Amós 8:10 - Chayahuita (Shahui)

¹⁰ Pita tahuëriꞌsa naꞌhuëyantëramasoꞌ, acopitarahuë. Pita yaꞌhuërënamën, chiminpisopita marëꞌ naꞌnëtoma oshaarápomaꞌ. Sëtohuachinara aꞌmopisoꞌ, canpitanta aꞌmosaramaꞌ. Co napion ancatohuachinara noyá niyaꞌitopiso pochin niyaꞌitaramaꞌ. Aꞌnaíchin huiꞌnin yaꞌhuëtopirinhuëꞌ, chiminpachina naꞌnëpiso pochin nisaramaꞌ.

Amós 8:10 ပူးပေါင်းရင်းမြစ်များ

Génesis 21:16

Aquëmiachin paꞌsahuaton, huënsëconin. Ama huaꞌhuin chimininso nicacaso marëhuëꞌ, inaquë huënsëconin. Huënsëhuachina, huiꞌnapiso naꞌnërin huachi.

Copo naporinso' 3:5

¡Paꞌpi tashirori imotërin naporini, noya noya niitonhuëꞌ! ¡Maꞌcha yaráchin chitorori iꞌcopitërinhuë paya! ¡Piꞌihuë nipon chiminaton aꞌpayaninhuë paya!

Jeremías 2:19

Co noyahuëꞌ ninamasoꞌ naꞌintarinquëmaꞌ. Co casáchin cancantëramacohuë niꞌton, parisitamaso yaꞌhuërin. Napoaton: ‘Sinioroso Yosënënpoa niꞌton, noya nicatëhua natëcaso yaꞌhuërin. Napopirinhuëꞌ, co natërëhuahuëꞌ. Naporahuaton aꞌpomantarëhuaꞌ. Noꞌtëquën chachin iporasoꞌ, co huachi noya yaꞌhuërëhuahuëꞌ. Parisitatëhua co napion cancantárëhuaꞌ,’ toco yonquiatomaꞌ. Caso Sinioroco yaꞌipi nanitaparahuë. Carima shaꞌhuitaranquëmaꞌ.

Jeremías 6:26

Yosë piyapinënpitanquëma nipomarahuëꞌ, saꞌcatën aꞌmocoꞌ. Co napion ancantatomaꞌ, huarianoquë nianapitocoꞌ. Nichimiantëramaso pochin cancantatomaꞌ, naꞌnëmiatocoꞌ. Aꞌnaíchin huiꞌnama nininsoꞌ chiminpachina sëtëramaso pochin nicoꞌ. Ataꞌhuantarinquëmasopita aꞌnanaya cantiarinquëma niꞌton, inapocoꞌ.

Oseas 2:11

Inapotohuato, co huachi noya ancantacaiso yaꞌhuëaponhuëꞌ. Co maꞌsha pita tëranta naꞌhuëcaiso yaꞌhuëaponhuëꞌ. Yoquiaꞌhuaraiꞌ pitaroꞌsaquë tëranta co huachi niyontoanpihuëꞌ. Co sahuatoquë tëranta niyontoantaponahuëꞌ.

Oseas 2:13

Mamanshiroꞌsa moshacaiso marëꞌ yonarin pochin nininsoꞌ huaꞌqui aꞌpëpi. Inapopiso marëꞌ anaꞌintarahuë. Naporo tahuëriꞌsa inapita moshacaiso marëꞌ nitapatonaꞌ, miyosáchin, poꞌmoitërasáchin niconpi. Inapoatonaꞌ, caso naniantërinaco. Ca Sinioroco shaꞌhuitaranquëmaꞌ.

Joel 1:8

Nasha soꞌyahuan soꞌin chiminpachina, co napion ancantaton, naꞌnërin.

Amós 5:21

Naquëranchin Sinioro taantarin: “Chinotamacoso marëꞌ pita ninamasopita, co quëꞌyarahuëꞌ. Niyontonpatamara paꞌyápiro nipiramahuëꞌ, co costarincohuëꞌ.

Amós 5:23

Chinotatomaco cantahuatamara, nonca noncatoconamaꞌ. Naporamaso amirahuë niꞌton, ¡taꞌtoco huachi! Chinotatomaco arparoꞌsanta piꞌniramasoꞌ, ¡co huachi yanatanahuëꞌ!

Amós 8:3

Ina tahuëri nanihuachin, copirno noyápiachin pëinënquë cantayantopisoꞌ, copi tapon. Naꞌnëroꞌsa yaꞌhuërëꞌ, oshaatona noncarorantaponaꞌ. Notohuaroꞌ piyapi naporo chiminapon niꞌton, co huachi paꞌpitaponahuëꞌ. Onpopinquë tëranta topinan tëꞌyataponaꞌ. Co manta tëcaponaraihuëꞌ, tëꞌyataponaꞌ. Ca Sinioroco noꞌtëquën shaꞌhuitaranquëmaꞌ, tënin.