Amós 6:12 - Chayahuita (Shahui)

¹² ¡Cahuarioroꞌsasoꞌ, co nanitopihuëꞌ natëtëroꞌsa paꞌtontacaisoꞌ! ¡Noꞌpaꞌ ohuërëpiquë ohuacaroꞌsasoꞌ, co marë ohuërëaponahuëꞌ! “Coisëroꞌsa catahuainacoi,” taꞌtona aꞌnaquënso huëcapaipirinënquëmahuëꞌ, canpitarisoꞌ noniatë pochin nitatomaꞌ, tëpatë pochin nitëramaꞌ. Inapoatomaꞌ, co inapocasohuëꞌ nininso ninamaꞌ. Catahuamaso marëꞌ ninarinëmasopita co catahuatomahuëꞌ, naꞌcon naꞌcon anoꞌhuitëramaꞌ.

Amós 6:12 ပူးပေါင်းရင်းမြစ်များ

Amós 2:3

Copirnonëna osërëtarahuë. Ina nisahuaton huaꞌanoꞌsa acorinsopitarë chachin, tëpaarahuë,” tënin.

Amós 3:10

Inapitasoꞌ, noya nicacaisoꞌ co nitotopihuëꞌ. Ahuëtatona maꞌsha mapisoꞌ, noya pëinënaquë tapapi,’ itoncoꞌ,” tënin.

Amós 5:7

Aꞌnaquën noya nisapirinahuëꞌ, co noyahuëꞌ nisapiso pochin maꞌsha onpotëramaꞌ. Inapoatoma noya nicacasoꞌ, nocanatë pochin nitëramaꞌ. Ina marëꞌ canpitasoꞌ, ¡maꞌhuantacha nisarama paya!

Santiago 3:18

Yosë yonquihuatëhuaꞌ, sano cancantatëhuaꞌ, nanan anoyatarihuaꞌ. Napoaton, noya niniꞌtëhuaꞌ yaꞌhuarihuaꞌ. Noya nipatëhuaꞌ, aꞌnapitantaꞌ nicatonpoaꞌ, noya nisapi.