Amós 6:5 - Chayahuita (Shahui)

⁵ Pirinan pihuipoma pochin manta tëranta cantaramaꞌ. Tapi copirno pochin co niꞌchinpisohuëꞌ piꞌnicaisoꞌ, pihuicaisoꞌ, inapita ocoipitëraramaꞌ.

Amós 6:5 ပူးပေါင်းရင်းမြစ်များ

Génesis 31:27

Nonpintatonco, co shaꞌhuitaponcorahuëꞌ taꞌaiaran. ¡Co naporëhuëꞌ! Yaꞌhuëranquë yapaantaranso shaꞌhuitëranco naporini, noya ninontatëhua capa cancanchitërihuahuëꞌ. Pita nicatëhuaꞌ: Tonton, arpa, inapita piꞌnipiquë ninonchitërihuahuëꞌ.

Amós 5:23

Chinotatomaco cantahuatamara, nonca noncatoconamaꞌ. Naporamaso amirahuë niꞌton, ¡taꞌtoco huachi! Chinotatomaco arparoꞌsanta piꞌniramasoꞌ, ¡co huachi yanatanahuëꞌ!

Amós 8:3

Ina tahuëri nanihuachin, copirno noyápiachin pëinënquë cantayantopisoꞌ, copi tapon. Naꞌnëroꞌsa yaꞌhuërëꞌ, oshaatona noncarorantaponaꞌ. Notohuaroꞌ piyapi naporo chiminapon niꞌton, co huachi paꞌpitaponahuëꞌ. Onpopinquë tëranta topinan tëꞌyataponaꞌ. Co manta tëcaponaraihuëꞌ, tëꞌyataponaꞌ. Ca Sinioroco noꞌtëquën shaꞌhuitaranquëmaꞌ, tënin.

1 Pedro 4:3

Huaꞌquiꞌ co noyahuëꞌ ninamaꞌ. Monshihuanamaꞌ, nisha nisha sanapi noyaramaꞌ, noꞌpiramaꞌ. Pita nicacasoáchin yonquiramaꞌ. Mamanshi mosharamaꞌ, co inapita moshacasohuëꞌ nipirinhuëꞌ. Iráca co Yosë imatomahuëꞌ, inaporamaꞌ. Inapoatomaꞌ, tahuëri chiniaramaꞌ.

Apocalipsis 18:22

Iráca naꞌa arparoꞌsaꞌ piꞌnipi. Pirinanoꞌsaꞌ, tronpitaroꞌsaꞌ, inapitantaꞌ pihuipirinahuëꞌ, iporasoꞌ co huachi mosica natanapihuëꞌ. Co huachi sacatoroꞌsaꞌ inaquë sacatapihuëꞌ. Co huachi cosharoꞌ nipisoꞌ natanapihuëꞌ.