Amós 5:8 - Chayahuita (Shahui)

⁸ Inápaquë tayora huëntonoꞌsa chitoro pochin yaꞌnopiso yaꞌhuërin. Aꞌnasoꞌ, Priyatisë itopi. Aꞌnantaꞌ, Orion itopi. Yaꞌipi inapita Siniorori acorin. Ina nohuanton tashinta tahuëririn. Tahuërintaꞌ, ina nohuanton tashirin. Ina nohuanton marë tomontërin. Ina quëran noꞌpaquë oꞌnanin. Inasoꞌ, Sinioro. Ina pochin nohuitocoꞌ.

Amós 5:8 ပူးပေါင်းရင်းမြစ်များ

Copo naporinso' 38:34

Cari chitoro camaihuatora, oꞌnan anotërin. Quëmasoꞌ oꞌnanacaso marëꞌ camaihuatan, ¡co onporo natëarinquënhuëꞌ!

Salmos 104:20

Tashihuachinantaꞌ, yaráton aꞌmopiquë isoroꞌpaꞌ imotërëso pochin nitëran. Naporo tashi paꞌtëroꞌsasoꞌ, pipirapi.

Salmos 105:28

Yosë nohuanton iquipitoroꞌsa tashiri imotërin. Inapoaponaraihuëꞌ, co yanatëtopihuëꞌ.

Isaías 42:16

Somarayaroꞌsanta ira co nohuitopisohuëꞌ, quëpatarahuë. Inapita marëꞌ tashinantërinsoꞌ, tahuëriya pochin atarantarahuë. Naꞌpiro iraroꞌsantaꞌ, siminto ira pochin atarantarahuë. Onpopionta inapochin acotarahuë.

Amós 4:13

Sinioro napotarinquëmasoꞌ natancoꞌ. Inari motopiroꞌsa acorin. Inari chachin ihuaontaꞌ, acorin. Ina chachin maꞌsona yanininsopita anitotërinpoaꞌ. Ina nohuanton tahuërinta iꞌhuahuachina, tashirin. Ina inápa motopiroꞌsa quëran huarëꞌ inariso paꞌtërin. Inaso Sinioro, Yosë yaꞌipi nanitaparinsoꞌ. Inapochin nohuitahuaꞌ, tënahuë.

Amós 8:9

Naquëranchin Sinioro taantarin: “Isontaꞌ, ca Sinioroco noꞌtëquën shaꞌhuitaranquëmaꞌ: Ina tahuëri nanihuachin, camotëchin nipirinhuëꞌ, piꞌi tacopiapon. Yono piꞌi nipirinhuëꞌ, tashiapon.

Amós 9:6

Siniorosoꞌ, inápaquë yaꞌhuërin. Isoroꞌpaꞌ aipi piꞌiroꞌtë acorin. Ina nohuanton marë quëran chitoro pipihuachina, isoroꞌpaquë oꞌnanin. Inasoꞌ Sinioro. Ina pochin nohuitërëhuaꞌ.

Mateo 4:16

Inapitasoꞌ co Yosë nohuitatonaraihuëꞌ, tashi pochin cancantopi. Chiminpachinaꞌ, parisitomiatacaisoꞌ yaꞌhuëpirinhuëꞌ, Yosëri aꞌpintërinso pochin nanamën anitotarin noya cancantacaiso marëꞌ. Tahuëri pochin aꞌpintarin huachi,” tënin iráca. Naporinso chachin Quisoso inatohuaꞌ paaton, aꞌchinarin.

Lucas 1:79

Tashinan pochin cancantopirëhuahuëꞌ, aꞌpintatë pochin nitarinpoaꞌ noya nanpicaso marëꞌ. Anoyacancantohuachinpoaꞌ, sano cancantarihuaꞌ,” tënin Sacariasë.