Apocalipsis 1:13 - Chayahuita (Shahui)

¹³ Ina huancánachin quëmapi huaniarin, niꞌnahuë. Piyapi pochachin niponahuëꞌ, noya noya yaꞌnorin. Naporopi aꞌmosahuaton, oro pochin nininso quëran tëꞌtëtëntaquëchin nitonporin.

Apocalipsis 1:13 ပူးပေါင်းရင်းမြစ်များ

Isaías 11:5

Piyapi nani tahuëri aꞌmoanaton paꞌninso pochin, noyasáchin nicaton noꞌtëquënáchin nonsarin.

Daniel 7:13

Huëꞌëhuëquë inapita nicasoco, aꞌnanaya, aꞌnara quëmapi chitoro huáncana oꞌmararin. Oꞌmarahuaton Ansiano huënsëarinso yaꞌcariꞌ, paꞌnin. Ina quëran ayaꞌcaritopi huachi.

Daniel 7:9

Ina quëran niantahuatora, huaꞌanëntacaiso shiraroꞌsa acorapi. Inaquë aꞌnara Ansiano, másho pochin yaꞌnorinsoꞌ huënsërin. Aꞌmorinsosoꞌ, ocai pochin huiríchin. Ainëontaꞌ, huiri huaita noyá pëꞌsapinan pochin yaꞌnorin. Huaꞌanëntërinso shiranën, ina tahuinanënpita, inapitanta panca pën nënë nënëtárinso pochin yaꞌnorin.

Hebreos 4:15

Inasoꞌ yaꞌipinpoaꞌ noyá nohuitërinpoaꞌ. Sopai yaminsërinpoasontaꞌ nitotërin. Co chiníquën cancantërëhuahuëꞌ niꞌton, sopai shaꞌhuitarinpoaꞌ ama Yosë natëcaso marëhuëꞌ. Quisosontaꞌ isoroꞌpaquë nipon, sopairi naꞌcon yanonpintaton, nisha nisha shaꞌhuitopirinhuëꞌ minsëcaso marëꞌ, co inasoꞌ sopai natërinhuëꞌ.

Apocalipsis 14:14

Ina quëran huaꞌnarëso pochin niantahuato, chitoroꞌ quënanahuë, huiríchin nininsoꞌ. Inaquë aꞌnasoꞌ huënsëarin, piyapi pochin yaꞌnorinsoꞌ. Chiníquën nanantaton, oro quëran nininsoꞌ yancorin. Imirin quëran nisha sahuëni sëꞌquërin nitërinsoꞌ macacaso marëꞌ.

Apocalipsis 15:6

Canchisë anquëniroꞌsaꞌ ina quëran pipiapi. Huiríchin huiríchin aꞌmopi. Tëꞌtëtënquë oro pochin nininquë nitonpopi. Piyapiꞌsaꞌ oshahuanpi niꞌton, Yosëri aꞌpaarin nisha nisha aparisitacaiso marëꞌ.

Apocalipsis 2:1

Ina quëran shaꞌhuitërinco: —Aꞌna quiricaquë ninshitaton, ansiano Ipisoquë yaꞌhuërinsoꞌ aꞌpatëquëꞌ nontohuachin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Inchinanëhuë quëran canchisë tayoraroꞌsaꞌ sëꞌquërahuë. Canchisë sëꞌparahuan nanparin pochin nininsopita huancánachin paꞌsárahuë.