Amós 7:12 - Chayahuita (Shahui)

¹² Ina quëran Amasiasësoꞌ, itaponco: —Pënëntaton yacanahuatansoꞌ, yaꞌhuëranquë paantaton inaquë pënëntëquëꞌ.

Amós 7:12 ပူးပေါင်းရင်းမြစ်များ

Isaías 30:10

Ninotona quënanaꞌpiroꞌsa shaꞌhuitatomaꞌ: ‘Ama huaꞌnarëso pochin quënanatoma pënëncoisohuëꞌ,’ itonamaꞌ. Pënëntonaꞌpiroꞌsantaꞌ: ‘Ama Sinioro noꞌtëquën anitotërinquëmasopita, shaꞌhuitocoisohuëꞌ. Costaraisopita tëhuënchinsoꞌ, shaꞌhuitocoi. “Noya yaꞌhuëapoi,” taꞌtoi huëꞌërai pochin cancantëraisoꞌ, ama quëma huëꞌsahuaton ochinanatë pochin nitocoisohuëꞌ. Yaꞌhuincananpicoi quiyanta nohuantëraisoꞌ nisaꞌi. Sinioro natëramasoꞌ, aꞌpoco huachi. Co huachi nohuantëraihuëꞌ, Sinioro naporinso natanaꞌhuaisoꞌ. Inasoꞌ, noyasáchin ninin. Israirori chinotërin,’ toconamaꞌ. Napoaton inaso shaꞌhuitarinquëmaꞌ: ‘Canpitaso shaꞌhuitëranquëmasopita nocanatomaꞌ, ahuëtonoꞌsaꞌ, co noyahuëꞌ piyapiꞌsaꞌ, inapita catahuaimaso marëꞌ yoniramaꞌ.

Amós 2:12

Ina quëran Sinioro taantarin: “Nasarioroꞌsa nipirinahuëꞌ, apisápatoma huino oꞌshitëramaꞌ. Pënëntonaꞌpiroꞌsanta pënëinquëmaso marëꞌ nanan quëtopirahuëꞌ, noꞌhuitoma acopitëramaꞌ.

Malaquías 1:10

Inquëma tërantaꞌ, chinotëramacoso pëi yaꞌcoananën oncoatoma noyá patanantërama naporini, noya niitonhuëꞌ. Co huachi insonta yaꞌconaton, artaronëhuëquë topinan quëran aꞌpëchitonhuëꞌ. Co noyahuëꞌ ninama niꞌton, carimanta co noya niꞌnanquëmahuëꞌ. Maꞌsha quëshiramacosopitantaꞌ, co huachi maꞌpaponquëmahuëꞌ.

Mateo 8:34

Natanahuatonaꞌ, naꞌa piyapiꞌsaꞌ huëꞌpi Quisoso nicacaiso marëꞌ. Nani niꞌpachinara, tëꞌhuatatonaꞌ: —Aꞌna parti paquëꞌ, itopi.

Lucas 13:31

Naporoꞌ aꞌnaquën parisioroꞌsaꞌ Quisosoquë huëꞌpi. —Aꞌnaroáchin taꞌaquëꞌ. Irotisë yatëparinquën, itiipi.

Hechos 16:39

Napoaton tashinan pëiquë paꞌsahuatonaꞌ, noya nontopi. “¿Canpitantaꞌ Noma piyapinquëmaꞌ ti?” itohuachina, “Inacoi mini,” tënin Paono. “Coꞌchi nitotëraihuë paya. Co nitotatoihuëꞌ ahuërainquëmaꞌ, co ahuëcaꞌhuainquëmasohuëꞌ nipirinhuëꞌ,” itërin. Ina quëran noya ocoirahuatonaꞌ, “Aꞌna parti pacoꞌ,” itopi.

Romanos 16:18

Quisocristosoꞌ huaꞌanënpoaꞌ nipirinhuëꞌ, co inapitarisoꞌ natëpihuëꞌ. Inahuara nohuantopisoráchin yonquipi. Noyasha nonaponaraihuëꞌ, co noꞌtëquën nonpihuëꞌ. Co noya nitotopiquëhuëꞌ aꞌchintohuachinara, aꞌnaroáchin nonpintopi.

1 Corintios 2:14

Aꞌnaquënso nipirinhuëꞌ piyapi yonquirinsoráchin nitotatonaꞌ, co nohuantopihuëꞌ Yosë nanamën natanacaisoꞌ niꞌton, tëhuaconpi. Ispirito Santoráchin catahuarinpoaꞌ natëtacasoꞌ. Napoaton co imarinsopitasohuëꞌ natanaponaraihuëꞌ, co nanitopihuëꞌ noꞌtëquën yonquicaisoꞌ.

1 Pedro 5:2

Quisoso imapisopita iyaroꞌsaꞌ noya niꞌcoꞌ. Yosë acorinquëmaꞌ yaꞌhuëramaquë aꞌchinacamaso marëꞌ. Huaꞌanëni ohuicanënpita noya aꞌpairinso pochin noya aꞌpaicoꞌ imamiachinaꞌ. Aꞌnaya tërantaꞌ co noyahuëꞌ nipachin, sanoanan quëran pënëncoꞌ noya yonquiantaꞌin. Nani tahuëri catahuacoꞌ noya imainaꞌ. Ama chirotomahuëꞌ, aꞌchincoꞌ. Ina pochin nicacasoꞌ Yosë nohuantërin. Niꞌton, canpitantaꞌ noya nohuantatomaꞌ, aꞌchincoꞌ. Ama canacaso marëꞌ aꞌchincosohuëꞌ. Nóya cancantatomaꞌ, Yosë marëꞌ sacatocoꞌ.

1 Samuel 2:36

Naporoꞌ quëmá quëran pipipisopita, aꞌnaquën co chiminyátëraponahuëꞌ. Inapitasoꞌ aꞌnaya aꞌnaya ina corto huaꞌanquë isonahuatonaꞌ: “Maꞌshaquë tëranta corto huaꞌanoꞌsa catahuai. Inapohuato piꞌpian tëranta coshatapo topirahuë,” itapon,’ tënin Sinioro,” itërin.

1 Samuel 9:9

(Ipora iso quirica ninshitasoco huarëꞌ Samoiro pochin nipisopitasoꞌ pënëntonaꞌpi itërëhuaꞌ. Iráca chachinsoꞌ, co ina pochin nohuitopihuëꞌ. Ninoton shaꞌhuinaꞌpi itopi. Israiroꞌsa maꞌsona Yosëri anitotacaso nohuantohuachinara, ninapotopi: “Huëquë paꞌa ninoton shaꞌhuinaꞌpi natahuan,” niitopi.)