Amós 7:15 - Chayahuita (Shahui)

¹⁵ Ohuicaroꞌsa aꞌpairápirahuëꞌ: “Carinquën nanan quëtaranquën niꞌton, piyapinëhuëpita pënënacaso marëꞌ paquëꞌ,” itërinco Sinioro.

Amós 7:15 ပူးပေါင်းရင်းမြစ်များ

2 Samuel 7:8

Napoaton piyapinëhuë Tapi shaꞌhuitëquëꞌ: ‘Sinioro yaꞌipi nanitaparinso napotërinquën: “Quëmasoꞌ huiꞌnapitapon co máquënquënhuëꞌ ninan. Ohuicaroꞌsa aꞌpairapiranhuëꞌ, carinquën ocoiranquën. Piyapinëhuëpita huaꞌanëntamaso marëꞌ acoranquën.

1 Reyes 19:19

Siniorori napotohuachina, Iniasëso yaꞌhuërinquë paantarin. Apiri-miora yaꞌcari nipachina, Irisio sacatarin quënanconin. Shonca aꞌna quëmapiꞌsanta quëchitapi. Inapitasoꞌ cato cato tororoꞌsaquë noꞌpaꞌ ohuërërantapi. Piquëran nininso Irisiori quëpararin. Iniasëri paaparahuaton, aipi aꞌmorinsoquë imopitërin. Inapotahuaton huëshiarin.

Jeremías 1:7

Siniorosoꞌ taantarin: “Ama, ‘caso huiꞌnapico,’ tëquësohuëꞌ. Ipora quëran huarëꞌ quëmasoꞌ, intohuaso aꞌparanquë paꞌsaran. Maꞌsona camairanquënsoꞌ, shaꞌhuiaran.

Jeremías 26:12

Caso napoaporahuëꞌ, huaꞌanoꞌsaꞌ, yaꞌhuëhuanoꞌsa inapita nontato: “Sinioro nanan quëtërinco niꞌton, iso ninanoꞌ, Yosë chinotacaso pëiꞌ, inapita maꞌsona onpocasoꞌ shaꞌhuitëranquëmaꞌ.

Amós 3:8

Paꞌpiniꞌ përarinso natanpachinara, yaꞌipi piyapiꞌsa paꞌyanpi. Inapochachin cari maꞌsona shaꞌhuicaso marëꞌ aꞌna piyapi nanan quëtohuato, ¡onpopionta shaꞌhuiarin!” tënin.

Mateo 9:9

Ina quëran Quisoso paantarahuaton, Matio quënanconin. Coriqui Noma copirno marëꞌ maꞌpatërinquë huënsëarin. Quisosori itapon: —Huëquëꞌ iyasha imaco, itërin. Itohuachina, aꞌnaroáchin huanirahuaton, imarin.

Hechos 1:8

Iporaso nipirinhuëꞌ Ispirito Santo naꞌcon catahuarinquëmaꞌ. Yaꞌcoancantohuachinquëmaꞌ, nóya pënëntaramaꞌ. Ina nohuanton, nani maꞌsha nanitaparamaꞌ. Yaꞌipi naporahuësoꞌ niꞌnamaꞌ, nani nitotëramaꞌ. Aꞌnapitantaꞌ shaꞌhuitocoꞌ. Quirosarinquë chachin shaꞌhuitocoꞌ. Ina quëran yaꞌipi Cotia parti paatomaꞌ, shaꞌhuitoncoꞌ. Samaria partintaꞌ shaꞌhuitoncoꞌ. Yaꞌipi parti paatomaꞌ, shaꞌhuitëraꞌpiacoꞌ, itërin Quisosori.

Hechos 5:20

“Yosë chinotopiso peiquë pacoꞌ. Inaquë paꞌsahuatomaꞌ, piyapiꞌsaꞌ aꞌchintocoꞌ nasha pochin nanpicaiso marëꞌ,” itërin anquëniri.

1 Samuel 10:11

Aꞌnapita pënëntonaꞌpiroꞌsarëꞌ, Saonoso Yosë yonquirinso shaꞌhuirarin niꞌpi. Ina niꞌsahuatonaꞌ, nohuitopisopitari inahua capini ninontopi: “¡Niꞌcochi Quisi huiꞌnionta naporarin! ¡Saononta pënëntonaꞌpichi paya!” nitopi.