Amós 7:4 - Chayahuita (Shahui)

⁴ Ina piquëran Siniorosoꞌ, pën quëran yaꞌhuërë anaꞌintiinpoaso yonquirinsoꞌ, aꞌnotaantarinco. Paꞌpi huëya pën mashori panca marë anpotërinsoꞌ, ayanimiatërin. Iminoꞌsaꞌ, pastoroꞌsaꞌ, inapitanta huëyarantararin.

Amós 7:4 ပူးပေါင်းရင်းမြစ်များ

Joel 1:19

Inapoatoi Sinioro nontarainquën. Inotëroquë pastoroꞌsa yaꞌhuërinsoꞌ, pëni ahuiquitëraꞌpiarin. Yaꞌipi nararoꞌsanta yaꞌhuërinso napotërin.

Joel 2:30

Ca nohuanton panca maꞌsha inápaquë yaꞌnorarin. Quënanpachina paꞌyanapi. Isoroꞌpaquëntaꞌ, piyapiꞌsa ayonquiaꞌhuaso marëꞌ maꞌsha acoarahuë: Huënaiꞌ, pën, conai tomontërinsoꞌ, inapita niꞌsapi.

Levítico 10:2

Napohuachina, inapita ahuiquitacaso marëꞌ Siniorori chachin pën aꞌpatimarin. Napoaton cato chachin chiminpi.

Amós 1:4

Napopiso marëꞌ Asairo copirno huaꞌanëntërinso pëiꞌ, pënquë ahuiquitarahuë. Pina-tato copirno noya pëinënpitantaꞌ, ina pëni chachin ahuiquitarin.

Amós 1:7

Casa ninano pairanënpita ahuiquitarahuë. Noya noya pëiroꞌsanënapitantaꞌ, ina pëni chachin ataꞌhuantarin.

Amós 2:5

Ca nohuanton Cota huënton parti huíquitapon. Ina pëni chachin Quirosarinquë noya noyápiachin pëiroꞌsa yaꞌhuërinsoꞌ, ahuiquitapon,” tënin.

Amós 4:11

Naquëranchin Sinioro taantarin: “Sotoma, Comora, inapita ninanoroꞌsaꞌ, huëhuëpiro nitato iráca ataꞌhuantërahuë. Inapochachin canpitantaꞌ, naꞌaquëma ataꞌhuantëranquëmaꞌ. Ina quëran chaꞌëramasopitasoꞌ, pënaya pën quëran ocoipiso pochin ninamaꞌ. Inapoápomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Amós 5:6

Noya nanpirápamasoꞌ nohuantohuatamaꞌ, Sinioro chinotoco catahuainquëmaꞌ. Coꞌsoꞌ ina chinotohuatamahuëꞌ, inimiconëmapita aꞌpatiarinquëmaꞌ. Yaꞌhuëramaso noꞌpaꞌ, ahuiquitapi. Co inso tëranta Pitiriquë yaꞌhuërinsoꞌ, ina pën atácopitarinhuëꞌ.

Amós 7:1

Aꞌna tahuëri Sinioro huaꞌnarëso pochin aꞌnotërinco. Inasoꞌ, paꞌpi notohuaroꞌ sëquërëꞌ acorarin niꞌnahuë. Naporoso copirno marëꞌ shaꞌtopisoꞌ, nani yaquiatona mapi. Yaquipisontaꞌ, nani papoantararin.

Amós 7:7

Ina piquëran Siniorosoꞌ, aꞌna yaꞌhuërë huaꞌnarëso pochin aꞌnotaantarinco. Sinioro chachin aꞌna paira pirayan huaniárin niꞌnahuë. Imirinquë aꞌnara paira tantiatiinan sëꞌquëarin.

Miqueas 1:4

Huëcasoꞌ, motopiroꞌsa soquiapon. Paꞌnan pëni apoirinso pochin nitapon. Pama paquiitahuaton casharinso pochin motopianaroꞌsa nochataponaꞌ.

Deuteronomio 32:22

Paꞌpi anoꞌhuitëramaco niꞌton, pën huëchimitërinso pochin nisarahuë. Acoporo partiquë huarëꞌ ahuiquitarahuë. Yaꞌipi motopiroꞌsa achinirinsopitantaꞌ, ahuiquitarahuë. Isoroꞌpantaꞌ, nani maꞌsha papotërinsopitarë chachin inapotarahuë.

Hebreos 1:7

Anquëniroꞌsaꞌ yonquiaton, quiricanën quëran Yosë tapon: “Anquëniroꞌsasoꞌ comisionëhuëpita. Cari camairahuë. Camaihuatëra, ihuan pochin aꞌnaroáchin paꞌpi. Aꞌnaquën ca nohuanto, pën pochin nipi,” tënin.

Apocalipsis 4:1

Ina quëran inápaquë nëꞌpërahuato, quënanahuë. Yosë yaꞌhuërinquë chachin yaꞌcoana niꞌsoatërin, niꞌnahuë. Naporahuaton, inápa quëran yaꞌnan nontërincosoꞌ nontaantarinco. Tronpita pihuipiso pochin natanahuë. —Isëquë huëntaquëꞌ. Nani maꞌsha aꞌnochinquën. Aꞌna tahuëri maꞌsha onpocasoꞌ ninoto, anitotaranquën, itërinco.