Chini chiníquën nanantëran niꞌton, yaꞌipicoi natëiinquën.

Lucas 22:31

Ina quëran Simon Pitro pënënin chiníquën cancantacaso marëꞌ. —Tëhuënchachin iya Simon sopai yaminsërinquëmaꞌ. Inari nani Yosë nontërin: “Arosë pintiapiso pochin tëniꞌi, topirahuëꞌ,” itërin. “Inta nipachin tëniriquëꞌ,” itërin Yosëri. Napoaton sopai chiníquën shaꞌhuitarinquëmaꞌ naniantamacoso marëꞌ.

1 Corintios 5:4

Quisocristo imaramaꞌ niꞌton, niyontoncoꞌ. Niyontonpatamaꞌ, ca pochin cancantatomaꞌ, ina quëmapi chiníquën pënëncoꞌ. “Sinioro Quisoso nanan quëtërincoi niꞌton, ama huachi Tata Yosë aꞌpainquënsohuëꞌ, tënai. Sopai natëran niꞌton, parisitamasoꞌ yaꞌhuërin,” itocoꞌ. Inapotohuatamaꞌ, aꞌna tahuëri yonquiapon nimara. “Co noyahuëꞌ yonquirahuësoꞌ naniantato, Yosë imantaꞌi,” tapon nimara. Napohuachin, Sinioro Quisoso oꞌmantahuachin, nichaꞌësarin huachi.

2 Corintios 12:9

Sinioro shaꞌhuitërinco: “Ca nohuanto, ipora huantaꞌ parisitapiranhuëꞌ, nosoroatënquën, naꞌcon catahuaranquën. Carinquën achinicancanaranquën noya ahuantamaso marëꞌ. Co quëmaora nanitohuatanhuëꞌ, naꞌcon naꞌcon catahuaranquën. Maꞌsona tërantaꞌ onpohuatan, co onporontaꞌ pataranquënhuëꞌ,” itërinco. Napoaton co huachi sëtërahuëꞌ. “Co caora nanitohuatërahuëꞌ, Quisocristo naꞌcon naꞌcon catahuarinco,” taꞌto, noya cancantërahuë.

Tito 2:3

Sanapiꞌsaꞌ payamiachin nipisopitantaꞌ aꞌchintëquëꞌ sano yonquiatonaꞌ yaꞌhuëꞌinaꞌ. Ama maꞌtona maꞌtona noinasohuëꞌ. Ama noꞌpicaisoꞌ paꞌyachinasohuëꞌ. Noya niinaꞌ aꞌnapita sanapiꞌsarintaꞌ nicatonaꞌ nonanacaiso marëꞌ. Naporahuatonaꞌ, noya nicacaisoꞌ aꞌchiinaꞌ.

1 Pedro 5:8

Sopaisoꞌ inimiconënpoaꞌ. Yacamairinpoaꞌ co noyahuëꞌ nicacaso marëꞌ. Paꞌpiniꞌ yamaninposo pochachin sopai paꞌsarin piyapiꞌsaꞌ minsëcaso marëꞌ. Napoaton noya yonquiatomaꞌ, niꞌsácoꞌ.

Apocalipsis 11:15

Ina quëran yaꞌnatontarinsoꞌ anquënintaꞌ, pihuiantarin. Pihuihuachina, inápaquë chiníquën nonsapi, natanahuë. “Iráca quëra huarëꞌ naꞌa copirnoroꞌsaꞌ yaꞌhuëpirinahuëꞌ, iporasoꞌ Yosëri yaꞌipiya huaꞌanëntarin. Quisocristorë chachin huaꞌanëntomiatarin. Co onporontaꞌ pipiapihuëꞌ,” tosapi.

Apocalipsis 2:26

Sopai minsëhuatamaꞌ, aꞌna tahuëri chiníquën nanan quëtaranquëmaꞌ. Ayaroꞌ tahuëriquë huarëꞌ natëhuatamaco, catahuaramaco nisha nisha piyapiꞌsaꞌ huaꞌanëntaꞌhuaso marëꞌ.

Apocalipsis 7:10

“Tata Yosëíchin nichaꞌërinpoaꞌ. Inasáchin huaꞌanëntërinpoaꞌ. Carniroaꞌhua anoyacantërinpoaꞌ. ¡Ma noyacha inaso paya!” tosapi chiníquën nonatonaꞌ.