Amós 6:13 - Chayahuita (Shahui)

¹³ Notiparo ninanosoꞌ, aꞌnapitari huaꞌanëntapirinhuëꞌ, inapita canarahuatoma mataantaramaꞌ. Ina marëꞌ canpitasoꞌ: “Ma noyacha ahuëtërai paya,” toconamaꞌ. “Quiyaora chiniatoi, Carnain ninanontaꞌ, minsërai,” tomantatoma topinan quëran capa cancantëramaꞌ.

Amós 6:13 ပူးပေါင်းရင်းမြစ်များ

Copo naporinso' 31:25

Aꞌnaquën notohuaroꞌ maꞌsha yaꞌhuëtohuachinara, noya cancantopi. Caso co onporo tëranta ina pochin yonquirahuëꞌ. Naꞌcon coriqui canapirahuë tërantaꞌ, co naporahuëꞌ.

Copo naporinso' 31:29

Inimiconëhuëpita maꞌsha onpohuachinara, co onporo tëranta noya cancantërahuëꞌ. Aꞌnapitarihuë nipon maꞌsha onpotohuachinara, sëtëyarahuë.

Salmos 2:2

Copirnoroꞌsaꞌ, huaꞌanoꞌsaꞌ, inapita niyontonpi. Sinioro ahuëcaiso marëꞌ nishaꞌhuitapi. Copirno huayoninso tërantaꞌ, co nohuantopihuëꞌ:

Isaías 7:1

Osiasë copirno huiꞌninsoꞌ, Cotamo itopi. Ina huiꞌnintaꞌ, Acaso itopi. Ina yaꞌhuërë Cota huënton copirno nicasoꞌ, Siria copirnosoꞌ, Israiro copirnorëꞌ nicatahuatonaꞌ, Quirosarin ahuëcaiso marëꞌ huëcapaipi. Napoaponaraihuëꞌ, co nanitopihuë minsëcaisoꞌ. Siria copirnosoꞌ, Nisin itopi. Yaꞌhuërëꞌ Israiro copirnosoꞌ, Nimariasë huiꞌnin Pica itopi.

Isaías 7:4

Quënaontarahuaton shaꞌhuitëquëꞌ: “Niyátainpichin yaꞌhuëquëꞌ. Napoaponahuëꞌ, ama paꞌyanquësohuëꞌ. Cato copirnoroꞌsa paꞌpi noꞌhuitënquën huëcapaiarinquënso yonquiaton, ama tëꞌhuatëquësohuëꞌ. Inahuasoꞌ, cato pënamocha yatacopirinso pochin tomontapi. Nisin siriaroꞌsarë chachin huëꞌsarin. Nimariasë huiꞌnionta israiroꞌsarë chachin huëcapaiarinënquën. Inapitasoꞌ nani anoyatopi nicatahuatonaꞌ, maꞌsha onpotiinënquënso marëꞌ. Inapoatonaꞌ:

Isaías 8:6

“Cota huënton israiroꞌsasoꞌ, Nisin copirno, Nimariasë huiꞌnin, inapita tëꞌhuatopi. Inapita tëꞌhuatatonaꞌ, nocaninaco. Caso Siroiꞌ iꞌsha, sanoiꞌ paꞌninso pochin inapita catahuapirahuëꞌ, nocaninaco. Napopi niꞌquëhuarëꞌ, ca nohuanton Asiria copirno sontaronënpitarë chachin huëcapaipon. Inasoꞌ huëꞌpachin, Iopiratësiiꞌ paquiitërinso pochin yaꞌipi Cota huënton ninanoroꞌsa ahuëapon. Pancaiꞌ paquiitohuachina, conopirataquë huarëꞌ icaninso pochin nisarin. Asiria copirnosoꞌ, panca onian yanponaton, mapinën nocorinso pochin yaꞌipi iso noꞌpaquë yaꞌhuëpisopita ahuëapon. Napoaponahuëꞌ, ca Sinioroco canpitarëꞌco chachin nisarahuë,” itërinco.

Jeremías 9:23

Sinioro chachin ina pochin shaꞌhuitërinpoaꞌ. Naquëranchin Sinioro taantapon: “Aꞌnaquëma nani maꞌsha nitotëramaꞌ. Napoapomarahuëꞌ: ‘Ma noyacha caso nitotërahuë paya,’ ama tocosohuëꞌ. Chiníquënquëma nipatamantaꞌ: ‘Ma noyacha caso chinirahuë paya,’ ama tocosohuëꞌ. Nani maꞌsha yaꞌhuëtohuachinquëmantaꞌ: ‘Ma noyacha caso nani maꞌsha yaꞌhuëtërinco paya,’ ama tocosohuëꞌ.

Daniel 4:27

Napoaton carinquën pënëinquën: Noꞌtëquënáchin nicaton, ama huachi aquëtë oshahuaantaquësohuëꞌ. Co noyahuëꞌ ninansopitanta aꞌporahuaton, popriyatopisopita catahuacaso cancantëquëꞌ. Tapona inaporanso marëꞌ noya yayaꞌhuërápiranhuëꞌ,” itërinco.

Jonás 4:6

Yosëso Sinioro niꞌton, Conasë anaꞌitacaso marëꞌ aꞌnara nonirintë naꞌton pochin nininso apapotërin. Inapotahuaton aꞌna tashiya marëáchin imënamëaꞌhuaya asoꞌquëëtërin. Inapotohuachina, noyá imorapitërin. Napoaton Conasësoꞌ, nonirintë marëꞌ paꞌpi noya cancantërin.

Juan 16:20

Noꞌtëquën itëranquëmaꞌ. Sëtatomaꞌ, naꞌnëaramaꞌ. Co natërinacosopitasohuëꞌ nipirinhuëꞌ: “Nani chiminin huachi,” taꞌtonaꞌ, capa cancantapi. Canpitaso nipirinhuëꞌ sëtapiramahuëꞌ, co huaꞌquiꞌ sëtaramahuëꞌ. Aꞌnaroáchin noya cancantantaramaꞌ.

Santiago 4:16

“Quiyaora nohuanton, nani maꞌsha nisarai,” toconamaꞌ. Co Yosë yonquihuatamahuëꞌ, co noyahuëꞌ cancantaramaꞌ.

Apocalipsis 11:10

Tëpapi niꞌton, capa cancantatonaꞌ, pita nisapi. Maꞌshanënantaꞌ topinan aꞌnaya aꞌnaya niquëtapi. “Huaꞌquiꞌ pënënatonpoaꞌ, apininpoaꞌ nipirinhuëꞌ, iporasoꞌ nani chiminpi,” taꞌtonaꞌ, capa cancantapi.

1 Samuel 4:5

Quëꞌcanquihuachinara israiroꞌsa capa cancantopi. Capa cancantatona noncaromiatopi. Noꞌpaꞌ nacontaquë huarëꞌ noncaropi.