Amós 7:17 - Chayahuita (Shahui)

¹⁷ Napotopirancohuëꞌ, quëmanta Sinioro maꞌsha yaonpotërinquënso shaꞌhuichinquën: “Aꞌna tahuëri quëmaso saꞌan, iso ninanoquë chachin pota yaꞌconapon. Huiꞌnanpitasoꞌ, sahuëni quëran chiminaponaꞌ. Noꞌpanëntaꞌ, nicanatona maponaꞌ. Quëmaso nipirinhuëꞌ, co Yosë imapiquëhuëꞌ quëpahuachinën, inaquë chiminapon. Israiroꞌsantaꞌ, áquë noꞌpaꞌpaꞌ inimicoroꞌsari quëpaponaꞌ, tënin Sinioro,” itërahuë.

Amós 7:17 ပူးပေါင်းရင်းမြစ်များ

Jeremías 14:16

Pënënpisopitanta ina quëran chachin chiminaponaꞌ. Saꞌinaꞌ, huiꞌninpita, inapitanta chiminaponaꞌ. Nonënanta Quirosarin cachiroꞌsaquë topinan tëꞌyataponaꞌ. Co incari paꞌpitacasoꞌ yaꞌhuëaponhuëꞌ. Inapotato co noyahuëꞌ nipiso marëꞌ, anaꞌintarahuë.

Jeremías 20:6

Quëmanta Pasoro, inátohua quëpaponën. Saꞌan, huiꞌnanpita, quëmopinënpita, inapitarëꞌquën chachin paꞌsaran. Inaquë chiminpatan, paꞌpitaponën. Amiconënpita nonpi nananoꞌsa shaꞌhuitëransopitantaꞌ, quëmarë chachin paꞌpitaponaꞌ,’ tënin Sinioro,” itërahuë.

Amós 6:7

Naponama niꞌton, canpitaꞌton Sinioro aꞌna noꞌpaꞌpaꞌ tëꞌyatarinquëmaꞌ. Pita nicatoma noncaroyantëramasoꞌ, copi tapon huachi.

Amós 8:1

Aꞌna tahuëri Sinioro huaꞌnarëso pochin aꞌnotaantarinco. Aꞌna iꞌmëquë huayo noyá cayatërin niꞌnahuë.

Amós 9:1

Naquëranchin huaꞌnarëso pochin Sinioro quënaantarahuë. Inasoꞌ, artaro pirayan huaniton shaꞌhuitërinco: “Chinotërinacoso pëi onënënpita aipi motën pochin acotopisoꞌ, ahuëquëꞌ. Inapotohuatan, chinotërinacoso pëi nacontapon. Pairanënpita, pëi aꞌcanpisoꞌ, inapita nacontatona piyapiꞌsa aipi anochinaꞌ. Nopoato nopoatotatonaꞌ, piyapiꞌsa niꞌpiꞌin. Ina quëran chaꞌëpisopitasoꞌ, ca nohuanton sahuëni quëran tëpaponaꞌ. Yataꞌapirinahuëꞌ, co aꞌnaya tëranta chaꞌëponhuëꞌ.

Amós 9:8

Israiroꞌsanquëmaꞌ, canpitaso naꞌcon oshahuanama nicato, anaꞌintatënquëma ataꞌhuantaranquëmaꞌ. Napoaponahuëꞌ, co noyá ataꞌhuantaponquëmahuëꞌ. Ca Sinioroco noꞌtëquën shaꞌhuitaranquëmaꞌ.

Miqueas 1:16

Canpitanta Quirosarin ninanoquë yaꞌhuëramasopita, co napion ancantatomaꞌ, noyá niyaꞌitocoꞌ. Huiꞌnamapita nosoromiatëramasoꞌ yonquiatomaꞌ, inapocoꞌ. Inapitasoꞌ aꞌna parti inimiconëmapitari quëpapona niꞌton, motëma tamë moto pochin yaꞌnoamaquë huarëꞌ, niihuimototocoꞌ,” tënin.