Amós 6:6 - Chayahuita (Shahui)

⁶ Huino oꞌotoma noꞌpiráramaꞌ. Noya noya huaꞌsaiꞌ pashiramaꞌ. Canpitaso taꞌhuantochináchin nisapiramahuëꞌ: “Maꞌta pini,” toconamaꞌ.

Amós 6:6 ပူးပေါင်းရင်းမြစ်များ

Génesis 49:22

‘Quëmaso Cosi, iꞌsha yonsanquë huayo huanirinso pochin ninan. Inasoꞌ huayo paꞌpi notohuaroꞌ nitërin. Sëꞌpaquënpitantaꞌ, paira paꞌtërin.

Isaías 28:1

¡Maꞌhuántacha Samaria ninanoquë yaꞌhuëpisopita nisapi paya! Inaquë Israiro copirno huaꞌanëntërin. Yanco ahuirin quëran yancotë nipiso pochin nipirinhuëꞌ, ina ninanosoꞌ, israiroꞌsari paꞌyatërin. Inapitasoꞌ noꞌpicaisoráchin cancantatonaꞌ, co noyahuëꞌ nipi. Noyaroꞌpaꞌ motopiana inapatontarinquë ina ninanoso acopirinahuëꞌ, yaꞌhuëhuanoꞌsasoꞌ, huino oꞌotona noꞌpicaisoráchin cancantopi. Napoaton inapita anaꞌintacaso marëꞌ Siniorori aꞌnara chiníquën quëmapi acorin. Inari ocai anotërinso pochin chiníquën nanantaton anoantarin. Panca ihuan maꞌsha quiquirinso pochin, ihuaiꞌ sharoꞌsa inquirinso pochin, pacon huëhuëpiro paꞌninso pochin, yaꞌipi atatahuaton toꞌpi toꞌpitarinso pochin, ina quëmapiri nitapon. Samariaquë noꞌpicaisoráchin cancantopisopita ataꞌhuantapon. Noyápiachin yancotë yaꞌhuëtohuachinara nipaꞌyatopiso pochin ina ninanosoꞌ israiroꞌsari paꞌyatopirinahuëꞌ, inapotapon. Iquira huayo yaꞌnan cayarinsopita quënanpachinara, co oshatapihuëꞌ macatona capacaisoꞌ. Inapochachin ina quëmapintaꞌ, canquihuachin co oshataponhuëꞌ ina ninano ataꞌhuantacasoꞌ.

Oseas 3:1

Ina quëran Siniorosoꞌ camaiantatonco: “Paaton, saꞌan chachin maantaquëꞌ. Inasoꞌ aꞌporahuatënquën, aꞌna quëmapirëꞌ yaꞌhuëárin. Inapopirinhuëꞌ, naquëranchin nosoroantaquëꞌ. Ina pochin caso Sinioroco israiroꞌsa nosororahuë. Inapitasoꞌ mamanshiroꞌsa moshatonaꞌ, cashin panoꞌsa inahua marëꞌ quëpi. Ina quëran inapita mosharahuatonaꞌ, ina panoꞌsasoꞌ caꞌpi. Ina panoꞌsasoꞌ, opa cayarinso ayanirahuatona acotopi,” itërinco.

Amós 2:8

Inapitasoꞌ mamanshi marëꞌ maꞌsha tëpapisoꞌ caꞌpatopi. Aꞌnanpiso pahuërëtacaisoꞌ nitotai marëꞌ aꞌmopiso maꞌpatopi. Ina huëtohuachinara, ina aipi caꞌpatopi. Topinan quëran apahuërëtahuatonaꞌ, coriqui maꞌpatopi. Ina coriquiquë huino paꞌanatonaꞌ, mamanshinëna moshapisoꞌ pëiroꞌsaquë oꞌopi,” tënin.

Amós 4:1

Sanapiꞌsanquëmanta Samaria ninanoquë yaꞌhuëramasopita, natanco shaꞌhuichinquëmaꞌ: Canpitasoꞌ, Pasan parti ohuacaroꞌsa amonpiso pochin noya coshatatomaꞌ, amonamaꞌ. Popriyaroꞌsa nonpintatoma ihuaramaꞌ. Pahuantopisopitanta aparisitëramaꞌ. Soꞌyamanta huino quëshiimaso camairamaꞌ. Naporamaꞌ.

Juan 12:3

Naporoꞌ Mariasoꞌ aꞌna potiria paꞌton huaꞌsaiꞌ yaꞌhuërinquë manin. Inaquë Quisoso nantëquën pashirantëtërin. Ina quëran ainën quëran amirantërin. Yaꞌipi pëiꞌ pimoanahuanin.

Romanos 12:15

Aꞌnapita naꞌcon yonquicoꞌ. Canpitaora ninatanamaso pochin cancantocoꞌ. Noya cancantohuachinaꞌ, ina marëꞌ canpitantaꞌ noya cancantocoꞌ. Sëtohuachinaꞌ, sëtocoꞌ.

1 Corintios 12:26

Maquënpoa tërantaꞌ iquin nipachina, yaꞌipi ninatanëꞌ. Inapochachin maquënpoa tërantaꞌ paꞌyatohuachinënpoaꞌ, yaꞌipi nonënpoaꞌ capa cancantërin.

1 Timoteo 5:23

Apira apira yacanioran niꞌton, ama api iꞌsharáchin oꞌoquësohuëꞌ. Piꞌpian huinontaꞌ oꞌoquëꞌ, aquëtëꞌ caniotan.