Amós 8:9 - Chayahuita (Shahui)

⁹ Naquëranchin Sinioro taantarin: “Isontaꞌ, ca Sinioroco noꞌtëquën shaꞌhuitaranquëmaꞌ: Ina tahuëri nanihuachin, camotëchin nipirinhuëꞌ, piꞌi tacopiapon. Yono piꞌi nipirinhuëꞌ, tashiapon.

Amós 8:9 ပူးပေါင်းရင်းမြစ်များ

Copo naporinso' 5:14

Huaꞌyantërëso pochin cancantatonaꞌ, tahuëri nipirinhuëꞌ, tashi pochin paꞌsapi. Tashiri noyá iꞌcopitërinso pochin nisapi.

Jeremías 15:9

Canchisë huaꞌhuanpisopitantaꞌ, co huachi chiniapihuëꞌ. Huaꞌhuina tiquitopi niꞌton, paꞌyanënaquë tapinanpitëraponaꞌ. Inapoatona tapanaponaꞌ. Piꞌinta aꞌpiánpirinhuëꞌ, tashitërëso pochin cancantaponaꞌ. Aꞌnaquën chaꞌëpisopitantaꞌ, ca nohuanto inimiconënpitari tëpapon. Ca Sinioroco shaꞌhuitaranquëmaꞌ,’ tënin, itëquëꞌ,” itërinco.

Amós 4:13

Sinioro napotarinquëmasoꞌ natancoꞌ. Inari motopiroꞌsa acorin. Inari chachin ihuaontaꞌ, acorin. Ina chachin maꞌsona yanininsopita anitotërinpoaꞌ. Ina nohuanton tahuërinta iꞌhuahuachina, tashirin. Ina inápa motopiroꞌsa quëran huarëꞌ inariso paꞌtërin. Inaso Sinioro, Yosë yaꞌipi nanitaparinsoꞌ. Inapochin nohuitahuaꞌ, tënahuë.

Amós 5:8

Inápaquë tayora huëntonoꞌsa chitoro pochin yaꞌnopiso yaꞌhuërin. Aꞌnasoꞌ, Priyatisë itopi. Aꞌnantaꞌ, Orion itopi. Yaꞌipi inapita Siniorori acorin. Ina nohuanton tashinta tahuëririn. Tahuërintaꞌ, ina nohuanton tashirin. Ina nohuanton marë tomontërin. Ina quëran noꞌpaquë oꞌnanin. Inasoꞌ, Sinioro. Ina pochin nohuitocoꞌ.

Miqueas 3:6

‘Canpitaso tashi nipachina, huaꞌnarëso pochin yonquirahuëso anitotëranquëmaꞌ. Iporaso nipirinhuëꞌ, co huachi yonquirahuësoꞌ anitotaponquëmahuëꞌ. Aꞌna tahuëri maꞌsona onpocasonta anitotopiranquëmahuëꞌ, iporasoꞌ co huachi anitotaponquëmahuëꞌ,’ itarahuë. Piꞌi yaꞌconpachina co huachi quënantërëhuëꞌ. Inapochachin nonpi nanan pënëntonaꞌpiroꞌsantaꞌ, co huachi manta anitotapohuëꞌ.

Mateo 24:29

“Nani parisitohuachinaꞌ, piꞌi tashiarin. Yoquintaꞌ co huachi aꞌpinarinhuëꞌ. Naporahuaton, naꞌa tayoraroꞌsaꞌ anotarin. Yaꞌipi inápaquë yaꞌhuërinsopitantaꞌ nacon nacontapon.

Mateo 27:45

Camotëchin nisahuasoꞌ, yaꞌipi parti tashirarin. Iꞌhuaraya huarëꞌ yono tashi pochin nisarin.

Marcos 15:33

Camotëchin nisahuasoꞌ, yaꞌipi parti tashirin. Iꞌhuaraya huarëꞌ yono tashi pochin ninin.

Lucas 23:44

Camotëchin nisahuasoꞌ, yaꞌipi parti tashiarin. Iꞌhuaraya huarëꞌ yono tashi pochin ninin.

Apocalipsis 6:12

Ina quëran aꞌna toꞌniquë achinpitërinsoꞌ iꞌshotaantarin. Inarëꞌ nani saotaroꞌ iꞌshorin. Inapotohuachina, panca ocohua paꞌsarin. Piꞌi tashiaton yaráchin nisarin. Yoquintaꞌ co huachi aꞌpianinhuëꞌ. Nincoan huëꞌsaponahuëꞌ, quëhuashin huënai pochin nisarin.

Apocalipsis 8:12

Nani cara anquëni pihuirin. Aꞌnantaꞌ pihuiantahuachina, Yosë nohuanton, patoma pochin piꞌi tapiarin. Yoqui, tayoraroꞌsaꞌ, inapitantaꞌ patoma pochin tapiapi. Napoaton tahuëri nipachina, co huachi piꞌi noya aꞌpianinhuëꞌ. Tashintaꞌ yoqui, tayoraroꞌsaꞌ, inapita co huachi noya aꞌpianpihuëꞌ.