Amós 6:9 - Chayahuita (Shahui)

⁹ Naporoꞌ aꞌna pëiquë shonca yaꞌpi quëparitohuachinaꞌ, shonca chachin chiminaponaꞌ.

Amós 6:9 ပူးပေါင်းရင်းမြစ်များ

Copo naporinso' 1:2

Shonca huiꞌninpita yaꞌhuëtërin. Canchisë quëmapi, cara sanapi. Notohuaroꞌ pëꞌtahuatërin: Canchisë huaranca ohuicaroꞌsaꞌ, cara huaranca camiyoroꞌsaꞌ, aꞌnatërápo pasa moraroꞌsaꞌ, inapita pëꞌtahuarin. Noꞌpaꞌ ohuërërinsopitanta toronënpitarë chachin aꞌnatërápo pasa yaꞌhuëtërin. Naporahuaton piyapinënpitantaꞌ, huaꞌhuayátërahuë camairin. Napoaton aꞌnapita piꞌi pipirinso parti yaꞌhuëroꞌsa quëran, maꞌhuan maꞌhuan inasoꞌ.

Jeremías 9:21

Sëtatona oshaahuachina napoꞌinaꞌ: ‘Pëinënpoapitaquë chimirin yaꞌcotërinpoaꞌ. Noya noya pëiroꞌsaquënta yaꞌconin. Cachiroꞌsaquë notohuaroꞌ huaꞌhuaroꞌsa tiquipi. Prasaroꞌsaquënta huiꞌnapiroꞌsa inapotopi.

Amós 5:3

Siniorosoꞌ Yosë niꞌton, napotarinquëmaꞌ: “Aꞌna Israiro ninano quëran ahuëtacaiso marëꞌ huaranca sontaroꞌsa aꞌpahuatamara, pasaíchin huënantaponaꞌ. Aꞌna ninano quëransoꞌ pasa aꞌpahuatamaꞌ, shoncaíchin huënantaponaꞌ. Napoaponahuëꞌ, noya nanpirápamaso nohuantohuatamaꞌ, ca chinotoco catahuainquëmaꞌ,” tënin Sinioro.

1 Samuel 2:33

Aꞌna tëranta quëmá quëran pipirinsoꞌ artaronëhuëquë corto huaꞌan pochin sacatohuachin, noyapataton sëtápon. Sëtaton naꞌnërápaton, somaraya pochin quëparitarin. Naporahuaton napotëranquënso chachin nisarin. Co aꞌnaya tëranta quëmá quëran pipirinsoꞌ mashotaquë huarëꞌ nanpiponhuëꞌ.