Amós 9:8 - Chayahuita (Shahui)

⁸ Israiroꞌsanquëmaꞌ, canpitaso naꞌcon oshahuanama nicato, anaꞌintatënquëma ataꞌhuantaranquëmaꞌ. Napoaponahuëꞌ, co noyá ataꞌhuantaponquëmahuëꞌ. Ca Sinioroco noꞌtëquën shaꞌhuitaranquëmaꞌ.

Amós 9:8 ပူးပေါင်းရင်းမြစ်များ

Génesis 7:4

Canchisë tahuëri quëran ca nohuanto oꞌnanapon. Catapini shonca tahuëri, tashirë chachin oꞌnamiatapon. ¡Inapotato yaꞌipi isoroꞌpaquë acorahuësopita ataꞌhuantarahuë!” itërin.

Proverbios 15:3

Siniorosoꞌ yaꞌipi parti yaꞌhuëarin. Noya nipisopita, co noyahuëꞌ nipisopitanta yaꞌipi niꞌsárin.

Oseas 1:4

Naporoꞌ Siniorori Osiasë camaiaton: “Huiꞌnan huaꞌhuatërinsoꞌ, Quisiriro itëquëꞌ. Co huaꞌquiya quëranhuëꞌ Quio copirno Quisiriro ninanoquë paꞌpi co noyahuëꞌ nininso marëꞌ shinpita anaꞌintarahuë. Naporahuaton tahuëri nanihuachin, Israiro huëntonquë co huachi copirnoroꞌsa huaꞌanëntaponahuëꞌ. Ina tapon ina pochin huiꞌnan nohuitëquëꞌ.

Oseas 1:6

Comiri naquëranchin huaꞌhuaantahuachina, sanapiaꞌhua huairin. Naporoꞌ Siniorori Osiasë camaiantaton: “Huiꞌnan huaꞌhuatërinsoꞌ, No-roama itëquëꞌ. Israiro huënton co huachi nosoroapohuëꞌ. Napoaton co huachi chaꞌëtarinacohuëꞌ. Ina tapon ina pochin inanta nohuitëquëꞌ.

Joel 2:32

Sinioro chinotopisopitaso nipirinhuëꞌ, chimirin quëran chaꞌësapi. Sinioro naporinso chachin huayoninsopitasoꞌ, chaꞌësapi. Quirosarin ninanoquë chaꞌëcaiso yaꞌhuëapon niꞌton, napoapi.

Amós 7:17

Napotopirancohuëꞌ, quëmanta Sinioro maꞌsha yaonpotërinquënso shaꞌhuichinquën: “Aꞌna tahuëri quëmaso saꞌan, iso ninanoquë chachin pota yaꞌconapon. Huiꞌnanpitasoꞌ, sahuëni quëran chiminaponaꞌ. Noꞌpanëntaꞌ, nicanatona maponaꞌ. Quëmaso nipirinhuëꞌ, co Yosë imapiquëhuëꞌ quëpahuachinën, inaquë chiminapon. Israiroꞌsantaꞌ, áquë noꞌpaꞌpaꞌ inimicoroꞌsari quëpaponaꞌ, tënin Sinioro,” itërahuë.

Amós 9:10

Canpitaso nonpatamara: “Co onporo napoarihuahuëꞌ. Noya yaꞌhuëáparihuaꞌ,” toconamaꞌ. Piyapinëhuëpitanquëma mini nipomarahuëꞌ, oshahuanacasoráchin cancantëramaꞌ. Naporama niꞌton, ca nohuanton sahuëni quëran chiminapomaꞌ,’ tënahuë,” tënin.

Deuteronomio 6:15

Sinioronënpoasoꞌ Yosë niꞌton, niꞌsárinpoaꞌ. Inasoꞌ, paꞌpi aꞌpitërinpoaꞌ. Ina naniantatoma mamanshi moshahuatamaꞌ, noꞌhuitënquëma nanitërin anaꞌintiinquëmasoꞌ. Ina nohuanton naꞌcon naꞌconquëma chiminaramaꞌ.