Amós 9:10 - Chayahuita (Shahui)

¹⁰ Canpitaso nonpatamara: “Co onporo napoarihuahuëꞌ. Noya yaꞌhuëáparihuaꞌ,” toconamaꞌ. Piyapinëhuëpitanquëma mini nipomarahuëꞌ, oshahuanacasoráchin cancantëramaꞌ. Naporama niꞌton, ca nohuanton sahuëni quëran chiminapomaꞌ,’ tënahuë,” tënin.

Amós 9:10 ပူးပေါင်းရင်းမြစ်များ

Isaías 33:14

Quirosarin oshahuanoꞌsasoꞌ, paꞌyanapi. Yaꞌipi inpioroꞌsanta paꞌyanatonaꞌ: “Siniorosoꞌ, pën maꞌsha ahuiquitërinso pochin ninin. Yaꞌhuëmiatërinso pën pochin niꞌton, ¡Sinioro anaꞌintërinquësoꞌ, pën yaꞌhuëmiataton yaꞌipi ahuiquitërin! ¡Co inquënpoa tërantaꞌ, inaquë yaꞌhuëcaso nanichitërihuahuëꞌ!” tapona.

Jeremías 18:18

Aꞌna tahuëri piyapiꞌsa chinotatonaco: “Huëco paꞌahua Irimiasë tëpacaiso marëꞌ shaꞌhuirapiaꞌhuaꞌ. Ama manta naporinso natëahuasohuëꞌ. Corto huaꞌanoꞌsa Yosë nanamën aꞌchintiinpoasoꞌ, co pahuanaponhuëꞌ. Yonquinahuanoꞌsanta pënënainpoasoꞌ, yaꞌhuëapon. Pënëntonaꞌpiroꞌsanta Yosë naporinsoꞌ anitotiinpoasoꞌ, yaꞌhuëapon,” topi.

Jeremías 23:17

Nanamëhuë nocanpisopita pënënpachinara: ‘Yaꞌipi ninamasopita noya pipitarinquëmaꞌ,’ itopi. Co noyahuëꞌ yonquipiso imapisopita pënënpachinarantaꞌ: ‘Co manta maꞌsha onpoaramahuëꞌ,’ itopi.

Amós 6:1

Quirosarinquë yashi yashin yaꞌhuëpisopita, ¡maꞌhuantacha nisapi paya! Samariaquëntaꞌ: “Noya yaꞌhuëarihuaꞌ. Co manta onpoarihuahuëꞌ,” topisopita, ¡maꞌhuantacha nisapi paya! “Quirosarin, Samaria, inapita ninanoroꞌsasoꞌ, chini chiníquën nanantopi,” topi huaꞌanënpita. Napoaton aꞌnapita israiroꞌsasoꞌ, inapitari catahuacaiso marëꞌ paapapi.

Amós 6:3

Inapoatoma canpitasoꞌ, Yosë ataꞌhuantiinquëmaso tahuëri, co yayonquiramahuëꞌ. Nipirinhuëꞌ, co noyahuëꞌ nisápatoma ina tahuëri amanotaramaꞌ. Noyápiachin pëꞌsararoꞌsa Huiri pomon quëran nipinan yaꞌhuëtërinquëmaꞌ. Pitaroꞌsa tahuëri nipachina, inaquë noyá niótënamaꞌ. Toroaꞌhuaroꞌsa amoshin yaꞌhuëtërinquëmasoꞌ, carniroaꞌhuaroꞌsaꞌ, inapita tëparahuatoma noya coshatáramaꞌ.

Amós 9:8

Israiroꞌsanquëmaꞌ, canpitaso naꞌcon oshahuanama nicato, anaꞌintatënquëma ataꞌhuantaranquëmaꞌ. Napoaponahuëꞌ, co noyá ataꞌhuantaponquëmahuëꞌ. Ca Sinioroco noꞌtëquën shaꞌhuitaranquëmaꞌ.

Miqueas 3:11

Coisëroꞌsa pahuërëhuachinara, co huachi tëhuënaꞌpiroꞌsa anaꞌintopihuëꞌ. Corto huaꞌanoꞌsanta pahuërëai huarëꞌ, nanamëhuë aꞌchinpi. Pënëntonaꞌpiroꞌsanta pahuërëhuachinara: “Yosë catahuarinpoa canpoasoꞌ. Niꞌsárinpoa niꞌton, co manta onpoarihuahuëꞌ. Noya yaꞌhuëáparihuaꞌ,” itopi.

Malaquías 3:15

Nocantonoꞌsasoꞌ, co Yosë imaponaraihuëꞌ, noya noya yaꞌhuëpi. Co noyahuëꞌ nipisopitantaꞌ, noya noyatopi. Inapitaso Yosë tënipirinahuëꞌ, co manta onpotërinhuëꞌ,’ taꞌtomaꞌ, co noyahuëꞌ yonquirapiramaco,” itërin.

Malaquías 4:1

Naquëranchin Sinioro shaꞌhuitaantarinpoaꞌ: “Caso Sinioroco yaꞌipi nanitapato shaꞌhuitaranquëmaꞌ: ‘Niꞌcoꞌ. Co huaꞌquiya quëranhuëꞌ, anaꞌintaꞌhuaso tahuëri naniarin. Ina tahuëri nanihuachin, ornoquë pën huënaratërinso pochin nisarin. Nocantopisopita, co noyahuëꞌ nipisopita, yaꞌipi inapita anaꞌintarahuë. Panca pënquë shinpitë aꞌnaroáchin huëyarinso pochin co noyahuëꞌ nipisopita anaꞌintarahuë.