Amós 8:8 - Chayahuita (Shahui)

⁸ ¡Anaꞌintohuatënquëmaꞌ, yaiꞌpi roꞌpaꞌ nacontapon! ¡Yaꞌipi piyapiroꞌsantaꞌ, naꞌnëcaisoꞌ yaꞌhuëapon! Isoroꞌpaꞌ chachiontaꞌ, Niroiꞌ pamatërinso pochin nisarin. Pamatërin quëran huinquintërinso pochin, nisarin antaꞌ,” tënin.

Amós 8:8 ပူးပေါင်းရင်းမြစ်များ

Daniel 9:26

Saota shonca cato simana piquëran huaꞌan Yosëri huayoninso tëpaponaꞌ. Quirosarin ninanoꞌ, Yosë chinotacaso pëiꞌ, inapita naquëranchin ataꞌhuantaantaponaꞌ. Aꞌnara copirno piyapinënpitarë chachin huëcaton inapotapon. Panca paquiiꞌ aꞌnaroáchin mëntarinso pochin taꞌhuantacaisoꞌ canquipon. Quira nicacaisoꞌ, niataꞌhuantacaisoꞌ, inapitasoꞌ, tahuëri taꞌhuantaquë huarëꞌ imapon.

Oseas 4:3

Napoaton yaꞌipi Israiro noꞌpaquë, sëtatona naꞌnërápi. Caniorëso pochin co manta chinipihuëꞌ. Tanan maꞌsharoꞌsa quëran huarëꞌ taquiapi. Inairaroꞌsaꞌ, marë samiroꞌsaꞌ, inapitanta inapoapi,” tënin.

Amós 8:10

Pita tahuëriꞌsa naꞌhuëyantëramasoꞌ, acopitarahuë. Pita yaꞌhuërënamën, chiminpisopita marëꞌ naꞌnëtoma oshaarápomaꞌ. Sëtohuachinara aꞌmopisoꞌ, canpitanta aꞌmosaramaꞌ. Co napion ancatohuachinara noyá niyaꞌitopiso pochin niyaꞌitaramaꞌ. Aꞌnaíchin huiꞌnin yaꞌhuëtopirinhuëꞌ, chiminpachina naꞌnëpiso pochin nisaramaꞌ.

Amós 9:5

Siniorosoꞌ, Yosë. Inasoꞌ, yaꞌipi nanitaparin. Isoroꞌpaꞌ cariatë pochin nipachina, pëni paꞌnan apoirinso pochin nitërin. Napohuachina, piyapiꞌsa naꞌnërantaponaꞌ. Niroiꞌ pamatohuachina huinquintërinso pochin isoroꞌpanta nisarin.

Mateo 24:30

Naporoꞌ oꞌmantararahuë. Yosë quëran quëmapico niꞌto, inápa quëran oꞌmantararahuë huachi. Nisha nisha nananquë nonpisopita: ‘Anaꞌintarinpoaꞌ,’ taꞌtonaꞌ paꞌyanapi, naꞌnëapi, napoapi. Chiníquën nanantato, chitoroꞌ huáncana oꞌmantararahuë, niꞌsarinaco. Huënaráchin huënaráchin yaꞌnoarahuë.