Amós 7:1 - Chayahuita (Shahui)

¹ Aꞌna tahuëri Sinioro huaꞌnarëso pochin aꞌnotërinco. Inasoꞌ, paꞌpi notohuaroꞌ sëquërëꞌ acorarin niꞌnahuë. Naporoso copirno marëꞌ shaꞌtopisoꞌ, nani yaquiatona mapi. Yaquipisontaꞌ, nani papoantararin.

Amós 7:1 ပူးပေါင်းရင်းမြစ်များ

Isaías 33:4

Sëquërëꞌ paꞌpachina chitoro tashirotërinso pochin paꞌnin. Ina pochachin inimiconënapitanta yaꞌcontatonaꞌ, maꞌshanënapita paꞌton nininsoꞌ osërëtaponaꞌ.

Joel 1:4

Yaꞌhuërëhuaso noꞌpaquë sëquërëꞌ huëꞌsahuaton, yaꞌipi cosharo pëꞌyatërinpoaꞌ. Nisha nisha nipisopitari niyaꞌhuërëton huëcatonaꞌ, napotërinënpoaꞌ.

Joel 2:25

Ina quëran Sinioro taantarin: “Sëquërëroꞌsa aꞌpatáponquëmaꞌ, naꞌa piꞌipi co manta manamahuëꞌ. Inapitasoꞌ sontaroꞌsa huënton ataꞌhuantacaiso marëꞌ aꞌpapiso pochin carima aꞌpatëranquëmaꞌ. Ina piꞌipiroꞌsaquë co manta manamasohuëꞌ iꞌhuërëtaꞌhuanquëmaso marëꞌ naꞌcon naꞌcon quëtaantaponquëmaꞌ.

Amós 4:9

Naquëranchin Sinioro taantarin: “Ca nohuanton ihuaonta huëya pihuirinquëmaꞌ. Napoaton shaꞌtëramasopitanta ahuiánahuanin. Sëquërënta aꞌpatëranquëma niꞌton, oparonëma pëꞌyarin. Iquiraroꞌsaꞌ, oriporoꞌsaꞌ, inapitanta pëꞌyarin. Nisha nisha cosharo shaꞌnamasopitanta ahuirin. Inapoatoma parisitápomarahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Amós 7:4

Ina piquëran Siniorosoꞌ, pën quëran yaꞌhuërë anaꞌintiinpoaso yonquirinsoꞌ, aꞌnotaantarinco. Paꞌpi huëya pën mashori panca marë anpotërinsoꞌ, ayanimiatërin. Iminoꞌsaꞌ, pastoroꞌsaꞌ, inapitanta huëyarantararin.

Amós 7:7

Ina piquëran Siniorosoꞌ, aꞌna yaꞌhuërë huaꞌnarëso pochin aꞌnotaantarinco. Sinioro chachin aꞌna paira pirayan huaniárin niꞌnahuë. Imirinquë aꞌnara paira tantiatiinan sëꞌquëarin.

Amós 8:1

Aꞌna tahuëri Sinioro huaꞌnarëso pochin aꞌnotaantarinco. Aꞌna iꞌmëquë huayo noyá cayatërin niꞌnahuë.

Malaquías 3:11

Shaꞌtohuatamara, nisha nisha nipisopitari shaꞌtëramasopita tapirin. Oparonëmantaꞌ, napotërin. Napotëranquëmaso chachin nipatamaꞌ, co huachi inapita apiponquëmahuëꞌ.