Apocalipsis 10:1 - Chayahuita (Shahui)

¹ Ina quëran huaꞌnarëso pochin aꞌna anquënintaꞌ niantarahuë, chiníquën nanantërinsoꞌ. Chitoroꞌ huancana inápa quëran oꞌmararin. Motën yahuaꞌtani tahuitërin. Yaꞌpirin piꞌi pochin aꞌpinin. Tonaintaꞌ pën pochin yaꞌnoarin.

Apocalipsis 10:1 ပူးပေါင်းရင်းမြစ်များ

Salmos 104:3

Marë aipi inápa pëꞌsatëꞌ pëi pochin yaꞌhuëcamaso marëꞌ acoran. Chitorontaꞌ, toronanën pochin quëparinquën. Ihuaontaꞌ, anpiantëhuan pochin nicaton, quëparinquën.

Éxodo 16:10

Aaroni israiroꞌsa nontaso chachin, inotëro parti notëtopirinahuëꞌ, chitoroquë Sinioro huënaráchin huënaráchin aꞌpininsoꞌ, quënanpi.

Isaías 54:9

Ina quëran Sinioro taantarin: “Pacon paꞌninso piquëran iráca Noi shaꞌhuitërahuë: ‘Caso Yosëco niꞌto, noꞌtëquën shaꞌhuitaranquën. Ipora quëran huarëꞌ co huachi iso pochin pacon isoroꞌpaꞌ imotaantaponhuëꞌ,’ itërahuë. Ina napotërahuëso chachin canpitanta shaꞌhuitaranquëmaꞌ. Co huachi noꞌhuiantaponquëmahuëꞌ. Co huachi maꞌsha onpotaꞌhuanquëmasoꞌ, shaꞌhuitaantaponquëmahuëꞌ.

Daniel 7:13

Huëꞌëhuëquë inapita nicasoco, aꞌnanaya, aꞌnara quëmapi chitoro huáncana oꞌmararin. Oꞌmarahuaton Ansiano huënsëarinso yaꞌcariꞌ, paꞌnin. Ina quëran ayaꞌcaritopi huachi.

Mateo 17:2

Inapitari nicasoiꞌ, nisha pochin yaꞌnorin. Yaꞌipi yaꞌpirin piꞌi pochin aꞌpinin. Aꞌmorinsoꞌ huënaráchin huënaráchin ninin.

Lucas 21:27

Ina quëran niꞌsarinaco. Yosë quëran quëmapico niꞌto, chitoroꞌ huancana oꞌmantararahuë. Chiníquën nanantato, oꞌmantararahuë. Huënaráchin huënaráchin yaꞌnoarahuë.

Hechos 26:13

camotëchin iratërasoco, inápa quëran chiníquën aꞌpintimarincoi. Piꞌi quëran chini chiníquën aꞌpintërincoi. Huënaráchin huënaráchin niꞌnahuë. Caꞌtanincosopitantaꞌ niꞌpi.

Apocalipsis 1:7

Niꞌcochi. Quisocristo oꞌmantararin. Aꞌna tahuëri chitororë chachin oꞌmantararin. Naporoꞌ yaꞌipi piyapiꞌsari niꞌsapi. Iráca ohuanpisopitarintaꞌ niꞌsapi. Nisha nisha piyapiꞌsaꞌ sëtatonaꞌ, naꞌnërapi. “¿Onpoatëhuacha co natërëhuahuë paya?” tosapi. Tëhuënchachin naporapi. Amen.

Apocalipsis 18:1

Ina quëran aꞌna anquënintaꞌ inápa quëran oꞌmararin, niꞌnahuë, chiníquën nanantërinsoꞌ. Huënaráchin niꞌton, isoroꞌpaꞌ aꞌpintërin.

Apocalipsis 18:21

Ina quëran huaꞌnarëso pochin niantarahuë. Aꞌna anquënintaꞌ yaꞌnoantarin, chiníquën nanantërinsoꞌ. Pancaraꞌpi masahuaton, marëquë tëꞌyaitërin. “Pancaraꞌpi tëꞌyaitërahuëso pochachin Papironia taꞌhuantarin. Panca ninanoꞌ niponahuëꞌ, taꞌhuantarin. Yosëri chiníquën anaꞌintarin. Co huachi yaꞌhuaponhuëꞌ.

Apocalipsis 20:1

Ina quëran aꞌna anquënintaꞌ inápa quëran oꞌmararin, niꞌnahuë. Panca catina, niahui, inapita sëꞌquërin. Niahuisoꞌ sopairoꞌsaꞌ oncorapirinsoꞌ parti iꞌsoacaso marëꞌ sëꞌquërin.

Apocalipsis 4:3

Inaquë nisha pochin yaꞌnorin. Naꞌpi noyápiachin nininso pochin huënaratarin. Caspi, cornarina inapita pochin huënaratarin. Noyápiachin yaꞌnorin. Yahuaꞌtani tahuitërin, huënsëarin. Yahuaꞌtan niponahuëꞌ, huëron pochin caninchin aꞌpinin. Ismirarita pochin huënaratarin, niꞌnahuë.

Apocalipsis 5:2

Aꞌna anquënintaꞌ niꞌnahuë. Chiníquën nanantaton, chiníquën nonin. —¿Intaꞌ noya noya niꞌton, nanan yaꞌhuëtërin toꞌniroꞌsaꞌ iꞌshotahuaton iso quirica oporinacasoꞌ? tënin.

Apocalipsis 8:13

Ina quëran panca onian quënanahuë. Inápaquë aꞌninquëchin yanponarin. Piyapi pochin noninsoꞌ natanahuë. —¡Maꞌhuantacha nisapi paya! Yosë aꞌpopi niꞌton, piyapiꞌsaꞌ chiníquën parisitaponaꞌ. Aꞌnapita anquëniroꞌsaꞌ pihuiantahuachina, isoroꞌpaquë yaꞌhuëpisopita aquë aquëtëꞌ parisitaponaꞌ, tënin.